2026 წლის იანვარ-მაისში საქართველოსა და თურქეთს შორის ეკონომიკური თანამშრომლობა საგრძნობლად გააქტიურდა. ორ ქვეყანას შორის ორმხრივმა სავაჭრო ბრუნვამ 1,387,481.0 ათასი დოლარი შეადგინა, რაც 2025 წლის ანალოგიურ პერიოდთან შედარებით (1,220,363.4 ათასი დოლარი) 13.7%-ით მეტია.

მიმდინარე წლის პირველ ხუთ თვეში საქართველოდან თურქეთში განხორციელებულმა ექსპორტმა 225,492.3 ათასი დოლარი შეადგინა. ეს მაჩვენებელი გასული წლის საანგარიშო პერიოდთან შედარებით 65.62%-ით არის გაზრდილი. საექსპორტო კალათის სათავეში ნავთობპროდუქტები და ტექსტილის ნაწარმი მოექცა.

TOP 5 პროდუქტი, რის ექსპორტსაც საქართველო თურქეთში ახდენს:

• ნავთობი და ნავთობპროდუქტები - 64 241.3 ათასი დოლარი;
• მაისურები, თბილი კვართები და სხვა ტრიკოტაჟის ნაწარმი, მანქანით ან ხელით ნაქსოვი - 41 335.1 ათასი დოლარი;
• ფეროშენადნობები - 22 262.3 ათასი დოლარი;
• ნარჩენები და ჯართი სპილენძისა - 13 489.4 ათასი დოლარი;
• ნარჩენები და ჯართი ალუმინისა - 10 133.6 ათასი დოლარი;

სტაბილური ზრდა ფიქსირდება თურქული პროდუქციის იმპორტშიც. 2026 წლის იანვარ-მაისში თურქეთიდან საქართველოში 1,161,988.7 ათასი დოლარის საქონელი შემოვიდა, რაც 2025 წლის ანალოგიურ პერიოდთან შედარებით 7.17%-ით მეტია.

საიმპორტო სტრუქტურაში ყველაზე დიდი წილი ნავთობპროდუქტებსა და მედიკამენტებს უჭირავთ, თუმცა ხუთეულში ასევე მნიშვნელოვანი პოზიციები უკავია მეტალურგიულ ნაწარმსა და ავტომობილებს.

TOP 5 პროდუქტი, რის იმპორტსაც საქართველო თურქეთიდან ახდენს:

• ნავთობი და ნავთობპროდუქტები - 84 418.3 ათასი დოლარი;
• სამკურნალო საშუალებები დაფასოებული - 81 447.2 ათასი დოლარი;
• წნელები ნახშირბადიანი ფოლადისაგან, შემდგომი დამუშავების გარეშე - 51 312.7 ათასი დოლარი;
• მსუბუქი ავტომობილები - 28 570.0 ათასი დოლარი;
• მილები, მილაკები და ღრუ პროფილები, სხვა, შავი ლითონებისაგან​ - 23 149.5 ათასი დოლარი;