საქართველოს ნავთობისა და გაზის კორპორაცია „კოთელია-ასპინძის“ ახალი მაგისტრალური გაზსადენის მშენებლობას გეგმავს
საქართველოს ნავთობისა და გაზის კორპორაცია „კოთელია-ასპინძის“ მაგისტრალური გაზსადენის მშენებლობისთვის საჭირო პროცედურებს იწყებს. აღნიშნული 23 კილომეტრიანი გაზსადენი სამხრეთის მაგისტრალის მნიშვნელოვან მონაკვეთს წარმოადგენს და ფუნქციური თვალსაზრისით, რეგიონის გაზმომარაგებაში გადამწყვეტი როლი აკისრია. კერძოდ, ახალქალაქის მუნიციპალიტეტის სოფელ კოთელიადან ასპინძის მუნიციპალიტეტის მიმდებარე და შემდგომი დასახლებული პუნქტების ბუნებრივი აირით მომარაგება.
არსებული მილსადენის ტექნიკური მდგომარეობიდან გამომდინარე, საქართველოს მთავრობის დადგენილებით დამტკიცებული სამოქმედო გეგმის ფარგლებში, კორპორაციამ ახალი გაზსადენის მშენებლობის გადაწყვეტილება მიიღო, რომელიც ძველ ინფრასტრუქტურას სრულად ჩაანაცვლებს.
პროექტზე მომზადებულია გარემოსდაცვითი პროცედურებით გათვალისწინებული სკოპინგის დასკვნაც.
სახელმწიფო შესყიდვების ერთიან ელექტრონულ პლატფორმაზე შესაბამისი ტენდერის პირობები უკვე განთავსებულია. წინადადებების მიღება 3 სექტემბერს დასრულდება.
საქართველოს ნავთობისა და გაზის კორპორაციის მიმდინარე და დაგეგმილი პროექტები, რომლებიც მაგისტრალური გაზსადენებისა და მათი განშტოებების დაპროექტებასა და მშენებლობას მოიცავს, მნიშვნელოვნად შეუწყობს ხელს სისტემის გამტარუნარიანობის გაზრდას, მის სტაბილურ ფუნქციონირებას, მოსახლეობისა და სტრატეგიული ობიექტების უწყვეტ გაზმომარაგებას.
სხვა სიახლეები
ლარის კურსი დოლართან გამყარდა
05.08.2026.18:13
1 ევროს ოფიციალური ღირებულება 3.0260 ლარი გახდა, ხოლო 1 აშშ დოლარის 2.6239 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6229 ლარით განისაზღვრა. კურსი, რომელიც დღეს მოქმედებდა 2.6239 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.001 ლარი შეადგინა.
რაც შეეხება ევროს, მისი ღირებულება 3.0260 ლარია მაშინ, როცა დღეს მოქმედი კურსი 3.0219 ლარს შეადგენდა. შესაბამისად, ევროს ცვლილებამ 0.0041 ლარი შეადგინა.
საქართველოს ნავთობისა და გაზის კორპორაცია „კოთელია-ასპინძის“ ახალი მაგისტრალური გაზსადენის მშენებლობას გეგმავს
05.08.2026.17:51
სებ-ის ინტერაქტიულ სტატისტიკას საერთაშორისო ბაზრებზე გამოშვებული კორპორაციული ობლიგაციების რეპორტი დაემატა
05.08.2026.13:44
