ჩინეთში ექსპორტი 8%-იანი ზრდას აჩვენებს, ხოლო იმპორტი 23%-ით.

საქსტატის ვებგვერდზე განთავსებული ინფორმაციის მიხედვით, 2025 წელს საქართველომ ჩინეთში 327 575.7 ათასი დოლარის ღირებულების პროდუქცია გაყიდა, 2024 წლის ანალოგიურ პერიოდში კი 303 119.7 ათასი დოლარის. ექსპორტის ზრდა 8.1%-ის შეადგენს. საქართველოდან ჩინეთში ნომერ პირველი საექსპორტო პროდუქტი ძვირფასი ლითონების  მადნები და კონცენტრატებია.

TOP 5 პროდუქტი, რასაც საქართველო ჩინეთში ყიდის:

• მადნები და კონცენტრატები ძვირფასი ლითონებისა - 237 043.2 ათასი დოლარი;
• მადნები და კონცენტრატები სპილენძის - 25 881.0 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 20 272.8 ათასი დოლარი;
• კოჭა, ზაფრანა, ურცი, დაფნის ფოთოლი, კარი და სხვა სანელებლები - 17 634.9 ათასი დოლარი;
• ყურძნის ნატურალური ღვინოები - 9 827.7 ათასი დოლარი;

რაც შეეხება ჩინეთიდან იმპორტს, ზრდა 23.1%-ია. 2025 წელს საქართველომ ჩინეთიდან 1 985 427.7 ათასი დოლარის პროდუქცია იყიდა, 2024 წელს კი 1 612 344.1 ათასი დოლარის. ჩინეთიდან იმპორტში ყველაზე დიდი წილი  ელექტროგენერატორულ დანადგარებსა და მბრუნავ ელექტრო გარდამქმნელებზე მოდის. 

TOP 5 პროდუქტი, რასაც საქართველო ჩინეთიდან ყიდულობს:

• ელექტროგენერატორული დანადგარები და მბრუნავი ელექტრო გარდამქმნელები - 74 486.0 ათასი დოლარი;
• მსუბუქი ავტომობილები - 58 951.3 ათასი დოლარი;
• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 55 709.0 ათასი დოლარი;
• რეზინის პნევმატური სალტეები და საბურავები, ახალი - 52 777.2 ათასი დოლარი;
• მოწყობილობები ჰაერის კონდიცირებისათვის - 50 224.4 ათასი დოლარი;