მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

ქვეყნის მასშტაბით სამი ახალი თავშესაფრის მშენებლობა იგეგმება - ცხოველთა იდენტიფიკაციისა და პოპულაციის მართვისთვის ₾35 მილიონი დაიხარჯება

news image
mbc image

გარემოს დაცვისა და სოფლის მეურნეობის მინისტრის მოადგილის ლაშა ავალიანის განმარტებით, შინაური ცხოველების იდენტიფიკაცია, რეგისტრაცია და სტერილიზაცია სამწლიანი პროგრამის ფარგლებში დაიწყება მიმდინარე წლის გაზაფხულიდან. ღონისძიებები მოიცავს ცენტრალიზებულ ელექტრონულ მონაცემთა ბაზას, სპეციალისტების დანიშვნას, ქვეყნის მასშტაბით დამატებით სამ თავშესაფარს, არსებული თავშესაფრების მოდერნიზაციას და უფასო სტერილიზაციის პროგრამას პატრონიან და უპატრონო ცხოველებზე. როგორც ტელეკომპანია „მაესტროს“ ეთერში გადაცემა Business Insider Georgia-ში სტუმრობისას ლაშა ავალიანმა განაცხადა, თავად პროცესი საკმაოდ ხანგრძლივია და პირველი წლის შედეგები ბევრი პრაქტიკული საკითხის გამოხატვას უზრუნველყოფს.

„ეს ხანგრძლივი პროცესია და არავის არა აქვს, არ უნდა ჰქონდეს მოლოდინი, რომ ეს რაღაცა ორ თვეში მოგვარდება. მიმდინარე წლიდან დაიწყება, გაზაფხულიდან უკვე ჩვენ პრაქტიკულად ეხლა ვსაუბრობთ - ეს ღონისძიებები უკვე მიმდინარეობს. აქ მოსამზადებელ ღონისძიებებს ვსაუბრობ, ასევე იმ ცენტრალიზებული ელექტრონული პროგრამის შექმნა, სადაც ეს მონაცემთა ბაზა თავს მოიყრის. ასევე დეტალურად არის განსაზღვრული სპეციალისტების რაოდენობა. ასევე აუცილებლად უნდა ვახსენო თავშესაფრების საკითხი - ქვეყნის მასშტაბით იგეგმება დამატებით სამი თავშესაფრის რეგიონულ დონეზე, მუნიციპალიტეტთაშორისი თავშესაფრის მშენებლობა და ასევე სამი არსებული თავშესაფრის მოდერნიზაცია, უფრო მათი წარმადობის გაზრდა. რომელიც დაიწყება მიმდინარე წლიდან. ანუ ეს არის ერთ-ერთი მნიშვნელოვანი ღონისძიება. მეორე, აუცილებლად უნდა ვახსენოთ, რომ დახმარების პროგრამა - უფასო იდენტიფიკაცია-რეგისტრაციის გარდა მოიცავს გარკვეული რაოდენობის პატრონიანი ცხოველების (ამ შემთხვევაში ძუ ძაღლების) სტერილიზაციას, რომელიც იქნება ასევე უფასო, ამ შემთხვევაში სახელმწიფო ბიუჯეტით დაიფარება. ეს იქნება უკვე კონტრაქტის საფუძველზე კერძო ვეტერინარულ დაწესებულებებთან. და ასევე იქნება უკვე უპატრონო ცხოველების სტერილიზაცია-კასტრაცია. ეს ოთხი ძირითადი აქტივობა, რომელიც დაიწყება მიმდინარე წლიდან უახლოეს პერიოდში და გაგრძელდება სამი წლის განმავლობაში, რომელიც გვაჩვენებს ამ, ასე ვთქვათ, ტრენდს და შესაბამისად უკვე მოხდება შესაბამისი ცვლილებები. პირველი წელი დაგვანახებს ბევრ საკითხს“, - განმარტავს მინისტრის მოადგილე.

ლაშა ავალიანის განცხადებით, ცხოველთა რეგისტრაციისა და სტერილიზაციის სამწლიანი პროგრამა საერთო ჯამში 35 მილიონი ლარის ბიუჯეტით განხორციელდება. თანხა მოხმარდება ინფრასტრუქტურას, სატრანსპორტო საშუალებებს, სპეციალისტების და კონტრაქტების მომსახურებას, უცხოელი ექსპერტების ჩართულობას და სამედიცინო საჭიროებებს. 

