„ქართული ღვინის პოპულარიზაციის ხელშეწყობის სახელმწიფო პროგრამის“ ფარგლებში, ღვინის ეროვნული სააგენტოს თანადაფინანსება ხუთმა კომპანიამ მიიღო
მიმდინარე წელს, „ქართული ღვინის პოპულარიზაციის ხელშეწყობის სახელმწიფო პროგრამის“ ფარგლებში, ჯამურად 224.3 ათასი ლარის ოდენობის თანადაფინანსება ქართული ღვინის მწარმოებელმა ხუთმა კომპანიამ მიიღო - „ვილა მოსავალი“, „მეღვინეობა ჩელთი“, „თიკო ისთეით“, „ბი ჯი ვაინსი“ და „ასკანელი ძმები“.
სულ პროგრამაში 20 განაცხადი შევიდა, რომელთაგან პირობები მხოლოდ აღნიშნულმა ხუთმა კომპანიამ დააკმაყოფილა.
პროგრამაში მონაწილე კომპანიების მიერ მიზნობრივ ბაზრებზე ექსპორტირებული ღვინის მოცულობამ 2025 წელს 676,685.75 ლიტრი შეადგინა, რაც 2024 წლის ანალოგიურ მაჩვენებელთან შედარებით 20%-ით მეტია.
პროგრამის პირობების შესაბამისად, კომპანიებმა მიზანმიმართული მარკეტინგული აქტივობების შედეგად მნიშვნელოვნად გაზარდეს ექსპორტის მოცულობა ამერიკის, ევროპისა და აზიის ბაზრებზე.
„ქართული ღვინის პოპულარიზაციის ხელშეწყობის სახელმწიფო პროგრამა“ საქართველოს მთავრობამ 2021 წლის სექტემბერში, ქართული ღვინის საექსპორტო პოტენციალის ზრდისა და პრიორიტეტული ბაზრების დივერსიფიცირების მიზნით დაამტკიცა.
პროგრამას სსიპ ღვინის ეროვნული სააგენტო, საქართველოს გარემოს დაცვისა და სოფლის მეურნეობის სამინისტროს კოორდინაციით ახორციელებს.
აღსანიშნავია, რომ სააგენტო მარკეტინგული ხარჯების თანადაფინანსებას უზრუნველყოფს მხოლოდ იმ კომპანიებისთვის, რომლებიც ექსპორტს ახორციელებენ პრიორიტეტულ ბაზრებზე მსოფლიოს სხვადასხვა ქვეყანაში, დსთ-სა და სუამ-ის ქვეყნების გარდა.
ინფორმაციას ღვინის ეროვნული სააგენტო ავრცელებს.
სხვა სიახლეები
ლარის კურსი დოლართან და ევროსთან გამყარდა
07.08.2026.17:02
1 ევროს ოფიციალური ღირებულება 3.0212 ლარი გახდა, ხოლო 1 აშშ დოლარის 2.6210 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6210 ლარით განისაზღვრა. კურსი, რომელიც დღეს მოქმედებდა 2.6223 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0013 ლარი შეადგინა.
რაც შეეხება ევროს, მისი ღირებულება 3.0212 ლარია მაშინ, როცა დღეს მოქმედი კურსი 3.0264 ლარს შეადგენდა. შესაბამისად, ევროს ცვლილებამ 0.0052 ლარი შეადგინა.
საქართველოს საერთაშორისო რეზერვები ისტორიულ მაქსიმუმზეა და 7.5 მილიარდ აშშ დოლარს აღემატება - ეკატერინე მიქაბაძე
07.08.2026.14:34
2026 წლის ივლისის მდგომარეობით საქართველოს მთლიანი საერთაშორისო რეზერვები $7.5 მილიარდს აჭარბებს
07.08.2026.11:51
