საქართველოს სავაჭრო ბრუნვა არგენტინასთან 46%-ით გაიზარდა
საქართველოსა და არგენტინას შორის სავაჭრო ბრუნვა საგრძნობლად გაიზარდა, თუმცა აღნიშნული მატება სრულად იმპორტის ხარჯზე ფიქსირდება, მაშინ როდესაც ქართული ექსპორტი სამხრეთ ამერიკის ამ ქვეყანაში მინიმუმამდეა შემცირებული. საქსტატის მონაცემებით, 2026 წლის იანვარ-აპრილში ორ ქვეყანას შორის სავაჭრო ბრუნვამ 6 771.5 ათასი აშშ დოლარი შეადგინა, რაც გასული წლის ანალოგიურ პერიოდთან შედარებით (4 638.7 ათასი აშშ დოლარი) დაახლოებით 46%-ით მეტია.
2026 წლის პირველ ოთხ თვეში საქართველოდან არგენტინაში ექსპორტი მკვეთრად, თითქმის 95%-ით შემცირდა და მხოლოდ 20.2 ათასი დოლარი შეადგინა, მაშინ როდესაც 2025 წლის იანვარ-აპრილში ეს მაჩვენებელი 377.7 ათას დოლარს აღწევდა. საანგარიშო პერიოდში საქართველომ არგენტინულ ბაზარზე მხოლოდ ერთი დასახელების პროდუქტი გაყიდა - მზა შემკვრელი ნივთიერებები.
რაც შეეხება იმპორტს, არგენტინიდან საქართველოში პროდუქციის შემოტანა 58.4%-ით გაიზარდა. მიმდინარე წლის იანვარ-აპრილში მაჩვენებელმა 6 751.3 ათასი დოლარი შეადგინა, გასული წლის 4 261.1 ათასი დოლარის საპირისპიროდ. საქართველოში შემოსულ პროდუქტებს შორის პირველ ადგილს კოპტონი და სოიოს ზეთის ექსტრაჰირებისას მიღებული სხვა მყარი ნარჩენები იკავებს.
TOP 5 პროდუქტი, რის იმპორტსაც საქართველო არგენტინიდან ახდენს:
დღის ტოპ 10 სიახლე
სხვა სიახლეები
მაისის თვეში ექსპორტის რეკორდული მაჩვენებლები ადასტურებს, რომ საქართველოში წარმოებული პროდუქცია კონკურენტუნარიანია არამხოლოდ ადგილობრივ, არამედ საერთაშორისო ბაზრებზე - ვახტანგ ცინცაძე
15.06.2026.16:07
2026 წლის მაისის თვეში, წინასწარი მონაცემებით, ექსპორტის მოცულობამ 668 მლნ აშშ დოლარს გადააჭარბა, რაც მაისის თვის ჭრილში რეკორდული მაჩვენებელია, - ეკონომიკისა და მდგრადი განვითარების მინისტრის მოადგილე ვახტანგ ცინცაძემ ქვეყნის საგარეო ვაჭრობის კუთხით არსებული მონაცემები შეაფასა.
როგორც მინისტრის მოადგილემ აღნიშნა, მიმდინარე წლის იანვარ-მაისის მაჩვენებლებიც რეკორდულია - საქართველოდან, ჯამში, 3,108.5 მლნ აშშ დოლარის პროდუქციის ექსპორტი განხორციელდა, რაც დაახლოებით 19.8%-იანი ზრდაა წინა წელთან შედარებით.
„იანვარ-მაისის პერიოდში ასევე რეკორდულია საგარეო სავაჭრო ბრუნვის მაჩვენებლები და 10,439.7 მილიონ აშშ დოლარს უტოლდება. ყოველივე ზემოაღნიშნული კიდევ ერთხელ ადასტურებს, რომ საქართველოში წარმოებული პროდუქცია კონკურენტუნარიანია არამხოლოდ ადგილობრივ, არამედ საერთაშორისო ბაზრებზე.
როგორც ვახტანგ ცინცაძე აღნიშნავს, სახელმწიფოს არაერთი ინსტრუმენტი აქვს, რომელთა საშუალებითაც მხარს უჭერს ადგილობრივი წარმოების განვითარებას, მათ შორის, საქართველოს ეკონომიკური განვითარების კორპორაცია სხვადასხვა ინსტრუმენტებით ეხმარება ბიზნესს, მათ შორის მცირე და საშუალო მეწარმეებს, ქვეყანაში კონკურენტუნარიანი პროდუქციის წარმოებაში.
„საქართველოს მთავრობის მიზანია, ხელი შეუწყოს ქვეყანაში ადგილობრივი წარმოების განვითარებას. სწორედ ამას ემსახურება პროგრამები, რომლებიც ქვეყანას აქვს არაერთი მიმართულებით და რომლებიც ადგილობრივ მეწარმეებს სხვადასხვა ფინანსური თუ არაფინანსური ინსტრუმენტებით ეხმარება. ეს ყველაფერი მნიშვნელოვან როლს თამაშობს ექსპორტის ზრდის დინამიკასა და მზარდ ტენდენციაში“, - აღნიშნა ვახტანგ ცინცაძემ.
