2026 წლის იანვარ-აპრილში საქართველოსა და ნიდერლანდებს შორის საგარეო სავაჭრო ბრუნვამ 114 038.9 ათასი აშშ დოლარი შეადგინა. როგორც საქსტატის საიტზე განთავსებული ინფორმაციიდან ირკვევა, აღნიშნული მაჩვენებელი გასული წლის ანალოგიურ პერიოდთან შედარებით 3.5%-ით არის შემცირებული. 2025 წლის პირველ ოთხ თვეში ორ ქვეყანას შორის ვაჭრობის მოცულობა 118 175.0 ათას აშშ დოლარს შეადგენდა.

მიმდინარე წლის იანვარ-აპრილში საქართველოდან ნიდერლანდებში 14 561.7 ათასი დოლარის ღირებულების პროდუქცია გავიდა, რაც 34.2%-ით ნაკლებია გასული წლის შესაბამისი პერიოდის მაჩვენებელზე, როდესაც ქართულმა ექსპორტმა 22 128.9 ათასი დოლარი შეადგინა.

TOP 5 პროდუქტი, რის  ექსპორტსაც  საქართველო ნიდერლანდებში ახდენს:

• ფეროშენადნობები - 10 060.1 ათასი დოლარი;
• რეზინის პნევმატური სალტეები და საბურავები, ახალი - 1 455.8 ათასი დოლარი;
• ცხიმები და ზეთები ცხოველური ან მცენარეული და მათი ფრაქციები - 925.3 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 574.2 ათასი დოლარი;
• მანგანუმის ოქსიდები - 260.5 ათასი დოლარი;

ექსპორტისგან განსხვავებით, ზრდის დინამიკა ფიქსირდება ნიდერლანდებიდან პროდუქციის იმპორტის მიმართულებით. 2026 წლის საანგარიშო პერიოდში საქართველომ ნიდერლანდებიდან 99 477.2 ათასი დოლარის იმპორტი განახორციელა, რაც 3.6%-ით აღემატება 2025 წლის იანვარ-აპრილის მონაცემს, როდესაც ქვეყანაში 96 046.1 ათასი დოლარის ნიდერლანდური პროდუქცია შემოვიდა.

TOP 5 პროდუქტი, რის იმპორტსაც საქართველო ნიდერლანდებიდან ახდენს:

• ნავთობი და ნავთობპროდუქტები - 11 422.2 ათასი დოლარი;
• სამკურნალო საშუალებები დაფასოებული - 6 595.4 ათასი დოლარი;
• სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 5 167.6 ათასი დოლარი;
• გამომთვლელი მანქანები და მათი ბლოკები - 4 218.3 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 3 601.4 ათასი დოლარი;