საქართველოდან მინერალური და მტკნარი წყლების ექსპორტი 9%-ით გაიზარდა

ეკონომიკა

სოციალურად მოწყვლადი ჯგუფების ნაწილში სახელმწიფოს აქვს ტარიფის სუბსიდირების პროგრამები, რაც ძალაშია და რჩება - შოთა ბერეკაშვილი

28.10.2026.11:45

სოციალურად მოწყვლადი ჯგუფების ნაწილში სახელმწიფოს აქვს ტარიფის სუბსიდირების პროგრამები, რაც ძალაშია და რჩება, - ამის შესახებ საქართველოს პარლამენტის ეკონომიკური პოლიტიკის კომიტეტის თავმჯდომარემ, შოთა ბერეკაშვილმა ეკონომიკური პოლიტიკის კომიტეტის სხდომაზე განაცხადა.

„რაც შეეხება სოციალურად დაუცველებისა და მოწყვლადი ჯგუფების ნაწილს, სახელმწიფოს აქვს სუბსიდირების პროგრამები. ეს ცვლილება მათ არ ეხებათ და ეს პროგრამები ისედაც ძალაშია და რჩება.

უბრალოდ, დღემდე ჩვენ გვქონდა ერთიანი მიდგომა ფიზიკური პირების მიმართ. სამომხმარებლო ტარიფზეა აქ საუბარი: ბევრს მოიხმარდნენ თუ ცოტას, ყველასთვის ერთიანი ტარიფი იყო. ახლა სატარიფო პოლიტიკა იქნება მსგავსი იმისა, როგორიც ელექტროენერგიაზეა, ჩემი აღქმით, მაგრამ ეს სემეკის გადასაწყვეტია. კომისია განსაზღვრავს.

ჩვენ ვქმნით საკანონმდებლო ჩარჩოს და ამ საკანონმდებლო ჩარჩოში ვაძლევთ უფლებამოსილებას, რომ დიფერენცირებული მიდგომა ჰქონდეს, თუ ამას ჩათვლის საჭიროდ. აი, ეს არის აღნიშნული კანონპროექტის ცვლილება“, - აცხადებს შოთა ბერეკაშვილი.

საერთაშორისო ტურნირები ევროპაში ხშირად ტარდება და ტარდება იმ მიზნით, რომ ტურიზმის განვითარებისთვის აღნიშნული ცალკე ინდუსტრია ჩამოყალიბდა - შოთა ბერეკაშვილი 28.10.2026.11:36

სემეკს ვუხანგრძლივებთ უფლებამოსილებას განსაზღვროს ტარიფი წყალმომარაგების შემთხვევაში 2036 წლის 1 იანვრამდე, ხოლო ბუნებრივი გაზის საყოფაცხოვრებო მომხმარებლის ტარიფი - ჩვენი რეკომენდაციაა ჰქონდეს დიფერენცირებული მიდგომა | შოთა ბერეკაშვილი 28.10.2026.11:28

ნინო ჯელაძემ „თბილისის ფინანსური სამიტის“ ფარგლებში ტრანსსასაზღვრო გადახდებისა და რეგიონული ფინანსური კავშირების გაძლიერებაზე ისაუბრა 28.10.2026.11:00