საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი აშშ-ის საერთაშორისო განვითარების საფინანსო კორპორაციის (DFC) პოლიტიკის მიმართულების ხელმძღვანელს ქეროლაინ ვიკს შეხვდა

ეკონომიკა

საფოსტო და საკურიერო საქმიანობით დაკავებული საწარმოების შემოსავლების 70.3% საერთაშორისო გზავნილებზე მოდის - საქსტატი

21.10.2026.11:09

გამოკვლევის შედეგების მიხედვით, 2025 წელს საფოსტო და საკურიერო საქმიანობით დაკავებული საწარმოების1 შემოსავლებმა 273.8 მლნ. ლარი შეადგინა. შემოსავლის უდიდეს ნაწილს საერთაშორისო საფოსტო-საკურიერო მომსახურებიდან მიღებული შემოსავლები (67.0 პროცენტი) შეადგენდა, ხოლო 33.0 პროცენტს - ადგილობრივი მომსახურებიდან მიღებული შემოსავლები.

საქსტატის ინფორმაციით, საფოსტო და საკურიერო საქმიანობით დაკავებული საწარმოების შემოსავლების 76.8 პროცენტი ამანათების მიწოდებიდან არის მიღებული, რომლის 70.3 პროცენტი საერთაშორისო გზავნილებზე მოდიოდა, 29.7 პროცენტი კი – ადგილობრივ გზავნილებზე.

საფოსტო და საკურიერო საქმიანობით დაკავებული საწარმოების შემოსავლების 17.3 პროცენტი წერილობით კორესპოდენციებზე მოდიოდა, რომლის 57.8 პროცენტი საერთაშორისო იყო, ხოლო 42.2 პროცენტი – ადგილობრივი.

საფოსტო და საკურიერო მომსახურებით დაკავებულმა საწარმოებმა 2025 წლის განმავლობაში გააგზავნეს 16.4 მილიონი ამანათი და 7.0 მილიონი წერილობითი კორესპონდენცია.

2025 წელს საფოსტო და საკურიერო საქმიანობით დაკავებულ საწარმოებში დასაქმებულთა საშუალო წლიური რაოდენობა შეადგენდა 4.6 ათასს და მათ შორის 1.8 ათასი იყო კურიერი და ფოსტალიონი.