საქართველოსა და ამერიკის შეერთებულ შტატებს შორის ორმხრივი საგარეო სავაჭრო ბრუნვა მიმდინარე წლის პირველ ხუთ თვეში შემცირდა, რაც ძირითადად აშშ-დან იმპორტის კლებამ განაპირობა. თუმცა, ამავე პერიოდში მკვეთრად გაიზარდა ქართული პროდუქციის ექსპორტი ამერიკულ ბაზარზე.

საქსტატის მონაცემებით, 2026 წლის იანვარ-მაისში ორ ქვეყანას შორის სავაჭრო ბრუნვამ 844 073.0 ათასი დოლარი შეადგინა, რაც 2025 წლის ანალოგიურ პერიოდთან (1 234 590.6 ათასი დოლარი) შედარებით 31.63%-ით ნაკლებია.

მიუხედავად საერთო ბრუნვის კლებისა, საქართველოდან აშშ-ში განხორციელებული ექსპორტი მნიშვნელოვან პოზიტიურ დინამიკას აჩვენებს. მიმდინარე წლის 5 თვეში საექსპორტო მაჩვენებელმა 52 640.3 ათასი დოლარი შეადგინა. ეს მაჩვენებელი გასული წლის შესაბამის პერიოდთან შედარებით 42.83%-ით არის გაზრდილი.

TOP 5 პროდუქტი, რასაც საქართველო აშშ-ში ყიდის:

• ფეროშენადნობები - 24 461.8 ათასი დოლარი;
• მილები, მილაკები და ღრუ პროფილები, უნაკერო, შავი ლითონისაგან - 5 296.1 ათასი დოლარი;
• დიოდები, ტრანზისტორები და ანალოგიური ნახევარგამტარი ხელსაწყოები - 4 593.1 ათასი დოლარი;
• საფრენი აპარატების ნაწილები - 3 545.1 ათასი დოლარი;
• ხილისა და ბოსტნეულის წვენები - 3 236.2 ათასი დოლარი;

ორმხრივი ვაჭრობის შემცირების მთავარი მიზეზი ამერიკული პროდუქციის იმპორტის კლებაა. 2026 წლის იანვარ-მაისში საქართველომ აშშ-დან 791 432.6 ათასი დოლარის ღირებულების საქონელი შეიძინა, რაც გასული წლის ანალოგიურ მაჩვენებელზე (1 197 736.0 ათასი დოლარი) 33.92%-ით ნაკლებია.

TOP 5 პროდუქტი, რასაც საქართველო აშშ-დან ყიდულობს:

• მსუბუქი ავტომობილები - 698 126.6 ათასი დოლარი;
• თხილი და სხვა კაკალი - 28 374.0 ათასი დოლარი;
• დანარჩენი საქონელი - 11 563.3 ათასი დოლარი;
• ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 5 433.2 ათასი დოლარი;
• სატვირთო ავტომობილები - 3 890.8 ათასი დოლარი;