მსოფლიოში სურსათის ფასებმა 2022 წლის შემდეგ რეკორდულ ნიშნულს მიაღწია, მიწოდების რისკები კი იზრდება - FAO
გაეროს სურსათისა და სოფლის მეურნეობის ორგანიზაციის (FAO) ინფორმაციით, აგვისტოში მსოფლიოში სურსათის ფასები 2022 წლის ბოლოს შემდეგ უმაღლეს დონემდე გაიზარდა. ფასების ზრდა გაამწვავა არასასურველმა ამინდმა და შავი ზღვის რეგიონში მიმდინარე კონფლიქტით გამოწვეულმა შეფერხებებმა, რამაც ძირითადი სასურსათო პროდუქტების მიწოდებასთან დაკავშირებით შეშფოთება გააძლიერა.
ევროპაში სიცხემ და გვალვამ, ძლიერი ამინდის მოვლენის საფრთხემ, ასევე მიმდინარე კონფლიქტით გამოწვეულმა სავაჭრო შეფერხებებმა სასოფლო-სამეურნეო ბაზრებზე გაურკვევლობა გაზარდა. შედეგად, მარცვლეულის ფასებმა ბოლო სამი წლის მაქსიმუმს მიაღწია, შაქრის ფასმა კი ბოლო ერთი წლის განმავლობაში ყველაზე მაღალ ნიშნულს მიაღწია.
FAO-ს სურსათის ფასების ინდექსმა, რომელიც საერთაშორისო ბაზარზე ვაჭრობადი სასურსათო პროდუქტების კალათის ფასების ყოველთვიურ ცვლილებას ასახავს, აგვისტოში საშუალოდ 133.3 ქულა შეადგინა, ივლისში დაფიქსირებული, გადახედილი 130.8 ქულის შემდეგ.
ეს მაჩვენებელი 2022 წლის ნოემბრის შემდეგ ყველაზე მაღალია, თუმცა 2022 წლის მარტში დაფიქსირებულ რეკორდულ ნიშნულზე თითქმის 17%-ით დაბალია.
დღის ტოპ 10 სიახლე
სხვა სიახლეები
ქვეყნები, სადაც საქართველო ნუშის ექსპორტს ახდენს
23.10.2026.19:00
საქართველოდან ნუშის ექსპორტი მზარდია. საქსტატის ინფორმაციით, 2026 წლის იანვარ-სექტემბერში საქართველომ 125.2 ათასი დოლარის ღირებულების 66.4 ტონა ნუში გაიტანა ექსპორტზე, 2025 წლის ანალოგიურ პერიოდში კი 13.0 ტონა. შესაბამისად, ქვეყნიდან ნუშის ექსპორტი 410.8%-იან ზრდას აჩვენებს.
საქართველოსთვის ნუშის მთავარი ექსპორტიორი ქვეყანა უზბეკეთია.
TOP 2 ბაზარი, სადაც საქართველო ნუშს ყიდის:
• უზბეკეთი - 65.0 ტონა - 119.0 ათასი დოლარი;
• რუსეთი - 1.4 ტონა - 6.2 ათასი დოლარი;
რაც შეეხება ნუშის იმპორტს, აქ 138.9%-იანი ზრდა ფიქსირდება.
არსებული სტატისტიკური მაჩვენებლები ცხადყოფს, რომ საქართველოში ნუშის მთავარი იმპორტიორი ქვეყანა აზერბაიჯანია.
2026 წლის 9 თვეში საქართველოში ნუშის იმპორტი 3 ბაზრიდან განხორციელდა:
• აზერბაიჯანი - 286.0 ტონა - 492.7 ათასი დოლარი;
• აშშ - 40.8 ტონა - 203.7 ათასი დოლარი;
• თურქეთი - 33.3 ტონა - 176.5 ათასი დოლარი.
ინვესტიციების სააგენტოს ორგანიზებით, საკვებისა და სასმელების საერთაშორისო გამოფენაში SIAL Paris 2026 საქართველოდან 31-მა კომპანიამ მიიღო მონაწილეობა
23.10.2026.15:43
იანვარ-სექტემბერში საქართველოში $3.1 მილიონზე მეტის ღირებულების ზეითუნის ზეთის იმპორტი განხორციელდა
23.10.2026.13:00
მესამე კვარტალში საცხოვრებელი უძრავი ქონების ფასების ინდექსი 1.5%-ით გაიზარდა | საქსტატი
23.10.2026.11:09
