საქართველო-მალტის სავაჭრო ბრუნვა 11-ჯერ გაიზარდა
საქართველოსა და მალტას შორის საგარეო სავაჭრო ბრუნვამ 2026 წლის იანვარ-აპრილში 25 690.0 ათასი აშშ დოლარი შეადგინა, რაც გასული წლის ანალოგიურ პერიოდთან შედარებით 11-ჯერ მეტია. საქსტატის ანგარიშის მიხედვით, 2025 წლის პირველ ოთხ თვეში ორ ქვეყანას შორის ვაჭრობის მოცულობა 2 315.9 ათას აშშ დოლარს შეადგენდა.
სავაჭრო ბრუნვის მკვეთრი მატება დიდწილად საქართველოდან განხორციელებული ექსპორტის ზრდამ განაპირობა. საანგარიშო პერიოდში საქართველოდან მალტაში 19 766.4 ათასი აშშ დოლარის ღირებულების პროდუქცია გავიდა, მაშინ როდესაც 2025 წლის იანვარ-აპრილში საექსპორტო მაჩვენებელი მხოლოდ 25.6 ათას აშშ დოლარს შეადგენდა.
მზარდი დინამიკა ფიქსირდება მალტიდან პროდუქციის შემოტანის კუთხითაც. მიმდინარე წლის პირველ ოთხ თვეში საქართველომ მალტიდან 5 923.6 ათასი აშშ დოლარის იმპორტი განახორციელა, რაც დაახლოებით 2.6-ჯერ (158.6%-ით) აღემატება გასული წლის შესაბამისი პერიოდის მონაცემს, როდესაც ქვეყანაში 2 290.3 ათასი აშშ დოლარის მალტური პროდუქცია შემოვიდა.
დღის ტოპ 10 სიახლე
სხვა სიახლეები
თამარ იოსელიანი თურქმენეთის ელჩს შეხვდა
09.06.2026.16:07
ეკონომიკისა და მდგრადი განვითარების მინისტრის მოადგილე თამარ იოსელიანი საქართველოში თურქმენეთის ელჩს, დოვლეტმირატ სეიტმამედოვს შეხვდა.
შეხვედრაზე მხარეებმა ორმხრივი თანამშრომლობის კიდევ უფრო გაღრმავების შესაძლებლობებზე ისაუბრეს. აქცენტი გაკეთდა ისეთ მიმართულებებზე, როგორიცაა ორმხრივი ვაჭრობა, ენერგეტიკა, ინვესტიციები, ტრანსპორტი და ლოგისტიკა, ტურიზმი და სხვ.
შეხვედრაზე ხაზი გაესვა ქვეყნებს შორის თანამშრომლობას ორმხრივ და რეგიონულ სატრანსპორტო მარშრუტებში. ყურადღება გამახვილდა საქართველოს სტრატეგიულ მდებარეობაზე, რომლის წყალობით ქვეყანა თურქმენეთისა და ცენტრალური აზიის სხვა სახელმწიფოებისთვის ევროპა - აზიის დამაკავშირებელი სატრანზიტო კვანძია.
მხარეებმა ასევე განიხილეს ტურიზმისა და სამოქალაქო ავიაციის სფეროში პარტნიორობის გააქტიურების პერსპექტივები.
შეხვედრას დაესწრნენ ეკონომიკისა და მდგრადი განვითარების სამინისტროს ვაჭრობის განვითარებისა და საერთაშორისო ეკონომიკური ურთიერთობების დეპარტამენტის უფროსი გივი ზედელაშვილი და საქართველოს რკინიგზის გენერალური დირექტორი ლაშა აბაშიძე.
ინფორმაციას ეკონომიკისა და მდგრადი განვითარების სამინისტრო ავრცელებს.
