რკინიგზის მოდერნიზაციის პროექტი ხელს უწყობს საქართველოს, როგორც პროგნოზირებადი და სანდო პარტნიორის როლის გაზრდას შუა დერეფანში - თამარ იოსელიანი
„რკინიგზა არის შუა დერეფნის ხერხემალი და ამ კუთხით მას აქვს უმნიშვნელოვანესი როლი, რადგან სატრანზიტო ფუნქციის მატარებელია" - აცხადებს ეკონომიკისა და მდგრადი განვითარების მინისტრის მოადგილე.
მისი თქმით, მთავრობა საქართველოს რკინიგზის მიმართულებით ძალიან მნიშვნელოვან ღონისძიებებს ახორციელებს.
„დასრულდა რკინიგზის მოდერნიზაციის პროექტი, რაც გულისხმობს იმას, რომ გაიზარდა გამტარუნარიანობა, ასევე შემცირდა ქვეყნის გადაკვეთის დრო, რაც ცალსახად გვაძლევს იმის თქმის საშუალებას, რომ ჩვენი როლი შუა დერეფნის კონტექსტში იზრდება, მათ შორის იმ კუთხით, რომ ვხდებით პროგნოზირებადი, სანდო პარტნიორი შუა დერეფანში. ძალიან მნიშვნელოვანია ის ღონისძიებები, რომელსაც მთავრობამ საქართველოს რკინიგზაში რეფორმის სახით დაგეგმა. საქართველოს პრემიერ-მინისტრმა უკკვე დააანონსა ის ახალი პროექტები, რომელსაც საქართველოს რკინიგზა განახორციელებს. ეს არის ახალი სალოკომოტივო პარკის შეძენა, როგორც სატვირთო, ასევე სამგზავრო მიმართულებით", - განაცხადა თამარ იოსელიანმა.
მინისტრის მოადგილე განმარტავს, რომ საქართველოს რკინიგზა სატვირთო და სამგზავრო მიმართულებების გაძლიერებას გეგმავს და კომპანია დაახლოებით 50 ახალ ლოკომოტივს შეიძენს, განაახლებს სავაგონო პარკს, მოხდება 1500 ვაგონის შეძენა, დანერგავს ახალ ელექტრონულ სერვისებს, ასევე შეიძენს 10 სამგზავრო მატარებელს და განაახლებს არსებულ შემადგენლობას, რაც ახალი რეისების დამატების შესაძლებლობას შექმნის.
დღის ტოპ 10 სიახლე
როგორ იქცა ქართული ტრადიცია საერთაშორისო ბრენდად - „ჩირჩხელას“ 10 წლიანი ისტორია და განვითარების გზა
სხვა სიახლეები
ანაკლიის ღრმაწყლოვანი ნავსადგურის სამობილიზაციო სამუშაოები დასრულებულია და პროექტი აქტიურ სამშენებლო ფაზაში გადადის - თამარ იოსელიანი
24.04.2026.13:18
„საქართველოს მთავრობას აქვს ძირითადი ინფრასტრუქტურის განვითარების ძალიან სწორი პოლიტიკა, სადაც, რა თქმა უნდა, იგულისხმება ანაკლიის ღრმაწყლოვანი ნავსადგურის პროექტი, სადაც სამობილიზაციო სამუშაოები დასრულებულია," - განმარტავს ეკონომიკისა და მდგრადი განვითარების მინისტრის მოადგილე.
როგორც თამარ იოსელიანმა აღნიშნა, კონტრაქტორი, ბელგიური „დიდი ოთხეულის" წარმომადგენელი საზღვაო სამშენებლო სამუშაოებში, Jan De Nul უკვე გადადის აქტიურ სამშენებლო სამუშაოებზე.
„ამ პერიოდის განმავლობაში შევძელით დაახლოებით 52 მილიონი დოლარის ეკონომიის განხორციელება აღნიშნულ პროექტში. დაახლოებით 1 კმ და 380 მეტრის ტალღმჭრელი აშენდება და შესაბამისად, დაღრმავდება შემოსასვლელი არხი დაახლოებით 18 მეტრამდე იმისათვის, რომ დიდმა გემებმა შეძლონ ანაკლიის საზღვაო ნავსადგურში შემოსვლა. ეს ჩვენთვის ნამდვილად ძალიან დიდი პრიორიტეტი იქნება იმისათვის, რომ შუა დერეფანში კიდევ ერთხელ გავამყაროთ საქართველოს, როგორც წამყვანი სატრანზიტო ქვეყნის ადგილი" - აღნიშნა თამარ იოსელიანმა.
მინისტრის მოადგილის თქმით, ამ მიმართულებით ქვეყანას აქვს თანმიმდევრული და სისტემური განვითარების გეგმა, რომელიც მოიცავს როგორც საზღვაო ნავსადგურებსა და სარკინიგზო ინფრასტრუქტურას, ისე საგზაო ქსელის განვითარებასა და საავტომობილო გზების მშენებლობას, ასევე ავიაციის სექტორს, მათ შორის ვაზიანის საერთაშორისო აეროპორტის პროექტს.
საქართველოში წარმოებული ნატურალური წვენებისთვის მთავარი საექსპორტო ბაზარია გერმანია
24.04.2026.13:00
რკინიგზის მოდერნიზაციის პროექტი ხელს უწყობს საქართველოს, როგორც პროგნოზირებადი და სანდო პარტნიორის როლის გაზრდას შუა დერეფანში - თამარ იოსელიანი
24.04.2026.12:16
კიდევ უფრო გაორმაგდება ინვესტიციების მოზიდვის თვალსაზრისით სახელმწიფოს მუშაობა - ლევან ჟორჟოლიანი
24.04.2026.10:40
რეფორმები რასაც მთავრობა ახორციელებს მიმართულია იმისკენ, რომ არსებული მაკროეკონომიკური პარამეტრები იქნას შენარჩუნებული - ლევან ჟორჟოლიანი
24.04.2026.10:40
სტაბილურობა ქმნის ძალიან კარგ საფუძველს იმისთვის, რომ ინვესტიციები მოვიზიდოთ ქვეყანაში - ლევან ჟორჟოლიანი
24.04.2026.10:30
