2026 წლის იანვარ-აპრილში საქართველოსა და ინდოეთს შორის საერთო სავაჭრო ბრუნვამ 42 231.0 ათასი დოლარი შეადგინა. საქსტატის ინფორმაციით, გასული წლის ანალოგიურ პერიოდში ეს მაჩვენებელი 49 312.7 ათასი დოლარი იყო, რაც იმას ნიშნავს, რომ ორ ქვეყანას შორის ვაჭრობის მოცულობა 14.36%-ითაა შემცირებული.

სავაჭრო ბალანსის მონაცემების მიხედვით, საანგარიშო პერიოდში ქართული ექსპორტის მაჩვენებელი საგრძნობლად გაიზარდა, ხოლო ინდოეთიდან იმპორტის მოცულობამ იკლო.

მიმდინარე წლის პირველ ოთხ თვეში საქართველოდან ინდოეთში პროდუქციის ექსპორტმა 7 023.4 ათასი დოლარი შეადგინა. ეს მაჩვენებელი 33.62%-ით აღემატება 2025 წლის იანვარ-აპრილის მონაცემებს, როდესაც ქვეყნიდან 5 256.1 ათასი დოლარის პროდუქცია გავიდა.

TOP 5 პროდუქტი, რასაც საქართველო ინდოეთში ყიდის:

• სასუქები მინერალური ან ქიმიური, აზოტოვანი - 4 090.3 ათასი დოლარი;
• ტყვია დაუმუშავებელი - 712.2 ათასი დოლარი;
• ნარჩენები და ჯართი სპილენძისა - 683.0 ათასი დოლარი;
• ნარჩენები და ჯართი ალუმინისა - 439.7 ათასი დოლარი;
• ნარჩენები და ჯართი შავი ლითონებისა - 407.7 ათასი დოლარი.

რაც შეეხება იმპორტს, 2026 წლის იანვარ-აპრილში ინდოეთიდან საქართველოში 35 207.6 ათასი დოლარის ღირებულების პროდუქცია შემოვიდა. გასული წლის ოთხ თვეში ეს მაჩვენებელი 44 056.6 ათას დოლარს შეადგენდა, შესაბამისად, მიმდინარე წელს იმპორტი 20.08%-ითაა შემცირებული.

TOP 5 პროდუქტი, რასაც საქართველო ინდოეთიდან ყიდულობს:

• სამკურნალო საშუალებები დაფასოებული - 6 029.0 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 2 468.6 ათასი დოლარი;
• დაგრეხილი მავთული, გვარლები, ზონრები და ანალოგიური ნაწარმი ალუმინისაგან - 2 203.4 ათასი დოლარი;
• მეტალოკონსტრუქციები შავი ლითონებისაგან და მათი ნაწილები - 1 434.0 ათასი დოლარი;
• ბრინჯი - 1 423.8 ათასი დოლარი.
•