რეკორდულ ნიშნულზეა ჩვენი სავალუტო რეზერვები, ძალიან მყარია ლარის კურსი, ინფლაციური პროცესები სწორად რეგულირდება, მონეტარული, ფისკალური პოლიტიკის კუთხით, ეროვნული ბანკის საქმიანობა არის ძალიან წარმატებული - პრემიერი
თავიდან ბოლომდე ვენდობი ეროვნული ბანკის საქმიანობას, გამომდინარე იმ ორწლიანი გამოცდილებიდან, რომელიც გვაქვს ჩვენ ეროვნულ ბანკთან თანამშრომლობის კუთხით, - განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.
როგორც მთავრობის მეთაურმა აღნიშნა, საქართველოს ეროვნული ბანკი, განსაკუთრებით მას შემდეგ, რაც მოვიდა სათავეში ახალი ხელმძღვანელობა ნათია თურნავასა და ეროვნული ბანკის საბჭოს ახალი შემადგენლობის სახით, ძალიან დიდი წარმატებით მუშაობს.
„რეკორდულ ნიშნულზეა ჩვენი სავალუტო რეზერვები. მარტო ბოლო თვეში, იანვრის განმავლობაში 141 მილიონი დოლარით შეივსო ჩვენი სავალუტო რეზერვები. იცით, რომ ძალიან მყარია ლარის კურსი, ინფლაციური პროცესები სწორად რეგულირდება. ჩვენ შარშან გვქონდა 4 პროცენტი ინფლაცია, შარშანწინ გვქონდა 1,9 პროცენტი ინფლაცია, საშუალო მაჩვენებელი იყო 3 პროცენტზე ნაკლები, რაც არის ზღვრის ფარგლებში. მე ზოგადად ვაფასებ ეროვნული ბანკის საქმიანობას ყველა მიმართულებით, როგორც რეზერვების მიმართულებით, ასევე ლარის კურსის მიმართულებით, ზოგადად მონეტარული, ფისკალური პოლიტიკის კუთხით, ეროვნული ბანკის საქმიანობა არის ძალიან წარმატებული“, - განაცხადა ირაკლი კობახიძემ.
დღის ტოპ 10 სიახლე
განათლება და კონსალტინგი ერთ სივრცეში - როგორია ORVIX-ის საქმიანობის სპეციფიკა და სამომავლო გეგმები
სხვა სიახლეები
მონეტარული პოლიტიკის განაკვეთის ზრდის არგუმენტები რა თქმა უნდა ძალიან ძლიერია - თიბისი კაპიტალის მთავარი ეკონომისტი
06.05.2026.17:35
ახლო-აღმოსავლეთში მიმდინარე მოვლენებმა გამოიწვია საერთაშორისო მასშტაბით ფასების ზრდა და ამ მხრივ არც საქართველოა გამონაკლისი , - აღნიშნულის შესახებ, Business Insider Georgia-ს საქართველოს ეროვნული ბანკის მონეტარული პოლიტიკის გადაწყვეტილების შეფასებისას თიბისი კაპიტალის მთავარმა ეკონომისტმა ოთარ ნადარაიამ განუცხადა.
„როგორც სებ-ის ინფორმაციაშია აღნიშნული, საბოლოო სცენარი ითვალისწინებს გარკვეულ პერიოდში ესკალაციის შემცირებას, თუმცა ასეც თუ მოხდა ფასებზე ზეგავლენა გარკვეული პერიოდის განმავლობაში მაინც იქნება გაზრდილი”, - აღნიშნა ოთარ ნადარაიამ.
მისი შეფასებით მონეტარული პოლიტიკის განაკვეთის ზრდის მიმართულებით არსებული აგუმენტები საკმაოდ ძლიერია.
„ჩვენი პროგნოზით, დაახლოებით 8%-ზე შეიძლებოდა შენარჩუნებულიყო მონეტარული პოლიტიკის განაკვეთი, თუმცა ზრდის არგუმენტები რა თქმა უნდა ძალიან ძლიერია. ეს ზომიერი ზრდა არის, მცირე მასშტაბით მოხდა აწევა განაკვეთის. ძალიან მნიშვნელოვანია რაც პრეს-რელიზშია აღნიშნული რომ სებ-ისთვის ინფლაცია არის პრიორიტეტი და გაზრდილ ინფლაციაზე ცენტრალური ბანკი რეაგირებს, რაც რა თქმა უნდა ინფლაციის მოლოდინების კუთხით არის მნიშვნელოვანი“, - განაცხადა თიბისი კაპიტალის მთავარმა ეკონომისტმა.
სებ-ისთვის ინფლაცია არის პრიორიტეტი და გაზრდილ ინფლაციაზე ცენტრალური ბანკი რეაგირებს - თიბისი კაპიტალის მთავარი ეკონომისტი
06.05.2026.17:31
საქართველოს ფინანსური სისტემის მდგრადობამ სარეზერვო მინიმალური მოთხოვნების 5%-ით შემცირების შესაძლებლობა მოგვცა - ნათია თურნავა
06.05.2026.17:09
ფინანსური სტაბილურობისა და მონეტარული პოლიტიკის კომიტეტების გადაწყვეტილება - დეტალები
06.05.2026.16:33
სებ-ის გადაწყვეტილება გონივრულია, რადგანაც მონეტარული პოლიტიკის გამკაცრება ინფლაციური მოლოდინების სტაბილიზაციას ემსახურება - ვლადიმერ პაპავა
06.05.2026.15:07
ახლო-აღმოსავლეთში მიმდინარე მოვლენებმა გამოიწვია საერთაშორისო მასშტაბით ფასების ზრდა - ოთარ ნადარაია
06.05.2026.13:54
ევროკონტროლის მიერ რეისების შეფერხების გამო, საწვავთან დაკავშირებულ ისედაც დიდ ზარალს, დამატებით ზარალი ემატება - „ჯორჯიან ეარვეისის“ შეფ-პილოტი
06.05.2026.13:26