„ასეთი მასშტაბური ღონისძიებები თავისი როგორც ფინანსური, ისე ადმინისტრირების თვალსაზრისით და ასევე გადაწყვეტილებების თვალსაზრისით არ განხორციელებულა. ეს არის სამწლიანი ინტენსიური პროგრამა, ჯამურად არის 35 მილიონი ლარი გათვალისწინებული. ამაში შედის მშენებლობები, სატრანსპორტო საშუალებები, სპეციალისტების კონტრაქტ-ხელშეკრულებების თანხები, ასევე უცხოელი ექსპერტის მომსახურება, ნებისმიერი სახის ინფრასტრუქტურული თუ სამედიცინო პრეპარატები და ასე შემდეგ. ამ შემთხვევაში სახელმწიფო ფაქტიურად სრულად იღებს ამ ვალდებულებას ამ პროცესის ბირთვის დაძვრისთვის. თუმცა კიდევ ერთხელ, ეს უპირველესად ეს არის მეპატრონის ვალდებულება და ამითი მოდით პირიქით ნუ დავჯდებით და დაველოდებით მხოლოფ სახელმწიფოს ქმედებებს, იმიტომ რომ ეს არის მეპატრონის ვალდებულება. კიდევ ერთხელ ვისარგებლებ თქვენი ეთერით და პირიქით, ითანამშრომლონ სახელმწიფოსთან, რომ ჩაერთონ ზუსტად იმ უფასო პროგრამებში, რათა მერე თავისი თანხების დახარჯვა აღარ მოუწიოთ. ეს თანხებიც ბუნებრივია და ეს რესურსებიც განსაზღვრულია, ამიტომ პირიქით, რაც უფრო ითანამშრომლებს ნებისმიერი საზოგადოება იქნება, დაინტერესებული პირები, საზოგადოებასთან, რომ ეს პროცესი წავიდეს, მე მგონი გვაქვს ისტორიული მომენტი, რომ ჩვენ გარდატეხა შევიტანოთ ამ ყველაფერში, რომ შემდგომ უფრო და უფრო გაადვილდეს ეს პროცესები“, - აღნიშნა ლაშა ავალიანმა. 

banner image news banner
ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image ბოლო ოთხ კვარტალში რეზერვების 2.3 მილიარდი აშშ დოლარით ზრდის დაახლოებით 90% სწორედ ფინანსურმა შემოდინებებმა, უპირველეს ყოვლისა ბანკების მიერ საზღვარგარეთიდან მოზიდულმა სახსრებმა, უზრუნველყო - TBC Capital

20.11.2026.19:00

სავალუტო შემოდინებები შენელდა, თუმცა ლარი სტაბილური რჩება.

სექტემბრის მკვეთრი კლების შემდეგ, ოქტომბერში უცხოური ვალუტის წმინდა შემოდინებების მაჩვენებელი გაუმჯობესდა და წლის საშუალო დონეს დაუბრუნდა. თუმცა ფაქტორები, რომლებიც სავალუტო ბაზარზე უცხოური ვალუტის სიჭარბეს განაპირობებს, ბოლო თვეებში გარკვეულწილად შესუსტდა: ექსპორტის ზრდა შენელდა, იმპორტის ზრდა დაჩქარდა, ფულად გზავნილებზე უარყოფითად აისახა გადარიცხვების ერთ-ერთი მსხვილი რუსული სისტემის წინააღმდეგ დაწესებული სანქციები, ხოლო ტურიზმში, ოქტომბრამდე ძლიერი ზრდის შემდეგ, შენელების ნიშნები გამოჩნდა. ამ ფონზე, სებ-ის სავალუტო შესყიდვები, ჩვენი შეფასებით, საგრძნობლად შემცირდა, აშშ დოლართან ლარის გაცვლითი კურსი კი 2.59–2.60-ის ფარგლებში დასტაბილურდა.

მნიშვნელოვანია, რომ, თიბისი კაპიტალის შეფასებით, სავალუტო ბაზარზე კვლავ სიჭარბე ფიქსირდება. ასეთ პირობებში შემოდინებების კლება უფრო მეტად სებ-ის მიერ რეზერვებისთვის შესასყიდი უცხოური ვალუტის მოცულობას ამცირებს, ვიდრე უშუალოდ ლარის გაცვლით კურსზე ქმნის ზეწოლას. ამას ისიც ადასტურებს, რომ ბოლო პერიოდში, როდესაც აშშ დოლარი გლობალურად გამყარდა და სავაჭრო პარტნიორების ვალუტები გაუფასურდა, ლარი სტაბილური დარჩა.

