ნათია თურნავამ მონაწილეობა მიიღო ლონდონის საფონდო ბირჟაზე ზარის დარეკვის ცერემონიაში, რომელიც საქართველოს ბანკის FTSE 100 ინდექსში გაწევრიანებას მიეძღვნა
საქართველოს ეროვნული ბანკის პრეზიდენტმა, ნათია თურნავამ მონაწილეობა მიიღო ლონდონის საფონდო ბირჟაზე გამართულ ზარის დარეკვის ცერემონიაში, რომელიც საქართველოს ბანკის, როგორც Lion Finance Group-ის წევრი კომპანიის, FTSE 100 ინდექსში გაწევრიანებას მიეძღვნა.
ღონისძიებაზე სიტყვით გამოსვლისას, ნათია თურნავამ ყურადღება გაამახვილა საქართველოს ფინანსური სექტორის განვითარებასა და საერთაშორისო ბაზრებთან ინტეგრაციაზე. მისი თქმით, აღნიშნული მოვლენა ასახავს იმ პროგრესს, რომელსაც ქვეყანამ ფინანსური სისტემის გაძლიერებისა და საერთაშორისო სტანდარტებთან დაახლოების მიმართულებით მიაღწია.
„ეს მნიშვნელოვანი ეტაპია საქართველოს ფინანსური სექტორისთვის და ასახავს მის სანდოობასა და საერთაშორისო ბაზრებზე წარმატებულ პოზიციონირებას. საქართველოს ბანკის ეს მიღწევა კიდევ ერთხელ ადასტურებს, რომ ჩვენი ქვეყნის ფინანსური სექტორი ძლიერი და საიმედოა. ჩვენი რეგულატორული ჩარჩო კი სრულ შესაბამისობაშია საუკეთესო საერთაშორისო პრაქტიკებთან, ხოლო ინსტიტუციები საკმაოდ კონკურენტულები საერთაშორისო დონეზე,“ - განაცხადა სებ-ის პრეზიდენტმა.
ზარის დარეკვის ცერემონია ლონდონის საფონდო ბირჟის ტრადიციული სიმბოლური ღონისძიებაა, რომელიც მნიშვნელოვან კორპორაციულ მოვლენებს ეძღვნება და მასში მონაწილეობენ ფინანსური სექტორის წარმომადგენლები, ინვესტორები და სხვა დაინტერესებული მხარეები.
დღის ტოპ 10 სიახლე
სხვა სიახლეები
Business Insider Georgia-ს ეკონომიკური კალენდარი | 8 - 12 ივნისი
08.06.2026.01:52
რა ეკონომიკურ სიახლეებს გაეცნობით მიმდინარე კვირის განმავლობაში | Business Insider Georgia 8 - 12 ივნისის კალენდარს გიზიარებთ:
საქსტატის კალენდარი
9 ივნისი | მონეტარული სისტემის, ფინანსური ბაზრის და ფისკალური სტატისტიკის მაჩვენებლები (2026 წლის I კვარტალი)
9 ივნისი | პირდაპირი უცხოური ინვესტიციები (2026 წლის I კვარტალი, წინასწარი)
10 ივნისი | სამომხმარებლო ფასების ჰარმონიზებული ინდექსი (2026 წლის მაისი)
12 ივნისი | მუზეუმების სტატისტიკური გამოკვლევა (2025 წელი)
12 ივნისი | თეატრების სტატისტიკური გამოკვლევა (2025 წელი)
სებ-ის კალენდარი
10 ივნისი | ცენტრალური ბანკის მიმოხილვა
2026 წლის მაისის მდგომარეობით საქართველოს მთლიანი საერთაშორისო რეზერვები 7.0 მილიარდ დოლარამდე გაიზარდა
05.06.2026.19:30
ეროვნულ ბანკთან პარტნიორობით ვქმნით თანამედროვე და მდგრად საფინანსო ინფრასტრუქტურას, რომელიც სრულ შესაბამისობაშია საერთაშორისო სტანდარტებთან - Montran
05.06.2026.17:56
იანვარ-აპრილში საქართველომ $20,2 მლნ მილიონის ღირებულების კარაქის იმპორტი განახორციელა
05.06.2026.13:00
