2026 წლის იანვარ-მაისში საქართველოსა და საფრანგეთს შორის საგარეო სავაჭრო ბრუნვამ კლება განიცადა. საანგარიშო პერიოდში ქვეყნებს შორის ვაჭრობის მოცულობამ 140,106.5 ათასი დოლარი შეადგინა, რაც 2025 წლის ანალოგიურ პერიოდთან შედარებით 5.88%-ით ნაკლებია.

სავაჭრო ბალანსში ტრადიციულად იმპორტი ჭარბობს, თუმცა შემცირება დაფიქსირდა როგორც ექსპორტის, ისე იმპორტის მიმართულებით.

საქსტატის საიტზე განთავსებული ინფორმაციის თანახმად, მიმდინარე წლის პირველ ხუთ თვეში საქართველოდან საფრანგეთში 15,439.9 ათასი დოლარის ღირებულების პროდუქცია გავიდა, რაც გასული წლის იმავე პერიოდის მაჩვენებელზე (19,645.4 ათასი დოლარი) 21.41%-ით ნაკლებია.

TOP 5 პროდუქტი, რის ექსპორტსაც საქართველო საფრანგეთში ახდენს:

• ნაყოფი და მცენარის სხვა ნაწილები, სხვა წესით დამზადებული ან დაკონსერვებული - 4 202.2 ათასი დოლარი;
• თხილი და სხვა კაკალი - 3 929.8 ათასი დოლარი;
• ფეროშენადნობები - 1 819.6 ათასი დოლარი;
• წმინდად და უხეშად დაფქული ფქვილი და ფხვნილი გამხმარი პარკოსანი ბოსტნეულისაგან - 1 136.2 ათასი დოლარი;
• ფოთლები, ტოტები და მცენარეების სხვა ნაწილები - 912.8 ათასი დოლარი;

რაც შეეხება საფრანგეთიდან საქონლის შემოტანას, კლების ტენდენცია აქაც დაფიქსირდა, თუმცა უფრო მცირე მასშტაბით. 2026 წლის იანვარ-მაისში იმპორტმა 124,666.6 ათასი დოლარი შეადგინა, რაც 2025 წლის ანალოგიურ მაჩვენებელთან (129,212.0 ათასი დოლარი) შედარებით 3.52%-იანი კლებაა.

TOP 5 პროდუქტი, რის იმპორტსაც საქართველო საფრანგეთიდან ახდენს:

• ნარევები გამოსაყენებული სასმელების წარმოებაში - 16 060.2 ათასი დოლარი;
• კოსმეტიკური საშუალებები ან მაკიაჟისა და კანის მოვლის საშუალებები - 11 632.0 ათასი დოლარი;
• სამკურნალო საშუალებები დაფასოებული - 10 140.0 ათასი დოლარი;
• სუნამოები და ტუალეტის წყალი - 8 338.3 ათასი დოლარი;
• ნაღების კარაქი და რძის სხვა ცხიმები; რძის პასტები - 7 987.5 ათასი დოლარი;