საერთაშორისო ტურნირები ევროპაში ხშირად ტარდება და ტარდება იმ მიზნით, რომ ტურიზმის განვითარებისთვის აღნიშნული ცალკე ინდუსტრია ჩამოყალიბდა - შოთა ბერეკაშვილი
საერთაშორისო ტურნირები ევროპაში ხშირად ტარდება და ტარდება იმ მიზნით, რომ ტურიზმის განვითარებისთვის აღნიშნული ცალკე ინდუსტრია ჩამოყალიბდა, - ამის შესახებ საქართველოს პარლამენტის ეკონომიკური პოლიტიკის კომიტეტის თავმჯდომარემ, შოთა ბერეკაშვილმა ეკონომიკური პოლიტიკის კომიტეტის სხდომაზე განაცხადა.
„ძალიან მნიშვნელოვანი ფაქტორი არის, როდესაც ეს ტურნირი ტარდება, ეს აღიქმება როგორც სპორტული ტურნირი და მონაწილეები ერთმანეთში თამაშობენ. ჩვენ, როდესაც აზარტულ თამაშებზე გვაქვს წარმოდგენა, ეს არ არის სტანდარტული სიტუაცია, როდესაც ადამიანი კაზინოში მიდის და კაზინოს ეთამაშება ან ტოტალიზატორში მიდის და რაღაც გათვლას აკეთებს.
აქ საუბარია, რომ ადამიანები, რომლებიც დაკავებული არიან აღნიშნული პოკერით, ერთმანეთში იკრიბებიან, ერთმანეთში თამაშობენ და გამარჯვებული იღებს პრიზს. აი, ეს არის მთელი ამ საერთაშორისო ტურნირის მიზანი.
ეს ევროპაში ხშირად ტარდება და ტარდება იმ მიზნით, რომ ტურიზმის განვითარებისთვის ეს ცალკე ინდუსტრია შეიქმნა. ჩვენ მიგვაჩნია, რომ ის, რაც ევროპაში მიღებული და ნორმალურია, საქართველოშიც ნორმალურად და წარმატებულად ჩატარდება. მხოლოდ ეს არის აღნიშნული კანონპროექტის მიზანი - ტურისტულ სექტორს ხელი შევუწყოთ და არასეზონურ პერიოდში, როდესაც ტურისტული ნაკადები მცირდება, აღნიშნული საერთაშორისო ტურნირებით გავზარდოთ ეს ნაკადები. სხვა აქ არაფერი არ იმალება ამ კანონპროექტში“, - აცხადებს შოთა ბერეკაშვილი.
დღის ტოპ 10 სიახლე
სხვა სიახლეები
ირაკლი ნადარეიშვილი სინგაპურში, აზიის უმსხვილესი ტექნოლოგიური ფორუმის SWITCH 2026-ის გახსნის ოფიციალურ ცერემონიას დაესწრო
28.10.2026.12:27
საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი სინგაპურში, აზიის უმსხვილესი ტექნოლოგიური ფორუმის- სინგაპურის ინოვაციების და ტექნოლოგიების კვირეულის (SWITCH 2026) გახსნის ოფიციალურ ცერემონიას დაესწრო. ფორუმი სინგაპურის ვიცე-პრემიერმა, გან კიმ იონგმა გახსნა.
SWITCH-ზე საქართველო წელს პირველად არის წარმოდგენილი საკუთარი ეროვნული პავილიონით - „StartUP in Georgia".
ეკონომიკისა და მდგრადი განვითარების სამინისტროს, საქართველოს ინოვაციების და ტექნოლოგიების სააგენტოს (GITA) ხელშეწყობით ფორუმში ქართული სტარტაპები (Clinova, Dunno, Omniform Systems, Vybe და PhytoTester) მონაწილეობენ, რაც მათ შესაძლებლობას აძლევს, დაამყარონ სტრატეგიული კონტაქტები, შეხვდნენ საერთაშორისო პარტნიორებს და გლობალურ ბაზრებზე გასვლის რეალური გზები დასახონ.
სინგაპურის ინოვაციების და ტექნოლოგიების კვირეული 400-ზე მეტ საერთაშორისო მონაწილეს აერთიანებს და 25 000-ზე მეტ სტუმარს მასპინძლობს.
SWITCH 2026-ის გახსნას ეკონომიკისა და მდგრადი განვითარების მინისტრის მოადგილესთან ერთად საქართველოს ინოვაციების და ტექნოლოგიების სააგენტოს (GITA) თავმჯდომარე ავთანდილ კასრაძე ესწრებოდა.
სოციალურად მოწყვლადი ჯგუფების ნაწილში სახელმწიფოს აქვს ტარიფის სუბსიდირების პროგრამები, რაც ძალაშია და რჩება - შოთა ბერეკაშვილი
28.10.2026.11:45
ნინო ჯელაძემ „თბილისის ფინანსური სამიტის“ ფარგლებში ტრანსსასაზღვრო გადახდებისა და რეგიონული ფინანსური კავშირების გაძლიერებაზე ისაუბრა
28.10.2026.11:00
ეკატერინე მიქაბაძემ „თბილისის ფინანსურ სამიტზე“ საქართველოს საბანკო სექტორის განვითარების პერსპექტივებზე ისაუბრა
27.10.2026.21:43
მარიამ ქვრივიშვილი ბლოკჩეინ ტექნოლოგიებზე დაფუძნებული მსოფლიოს უდიდესი პლატფორმის, Tether-ის თავმჯდომარეს და დელეგაციის წევრებს შეხვდა
27.10.2026.19:20
