საქართველოსა და გაერთიანებულ სამეფოს შორის ორმხრივი საგარეო სავაჭრო ბრუნვა მიმდინარე წლის პირველ რვა თვეში შემცირდა.

საქსტატის მონაცემებით, 2026 წლის იანვარ-აგვისტოში ორ ქვეყანას შორის სავაჭრო ბრუნვამ 163 979.8 ათასი დოლარი შეადგინა, მაშინ როდესაც 2025 წლის ანალოგიურ პერიოდში ეს მაჩვენებელი 471 994.0 ათას დოლარს შეადგენდა.

საქართველოდან გაერთიანებულ სამეფოში პროდუქციის მიწოდებამ ზრდა აჩვენა. მიმდინარე წლის 8 თვეში საექსპორტო მაჩვენებელმა 16 769.0 ათასი დოლარი შეადგინა. ეს მაჩვენებელი გასული წლის შესაბამის პერიოდთან შედარებით 69.45%-ით არის გაზრდილი.

TOP 5 პროდუქტი, რასაც საქართველო გაერთიანებულ სამეფოში ყიდის:

• ძრავები ტურბორეაქტიული და ტურბოხრახნიანი, ტურბინები აირის სხვა- 4 000.0 ათასი დოლარი;
• ფეროშენადნობები - 3 705.6 ათასი დოლარი;
• მაისურები, თბილი კვართები და სხვა ტრიკოტაჟის ნაწარმი, მანქანით ან ხელით ნაქსოვი - 1 560.2 ათასი დოლარი;
• რეზინის პნევმატური სალტეები და საბურავები, ახალი - 1 376.9 ათასი დოლარი;
• ყურძნის ნატურალური ღვინოები - 1 324.6 ათასი დოლარი.

რაც შეეხება გაერთიანებული სამეფოდან იმპორტს 2026 წლის იანვარ-აგვისტოში საქართველომ გაერთიანებული სამეფოდან 147 210.8 ათასი დოლარის ღირებულების პროდუქციის იმპორტი განახორციელა. ერთი წლით ადრე კი 462 097.8 ათასი დოლარის.

TOP 5 პროდუქტი, რასაც საქართველო გაერთიანებული სამეფოდან ყიდულობს:

• მსუბუქი ავტომობილები - 61 775.6 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 10 162.4 ათასი დოლარი;
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 10 028.2 ათასი დოლარი;
• ნარევები გამოსაყენებული სასმელების წარმოებაში - 7 809.0 ათასი დოლარი;
• დანარჩენი საქონელი - 3 644.3 ათასი დოლარი.