საქართველოს რკინიგზაში მომდევნო წლების განმავლობაში მილიარდ ლარზე მეტი ინვესტიცია განხორციელდება იმისთვის, რომ გაიზარდოს ტვირთნაკადის გამტარობა - მარიამ ქვრივიშვილი
უახლოესი პერიოდის განმავლობაში გვაქვს არაერთი უმნიშვნელოვანესი ინიციატივა, რომელიც გაამყარებს ჩვენი ქვეყნის პოზიციონირებას, როგორც ერთი მხრივ აქტიური სატრანსპორტო-ლოგისტიკური ჰაბი, მეორე მხრივ როგორც დამაკავშირებელი რგოლი ევროპასა და აზიას შორის, - ამის შესახებ ეკონომიკისა და მდგრადი განვითარების მინისტრმა, მარიამ ქვრივიშვილმა განაცხადა.
მინისტრის განმარტებით, სახელმწიფოს მხრიდან ყველაფერი კეთდება ქვეყნის სატრანზიტო პოტენციალის გასაზრდელად.
„მინდა გამოვყო მნიშვნელობა ჩვენი ინიციატივის უშუალოდ საქართველოს რკინიგზის მოდერნიზაციის კუთხით. საქართველოს რკინიგზაში მომდევნო წლების განმავლობაში მილიარდ ლარზე მეტი ინვესტიცია განხორციელდება იმისთვის, რომ გაიზარდოს საქართველოს რკინიგზის ტვირთნაკადის გამტარობა. ეს იქნება უკიდურესად მნიშვნელოვანი ჩვენი ქვეყნისთვის", - აღნიშნა მინისტრმა.
დღის ტოპ 10 სიახლე
სხვა სიახლეები
სერბეთის პრეზიდენტის ვიზიტი დიდ სტიმულს მისცემს ჩვენს ქვეყნებს შორის მეგობრული, ეკონომიკური ურთიერთობების კიდევ უფრო მეტად გაღრმავებასა და გაძლიერებას - მარიამ ქვრივიშვილი
16.06.2026.14:11
„საქართველოსა და სერბეთს შორის უკვე არსებობს ძალიან მჭიდრო მეგობრული და პარტნიორული ურთიერთობა. პრეზიდენტ ვუჩიჩის ვიზიტი საქართველოში პრეცედენტულია, როგორც საპრეზიდენტო რანგის პირველი ვიზიტი ჩვენს ქვეყანაში და ეს ძალიან დიდ სტიმულს მისცემს ჩვენს ქვეყნებს შორის მეგობრული, ეკონომიკური ურთიერთობების კიდევ უფრო მეტად გაღრმავებასა და გაძლიერებას", - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა სერბეთის სახელმწიფო დელეგაციის ვიზიტის შეფასებისას.
როგორც ეკონომიკის მინისტრმა აღნიშნა, ვიზიტის ფარგლებში სერბეთის რესპუბლიკის შიდა და საგარეო ვაჭრობის მინისტრ იაგოდა ლაზარევიჩთან გამართული ორმხრივი შეხვედრისას მხარეებმა ორ ქვეყანას შორის ეკონომიკური თანამშრომლობის საკითხებსა და მათი გაღრმავების შესაძლებლობებზე ისაუბრეს.
ორი ქვეყნის ეკონომიკური უწყებების ხელმძღვანელებმა განიხილეს სავაჭრო-ეკონომიკური კავშირების, ტურიზმისა და ტრანსპორტის სექტორში თანამშრომლობის საკითხები, ასევე აღინიშნა საქართველო-სერბეთის ეკონომიკურ კავშირებში არსებული პოზიტიური დინამიკა.
„ორმხრივი შეხვედრისას საუბარი შედგა არაერთი მნიშვნელოვანი და საკვანძო საკითხის გარშემო, რაც ფუნდამენტურად მნიშვნელოვანი იქნება ჩვენს ქვეყნებს შორის ეკონომიკური კავშირების თვალსაზრისით არსებული პოტენციალის სრულად ასათვისებლად", - აღნიშნა ეკონომიკისა და მდგრადი განვითარების მინისტრმა.
Galt & Taggart-ის პროგნოზით, პირდაპირი უცხოური ინვესტიციები წლიურად 8.0%-ით გაიზრდება და
$1.8 მილიარდს მიაღწევს 2026 წელს
16.06.2026.14:02
ცალსახად ინფრასტრუქტურა და მშენებლობა წარმოადგენს ხერხემალს ჩვენი ეკონომიკის - ირაკლი გიორგობიანი
16.06.2026.13:39
ეკონომიკისა და მდგრადი განვითარების მინისტრი მარიამ ქვრივიშვილი სერბეთის შიდა და საგარეო ვაჭრობის მინისტრს შეხვდა
16.06.2026.13:20