ამასთან, გასათვალისწინებელია, რომ ოპერატიული მონაცემები, რომელთაც მიმდინარე მდგომარეობის რეალურ დროში შესაფასებლად ვიყენებთ, საგარეო ნაკადების სრულ სურათს ვერ ასახავს. ჩვენი შეფასებით, მიმდინარე ანგარიშის ბალანსი, რეინვესტირებული მოგების გარეშე, რომელიც წლის პირველ ნახევარში ძირითადად ინფორმაციული და საკომუნიკაციო ტექნოლოგიების (ICT) მომსახურების ექსპორტმა გააუმჯობესა, მესამე კვარტალშიც დადებითი დარჩა. თუმცა მეტად თუ არა, არანაკლებ მნიშვნელოვანიფინანსური ნაკადებია, რომელთა შესახებ ოპერატიული მონაცემები ნაკლებად არის ხელმისაწვდომი. ბოლო ოთხ კვარტალში რეზერვების 2.3 მილიარდი აშშ დოლარით ზრდის დაახლოებით 90% სწორედ ფინანსურმა შემოდინებებმა, უპირველეს ყოვლისა ბანკების მიერ საზღვარგარეთიდან მოზიდულმა სახსრებმა, უზრუნველყო. უახლესი დინამიკის გათვალისწინებით, მოსალოდნელია, რომ 2026 წლის მიმდინარე ანგარიშის პროფიციტი, რეინვესტიციის გამორიცხვით, დაახლოებით მშპ-ის 0.5% იქნება, მაშინ როდესაც წინა პროგნოზი 0.7-0.8%-ს შეადგენდა.

უშუალოდ კომპონენტების დინამიკის კუთხით, საგარეო ვაჭრობაში ექსპორტის წლიური ზრდა იანვარ-აგვისტოს 22%-დან სექტემბერ-ოქტომბერში დაახლოებით 5%-მდე შენელდა, იმპორტის ზრდა კი 9%-დან დაახლოებით 15%-მდე დაჩქარდა. ექსპორტის შენელების დიდი ნაწილი ავტომობილების რე-ექსპორტის კლებას და ერთჯერად ფაქტორებს უკავშირდება: სპილენძის მადნების ექსპორტი სექტემბერში შეჩერდა (ოქტომბერში განახლდა), გასული წლის სექტემბერში კი ნახატებისა და თვითმფრინავების ერთჯერადი ექსპორტი დაფიქსირდა. თუმცა ზრდა სხვა პროდუქტებზეც, ძირითადად სურსათსა და სასმელებზე, შენელდა. ავტომობილების რე-ექსპორტის კლება ავტომობილების იმპორტის შემცირებამ თითქმის სრულად დააბალანსა, იმპორტის დაჩქარება კი ძირითადად ნავთობისა და ნავთობპროდუქტების შემოტანამ განაპირობა. მართალია, ნედლი ნავთობის იმპორტი ნავთობპროდუქტების ექსპორტთან ერთად იზრდება, თუმცა სექტემბერ-ოქტომბერში ნავთობისა და საწვავის იმპორტზე ხარჯი ორჯერ მეტით გაიზარდა, ვიდრე ნავთობპროდუქტების ექსპორტიდან მიღებული შემოსავალი. მთლიანობაში, იანვარ-ოქტომბერში საქონლით ვაჭრობის დეფიციტი მშპ-სთან მიმართებით, წინა წლებთან შედარებით, კვლავ მნიშვნელოვნად დაბალია. ამასთან, გასული წლის ძლიერი ნოემბრის გამო, მიმდინარე წლის ნოემბერში ექსპორტი წლიურ ჭრილში შესაძლოა შემცირდეს კიდეც.

სავაჭრო ბალანსზე მოქმედი ფაქტორების მხრივ, აღსანიშნავია ისიც, რომ სავაჭრო პირობები - ექსპორტის ფასების ფარდობა იმპორტის ფასებთან - კვლავ გაუარესდა. თუკი წლის დასაწყისში საექსპორტო საქონლის ფასები იმპორტის ფასებზე მეტად იყო გაზრდილი, ძირითადად ლითონების გაძვირების ხარჯზე, ბოლო რამდენიმე თვის განმავლობაში, უპირველეს ყოვლისა ნავთობის მკვეთრი გაძვირების გამო, ეს პოზიტიური ეფექტი მიილია. საყურადღებოა, რომ ნოემბერში ნავთობის ფასი გლობალურ ბაზრებზე საგრძნობლად შემცირდა, ხოლო საქართველოშიც საწვავის ფასებმა მცირედით უკვე იკლო. თუ ეს ტენდენცია შენარჩუნდა, მოსალოდნელია, რომ სავაჭრო პირობებზე წმინდა ეფექტი დადებითი იქნება. 

