Nvidia მონაცემთა ცენტრის გარიგების ფარგლებში SB Energy-ში $3 მილიარდის ინვესტირებას გეგმავს
Nvidia მოლაპარაკებებს აწარმოებს SB Energy-ში 3 მილიარდ დოლარამდე ინვესტიციის განხორციელებაზე. SB Energy SoftBank Group-ის შვილობილი კომპანიაა და ოჰაიოში OpenAI-სთვის დაგეგმილ მასშტაბურ მონაცემთა ცენტრის პროექტს ავითარებს.
ანგარიშის მიხედვით, დაგეგმილი ინვესტიცია Nvidia-ს, OpenAI-სა და SB Energy-ს შორის მიმდინარე მოლაპარაკებების ნაწილია, რომლებიც ოჰაიოში დაგეგმილი მონაცემთა ცენტრის კამპუსისთვის დაახლოებით 100 მილიარდი დოლარის საკრედიტო მხარდაჭერის უზრუნველყოფას ითვალისწინებს.
Nvidia განიხილავს 3 მილიარდი დოლარის ინვესტიციის ნახევრის განხორციელებას ოჰაიოს პროექტის შესახებ შეთანხმების გაფორმებისთანავე, ხოლო მეორე ნახევრის ინვესტირებას SB Energy-ის დაგეგმილი პირველადი საჯარო შეთავაზების (IPO) ფარგლებში.
SB Energy აქციების ბირჟაზე განთავსებას უკვე მომდევნო თვეში გეგმავს და IPO-ს ფარგლებში შესაძლოა მინიმუმ 5 მილიარდი დოლარი მოიზიდოს.
SB Energy, რომელსაც ასევე OpenAI უჭერს მხარს, მასშტაბური ენერგეტიკული და მონაცემთა ცენტრების ინფრასტრუქტურის პროექტებს ავითარებს. 2019 წელს დაარსებული კომპანია რამდენიმე მონაცემთა ცენტრის კამპუსს აშენებს, რათა ხელოვნური ინტელექტის გამოთვლით დატვირთვაზე მზარდი მოთხოვნა დააკმაყოფილოს.
სხვა სიახლეები
ლარის კურსი დოლართან გამყარდა
21.10.2026.17:02
1 ევროს ოფიციალური ღირებულება 2.9163 ლარი გახდა, ხოლო 1 აშშ დოლარის 2.5976 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.5976 ლარით განისაზღვრა. კურსი, რომელიც დღეს მოქმედებდა 2.5978 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0002 ლარი შეადგინა.
რაც შეეხება ევროს, მისი ღირებულება 2.9163 ლარია მაშინ, როცა დღეს მოქმედი კურსი 2.9127 ლარს შეადგენდა. შესაბამისად, ევროს ცვლილებამ 0.0036 ლარი შეადგინა.
ციფრული ლარის საპილოტე პროგრამა ეროვნულ ბანკს საშუალებას მისცემს, შეისწავლოს ციფრული ვალუტის დანერგვასთან დაკავშირებული სარგებელი - დავით უტიაშვილი
21.10.2026.16:23
მსოფლიო ბანკის პრეზიდენტი მიზნად ისახავს კრიტიკული მინერალების დაფინანსების ხუთჯერ გაზრდას
21.10.2026.13:00
საქართველოს ეროვნული ბანკი მონეტარული პოლიტიკის განაკვეთს უცვლელად, 8.25%-ზე ინარჩუნებს
21.10.2026.12:03
საფოსტო და საკურიერო საქმიანობით დაკავებული საწარმოების შემოსავლების 70.3% საერთაშორისო გზავნილებზე მოდის - საქსტატი
21.10.2026.11:09
საქართველოს ეკონომიკური ფორუმის დისკუსიაზე აღინიშნა არაერთი მნიშვნელოვანი საკითხი, სადაც აგროდაზღვევის როლმა კიდევ უფრო წარმოიწია - გიორგი ბარათაშვილი
21.10.2026.09:36
