საქართველოსა და ესპანეთს შორის საგარეო სავაჭრო ბრუნვამ 2026 წლის იანვარ-აპრილში 102 039.7 ათასი აშშ დოლარი შეადგინა, რაც გასული წლის ანალოგიურ პერიოდთან (93 616.5 ათასი აშშ დოლარი) შედარებით 9%-ით მეტია. საქსტატის მაჩვენებლები ცხადყოფს, რომ ზრდა მთლიანად იმპორტის მატებამ განაპირობა.

კერძოდ, პირველ ოთხ თვეში ესპანეთიდან პროდუქციის იმპორტი 16.2%-ით გაიზარდა და 86 170.4 ათასი აშშ დოლარი შეადგინა (2025 წლის იანვარ-აპრილი - 74 171.8 ათასი აშშ დოლარი).

TOP 5 პროდუქტი, რის იმპორტსაც საქართველო ესპანეთიდან ახდენს:

• კოსტუმები, კომპლექტები, კომბინეზონები, ბრიჯები და შორტები, ქალისა ან გოგონასი - 7 105.5 ათასი დოლარი;
• მოსაპირკეთებელი ფილები კერამიკული, მოუჭიქურებელი​ - 6 311.1 ათასი დოლარი;
• სამკურნალო საშუალებები დაფასოებული - 4 858.7  ათასი დოლარი;
• სვიტერები, პულოვერები და ტრიკოტაჟის ანალოგიური ნაწარმი, ნაქსოვი - 3 571.2 ათასი დოლარი;
• სხვა ცოცხალი მცენარეები, კალმები და გადანაწვენები; სოკოს მიცელიუმი​ - 3 001.9 ათასი დოლარი;

რაც შეეხება ექსპორტს, საქართველოდან ესპანეთში ადგილობრივი პროდუქციის გატანა 18.4%-ით შემცირდა. მიმდინარე წლის საანგარიშო პერიოდში საექსპორტო მაჩვენებელი 15 869.3 ათას აშშ დოლარს გაუტოლდა, მაშინ როდესაც გასული წლის შესაბამის თვეებში ეს ციფრი 19 444.7 ათას აშშ დოლარს შეადგენდა.

TOP 5 პროდუქტი, რის ექსპორტსაც საქართველო ესპანეთში ახდენს:

• თხილი და სხვა კაკალი - 7 439.1 ათასი დოლარი;
• ფეროშენადნობები - 3 983.6 ათასი დოლარი;
• სასუქები მინერალური ან ქიმიური, აზოტოვანი - 1 304.8 ათასი დოლარი;
• რეზინის პნევმატური სალტეები და საბურავები, ახალი - 708.2 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან​ - 628.8 ათასი დოლარი;