საქართველოსა და იტალიის სავაჭრო ურთიერთობები მზარდია
საქართველოსა და იტალიის სავაჭრო ურთიერთობები მზარდია. საქსტატის ინფორმაციით, 2026 წლის იანვარში საქართველოდან იტალიაში ექსპორტი და იტალიიდან საქართველოში იმპორტი გაზრდილია.
სტატისტიკური მაჩვენებლების მიხედვით, 2026 წლის იანვარში საქართველომ იტალიიდან 25 612.0 ათასი დოლარის პროდუქცია იყიდა, მაშინ როდესაც ერთი წლით ადრე, 2025 წლის იანვარში ეს მაჩვენებელი 22 360.3 ათას დოლარს შეადგენდა. ზრდა 15%-ის დონეზეა.
TOP 5 პროდუქტი, რასაც საქართველო იტალიიდან ყიდულობს:
რაც შეეხება საქართველოდან იტალიაში ექსპორტს, 56ის %-ით არის გაზრდილი. საქსტატის მაჩვენებლებით, 2026 წლის იანვარში საქართველომ იტალიიდან 10 735.7 ათასი დოლარის პროდუქცია იყიდა, 2025 წლის ანალოგიურ პერიოდში კი 6 882.0 ათასი დოლარის. საქართველოდან იტალიაში ნომერ პირველი საექსპორტო პროდუქტი თხილია.
TOP 5 პროდუქტი, რასაც საქართველო იტალიაში ყიდის:
სხვა სიახლეები
საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი აზერბაიჯანის რესპუბლიკის პრეზიდენტს, ილჰამ ალიევს შეხვდა
17.11.2026.19:12
საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი აზერბაიჯანის რესპუბლიკის პრეზიდენტს, ილჰამ ალიევს შეხვდა. ყურადღება გამახვილდა საქართველოსა და აზერბაიჯანის რესპუბლიკის სტრატეგიულ პარტნიორობასა და ეკონომიკის სხვადასხვა სფეროში თანამშრომლობის შემდგომი გაღრმავების პერსპექტივებზე.
საუბარი შეეხო ორ ქვეყანას შორის არსებულ მჭიდრო პოლიტიკურ და ეკონომიკურ კავშირებს, მიმდინარე ერთობლივ პროექტებსა და რეგიონული თანამშრომლობის მნიშვნელობას. ხაზი გაესვა დაკავშირებადობის გაძლიერებისა და რეგიონის სატრანსპორტო, ლოგისტიკური და ენერგეტიკული პოტენციალის მაქსიმალურად ათვისების მნიშვნელობას.
შეხვედრაზე აღინიშნა, რომ წარმატებით განხორციელებული ერთობლივი პროექტებისა და სავაჭრო თანამშრომლობის შედეგად, აზერბაიჯანი 2000 წლიდან სტაბილურად იკავებს ადგილს საქართველოს უმსხვილეს სავაჭრო პარტნიორთა ათეულში.
დადებითად შეფასდა მგზავრთნაკადის მნიშვნელოვანი ზრდა თბილისსა და ბაქოს შორის სამგზავრო სარკინიგზო მიმოსვლის აღდგენის შემდეგ.
შეხვედრას დაესწრნენ საქართველოს ელჩი აზერბაიჯანში გიორგი ზაქარაშვილი და აზერბაიჯანის რესპუბლიკის ეკონომიკის მინისტრი მიქაელ ჯაბაროვი.