S&P-მ Georgia Capital-ის რეიტინგი 'BB'-მდე გააუმჯობესა სტაბილური პერსპექტივით
საერთაშორისო სარეიტინგო სააგენტო S&P Global Ratings-მა Georgia Capital-ის რეიტინგის განახლება გამოქვეყნა. ანგარიშის თანახმად, საქართველოში დაფუძნებული საინვესტიციო ჰოლდინგის, Georgia Capital-ის, პორტფელის ღირებულება 2025 წლის ივნისიდან 2026 წლის მარტამდე 11%-ით გაიზარდა და 5.04 მილიარდ ლარს (დაახლოებით 1.87 მილიარდ აშშ დოლარს) მიაღწია. ზრდა განაპირობა Lion Finance Group-ის აქციების ფასის მატებამ და კერძო პორტფელის ძლიერმა შედეგებმა განაპირობა.
,,კომპანიამ შეინარჩუნა დაბალანსებული ფინანსური პოლიტიკა ერთდროულად ახორციელებდა არსებული ობლიგაციების დაფარვას და აქციონერებისთვის ღირებულების დაბრუნებას, რის შედეგადაც S&P Global Ratings-ის მეთოდოლოგიით გამოთვლილი სესხისა და აქტივების ღირებულების თანაფარდობა (LTV) 2026 წლის 31 მარტის მდგომარეობით 0.4%-ს შეადგენდა. აღნიშნულის საფუძველზე, ჩვენ Georgia Capital-ისა რეიტინგი „BB“-მდე გავაუმჯობესეთ. სტაბილური პროგნოზი ასახავს ჩვენს მოლოდინს, რომ Georgia Capital ნებისმიერ საბაზრო გარემოში შეინარჩუნებს LTV-ის მაჩვენებელს 10%-ზე მნიშვნელოვნად დაბალ დონეზე, გაატარებს კონსერვატიულ ფინანსურ პოლიტიკას კაპიტალის სტრუქტურის შემდგომი გაძლიერებისთვის და შეინარჩუნებს აქტივების მყარ ფინანსურ შედეგებს”, - წერს S&P.
ამასთან, ანგარიშში აღნიშნულია, რომ საქართველოში მაკროეკონომიკური გარემო კვლავ ხელსაყრელია. ,,ჩვენ ველით, რომ მაკროეკონომიკური გარემო კვლავ ხელსაყრელი იქნება, თუმცა საქართველოში ეკონომიკური ზრდის ტემპი გარკვეულწილად შენელდება.ჩვენი პროგნოზით, საქართველოს რეალური მშპ-ის ზრდა 2026 წელს 5.4%-ს, ხოლო 2027 წელს 4.8%-ს შეადგენს”, - წერს S&P.
დღის ტოპ 10 სიახლე
სხვა სიახლეები
საერთაშორისო სავალუტო ფონდმა გაზარდა საქართველოს საპროგნოზო მაჩვენებელი ეკონომიკური ზრდის მიმართულებით 6.5%-მდე, რაც გამოწვეულია მთავრობის სწორი ეკონომიკური პოლიტიკით l ლევან ჟორჟოლიანი
11.06.2026.16:17
საერთაშორისო სავალუტო ფონდმა გაზარდა საქართველოს საპროგნოზო მაჩვენებელი ეკონომიკური ზრდის მიმართულებით 6.5%-მდე, - ამის შესახებ საქართველოს მთავრობის ადმინისტრაციის უფროსმა ლევან ჟორჟოლიანმა განაცხადა.
ლევან ჟორჟოლიანის შეფასებით, აღნიშნული გამოწვეულია იმ სწორი ეკონომიკური პოლიტიკით, რომელსაც მთავრობა ატარებს, ასევე უცხოური ინვესტიციების შემოდინებით, რომელიც ბოლო წლების განმავლობაში არის სახეზე.
„შესაბამისად, არ არის გასაკვირი, რომ ეკონომიკური ზრდის საპროგნოზო მაჩვენებელი, მათ შორის, საერთაშორისო სავალუტო ფონდმაც გაზარდა. ჩვენ პირველ 4 თვეში გვაქვს ძალიან კარგი შედეგები და ზოგადად, ბოლო 4 წელიწადში ზრდის მაჩვენებლით პირველ ადგილზე ვართ ევროპაში. ჩვენი მიზანია, რომ აღნიშნული ზრდა თანაბრად იგრძნოს მოსახლეობამ", - განაცხადა ლევან ჟორჟოლიანმა.
ჩვენ ველით, რომ საქართველოში მაკროეკონომიკური გარემო კვლავ ხელსაყრელი დარჩება - S&P
11.06.2026.15:42
საქართველოს ეროვნული ბანკის მმართველობის მიმართულებით გადადგმული ნაბიჯები დადებითია - საერთაშორისო სავალუტო ფონდი
11.06.2026.12:33
საქართველოს ეკონომიკა 2026 წელს 6.5%-ით გაიზრდება, ინფლაცია კი ეტაპობრივად შემცირდება - სსფ
11.06.2026.12:28
ღვინის ეროვნული სააგენტოს მხარდაჭერით, სეულში ქართული ღვინის მასშტაბური წარდგენა გაიმართა
11.06.2026.11:55
