რაც უფრო ინფორმირებულია მომხმარებელი, ის იღებს ყველაზე რაციონალურ და საუკეთესო გადაწყვეტილებას და ირჩევს იმ კონკრეტულ შეთავაზებას, რომელიც ყველაზე მომხიბვლელია მისთვის - შოთა ბერეკაშვილი ekalata.gov.ge-ზე
რაც უფრო ინფორმირებულია მომხმარებელი, ის იღებს ყველაზე რაციონალურ და საუკეთესო გადაწყვეტილებას და ირჩევს იმ კონკრეტულ შეთავაზებას, რომელიც ყველაზე მომხიბვლელია მისთვის, - განაცხადა გადაცემაში „იმედის კვირა“ ეკონომიკური პოლიტიკის საპარლამენტო კომიტეტის თავმჯდომარემ, შოთა ბერეკაშვილმა პლატფორმა ekalata.gov.ge-ზე საუბრისას.
მისივე თქმით, თუკი ერთი კვირის წინ საუკეთესო ჩეკი 13 პროდუქტზე იყო 43 ლარი, დღევანდელ დღეს ის ჩამოვიდა 37,72 ლარზე და 10%-იანი შემცირებაა კონკურენციის პირობებში.
„ეს პლატფორმა კარგია, რადგან ინფორმირებულობა და გამჭვირვალობა დადებითად მოქმედებს კონკურენციაზე, კონკურენციის ხარისხი მნიშვნელოვნად მაღლდება და მომხმარებელი იღებს საუკეთესო ფასს.
მოკლევადიან პერიოდში სწორედ ეს ბერძნული მოდელის დანერგვა გახდა ყველაზე ეფექტური, რადგან ეს ეყრდნობა სწორედ ისეთ პრინციპებს, რომელიც საშუალებას აძლევს მომხმარებელს, რომ საუკეთესო ფასი მიიღოს.
საშუალოვადიან პერიოდში ჩვენ ვფიქრობთ,რომ უნდა მოხდეს კომერციული ურთიერთობების სტანდარტიზება. ეს გულისხმობს, რომ ფასი, რომელსაც ჩვენ ვუყურებთ დახლზე, არ არის ერთ კომპონენტიანი, ის შედგება სამი კომპონენტისგან და ჩვენ გვინდა, რომ შეიქმნას კომერციული ურთიერთობების ჩარჩო, რომელიც დაალაგებს ურთიერთობებს ამ სამ მონაწილე მხარეს შორის“, - აღნიშნა შოთა ბერეკაშვილმა.
სხვა სიახლეები
ბათუმის საცხოვრებელი უძრავი ქონების ბაზარზე, 2026 წლის პირველ კვარტალში გაყიდვების წლიური ზრდა 15%-ს აღწევს, რაც მოთხოვნის მაღალ დონეზე შენარჩუნებაზე მიუთითებს - TBC Capital
06.07.2026.10:00
TBC Capital-ი განახლებულ პუბლიკაციას ,,საცხოვრებელი უძრავი ქონება: საქართველოს ზღვისპირეთი"-ს აქვეყნებს.
,,2022 წლის მკვეთრი ზრდის შემდეგ, 2024–2025 წლებში საქართველოს საცხოვრებელი უძრავი ქონების ბაზარი სტაბილიზაციის ახალ ეტაპზე გადავიდა. ბათუმის საცხოვრებელი უძრავი ქონების ბაზარზე, 2026 წლის პირველ კვარტალში გაყიდვების წლიური ზრდა 15%-ს აღწევს, რაც მოთხოვნის მაღალ დონეზე შენარჩუნებაზე მიუთითებს. ამავე პერიოდში, ბინების საშუალო გასაყიდი ფასი წლიურად 8%-ით გაიზარდა, რაც გარკვეულწილად პრემიუმ პროექტების მიწოდების ზრდამ განაპირობა. მსოფლიოს საკურორტო ქალაქებთან შედარებით, ბათუმი აერთიანებს ყველაზე დაბალ ფასებსა და მაღალ ამონაგებს. მსგავსი ბალანსი ფასების ზრდის მნიშვნელოვან პოტენციალზე მიუთითებს. ქობულეთში ბინებზე მოთხოვნამ პიკს 2023 წელს მიაღწია, ხოლო შემდგომ დასტაბილურდა. ამის მიუხედავად, გასაყიდ ფასებში საგრძნობლად ზრდადი ტენდენციები შეიმჩნევა და ბოლო მონაცემებით კვადრატულ მეტრზე $1,100-ს აღწევს. ფოთში გაყიდული ბინების რაოდენობა უმეტესწილად სტაბილური დინამიკით ხასიათდება. რაც შეეხება გასაყიდ ფასს, 2023-2024 წლებში მკვეთრი ზრდის შემდგომ კვადრატულ მეტრზე $500-ის ფარგლებში მერყეობს", - წერს TBC Capital-ი.
ირაკლი ნადარეიშვილმა საქართველო - ლომბარდიის რეგიონის მრგვალი მაგიდის მუშაობაში მონაწილეობა მიიღო
04.07.2026.20:18
მარიამ ქვრივიშვილმა უზბეკ მინისტრებს ანაკლიის ღრმაწყლოვანი პორტის სამშენებლო სამუშაოები დაათვალიერებინა
04.07.2026.10:53