ამასთან, ტურიზმიდან შემოსავლების ზრდა ოქტომბერში კვლავ ძლიერი იყო, თუმცა ბოლო კვირების მონაცემები გარკვეულ შენელებაზე მიუთითებს: ნოემბრის შუა რიცხვებისთვის საქართველოს აეროპორტებში ფრენების რაოდენობა წლიურად დაახლოებით 15%-ით იყო შემცირებული, ხოლო არარეზიდენტების უნაღდო დანახარჯები, რომლებიც ტურიზმიდან შემოსავლების შესაფასებლად გამოიყენება, სექტემბრის პიკთან შედარებით 2.5%-ით დაბალია. საპირისპიროდ, რეზიდენტების ხარჯვა კვლავ იზრდება.

ოქტომბერში საქართველოში ფულადი გზავნილები წინა წლის იმავე თვესთან შედარებით 9.5%-ით შემცირდა. კლების დიდი ნაწილი რუსეთიდან, ყაზახეთიდან და ყირგიზეთიდან გზავნილებზე მოდიოდა. სანქციების შემდეგ Zolotaya Korona-ს მეშვეობით საქართველოში გადმორიცხვები დროებით შეწყდა. სხვა სისტემებითრუსეთიდან გადმორიცხული თანხა სექტემბერთან შედარებით გაიზარდა და 11.2 მილიონ აშშ დოლარს მიაღწია, თუმცა ეს სანქციებამდე არსებული თანხის მხოლოდ მეოთხედია. ნოემბრის შუა რიცხვებში Zolotaya Korona-მ საქართველოში გადარიცხვები განაახლა, რაც მომდევნო თვეებში გზავნილების აღდგენას შეუწყობს ხელს, თუმცა აღდგენის ნაწილი შესაძლოა სხვა არხებიდან დაბრუნებულ თანხებსაც ასახავდეს.

იანვარ-სექტემბერში სებ-ის მიერ უცხოური ვალუტის შესყიდვამ 3.4 მილიარდ აშშ დოლარს მიაღწია, ოქტომბრის ბოლოს კი საერთაშორისო რეზერვები რეკორდულ 8.2 მილიარდ აშშ დოლარს გაუტოლდა, რაც საერთაშორისო სავალუტო ფონდის მიერ შეფასებული რეზერვების ადეკვატურობის ნორმის 130%-ია. საგარეო შემოდინებების ბალანსის გათვალისწინებით, მოსალოდნელია, რომ ოქტომბრის შესყიდვები სექტემბრის დონესთან ახლოს იქნება.

რაც შეეხება ლარის პერსპექტივას, სავალუტო ბაზარზე არსებული სიჭარბე კვლავ ლარის მხარდამჭერია, თუმცა წინა პერიოდთან შედარებით ნაკლებად. აგრეთვე, ჩვენი შეფასებით, ლარი კვლავ იმაზე სუსტია, ვიდრე ამას ფუნდამენტური ფაქტორები მოიაზრებს, როგორც მოკლევადიან ასევე გრძელვადიან ჭრილში. მეორე მხრივ, აშშ დოლარის გლობალურად გამყარება და უცხოელი ინვესტორების მხრიდან ლარის სახელმწიფო ფასიან ქაღალდებზე მოთხოვნის შენელება ლარის გამყარებისთვის უარყოფითი ფაქტორებია. ამასთან, შესყიდვების დღევანდელი ტემპით რეზერვების სასურველ დონემდე შევსებას შესაძლოა მეტი დრო დასჭირდეს.

საერთო ჯამში, შიდა ინფლაციური ზეწოლის გაძლიერებისა და გამკაცრებული საგარეო ფინანსური პირობებისფონზე, მაღალია ალბათობა, რომ დეკემბერში სებ მონეტარული პოლიტიკის განაკვეთს 8.25%-დან 8.5%-მდე გაზრდის. თუმცა, ნოემბრის დასაწყისში ნავთობის ფასების მკვეთრი კლება ამ გადაწყვეტილების საწინააღმდეგო ფაქტორია. საბოლოოდ, სებ-ის მიერ რეზერვების დაგროვების პრიორიტეტის გათვალისწინებით, ლარის გაცვლითი კურსის პროგნოზი უცვლელია: წლის ბოლოს ერთი აშშ დოლარი დაახლოებით 2.58 ლარის ფარგლებშია მოსალოდნელი, თუმცა, თუ წინა თვეებში ტენდენციები უფრო ძლიერი ლარისკენ იხრებოდა, ამჟამად დინამიკა მეტად დაბალანსებულია. 

იხილეთ პუბლიკაციის სრული ვერსია შემდეგ ბმულზე:

https://tbccapital.ge/ge/publications/all-publications/singleview/30007781-macro-update-georgia

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა