საქართველოსა და თურქმენეთს ტრანსპორტისა და ლოგისტიკის სექტორში ძალიან მჭიდრო თანამშრომლობა გვაკავშირებს - თამარ იოსელიანი
„საქართველოსა და თურქმენეთს ტრანსპორტისა და ლოგისტიკის სექტორში მჭიდრო და მზარდი თანამშრომლობა აკავშირებს. თურქმენეთში ვიზიტის ფარგლებში განვიხილეთ ამ მიმართულებით თანამშრომლობის კიდევ უფრო გაღრმავების შესაძლებლობები და ცალკეულ პროექტებში ერთობლივი ჩართულობის გეგმები," - განაცხადა ეკონომიკისა და მდგრადი განვითარების მინისტრის მოადგილე თამარ იოსელიანმა.
მინისტრის მოადგილემ ყურადღება გაამახვილა ორ ქვეყანას შორის ტვირთბრუნვის ზრდის დინამიკაზე. აღინიშნა, რომ 2025 წელი განსაკუთრებით წარმატებული იყო და წელსაც პოზიტიური ტენდენცია შენარჩუნდა - შარშან სარკინიგზო ტრანსპორტმა ორ ქვეყანას შორის დაახლოებით 20%-ით მეტი ტვირთი გადაზიდა და ტენდენცია 2026 წლის პირველ კვარტალშიც გაგრძელდა და მატებამ 3%-ი შეადგინა.
"ჩვენ თურქმენ კოლეგებს გავუზიარეთ ინფორმაცია იმ პროექტებზე, რომელთაც ვახორციელებთ სარკინიგზო და საპორტო ინფრასტრუქტურის განვითარების, მათი სერვისების გაციფრულების და საერთაშორისო და რეგიონული დაკავშირებადობის გაძლიერების მიმართულებით," - აღნიშნა თამარ იოსელიანმა.
დღის ტოპ 10 სიახლე
სხვა სიახლეები
ლარის კურსი დოლართან გამყარდა
14.08.2026.17:01
1 ევროს ოფიციალური ღირებულება 3.0233 ლარი გახდა, ხოლო 1 აშშ დოლარის 2.6162 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6162 ლარით განისაზღვრა. კურსი, რომელიც დღეს მოქმედებდა 2.6171 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0009 ლარი შეადგინა.
რაც შეეხება ევროს, მისი ღირებულება 3.0233 ლარია მაშინ, როცა დღეს მოქმედი კურსი 3.0191 ლარს შეადგენდა. შესაბამისად, ევროს ცვლილებამ 0.0042 ლარი შეადგინა.
