საქართველოში განხორციელებული პირდაპირი უცხოური ინვესტიციების მოცულობა 2026 წლის I კვარტალში 47.7%-ით გაიზარდა და $271.2 მილიონი შეადგინა - საქსტატი
წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2026 წლის I კვარტალში 271.2 მლნ. აშშ დოლარი შეადგინა, რაც 2025 წლის I კვარტლის წინასწარ მონაცემებზე 47.7 პროცენტით მეტია. ზრდა განპირობებულია პირდაპირი უცხოური ინვესტიციების ორი კომპონენტის: სააქციო კაპიტალის და სავალო ვალდებულებების მაჩვენებლის გაზრდით.
2026 წლის I კვარტალში სააქციო კაპიტალმა 101.6 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 37.5 პროცენტია. რეინვესტიციამ 145.8 მლნ. აშშ დოლარი შეადგინა და მისი წილი 53.8 პროცენტით განისაზღვრა, ხოლო სავალო ვალდებულებებმა 23.8 მლნ. აშშ დოლარი შეადგინა. ის პირდაპირი უცხოური ინვესტიციების 8.8 პროცენტია.
წინასწარი მონაცემებით 2026 წლის I კვარტალში პირველ ადგილზეა გაერთიანებული სამეფო 52.4 მლნ. აშშ დოლარით, რაც მთლიანი პირდაპირი უცხოური ინვესტიციების 19.3 პროცენტს შეადგენს, მეორე ადგილზე იმყოფება აშშ 47.5 მლნ. აშშ დოლარით (17.5 პროცენტი), ხოლო მესამეზე ნიდერლანდები - 29.2 მლნ. აშშ დოლარით (10.8 პროცენტი).
სამი უმსხვილესი ინვესტორი ქვეყნის წილი ინვესტიციების მთლიანი მოცულობის 47.6 პროცენტს შეადგენს.
წინასწარი მონაცემებით 2026 წლის I კვარტალში ყველაზე მეტი პირდაპირი უცხოური ინვესტიციები საფინანსო და სადაზღვევო საქმიანობების სექტორში განხორციელდა და 125.1 მლნ. აშშ დოლარს მიაღწია (46.1 პროცენტი). მეორე ადგილზე უძრავი ქონების სექტორია 48.8 მლნ. აშშ დოლარით (18.0 პროცენტი), ხოლო მესამეზე - ინფორმაციის და კომუნიკაციის სექტორი 37.2 მლნ. აშშ დოლარით (13.7 პროცენტი).
სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 77.8 პროცენტი შეადგინა.
დღის ტოპ 10 სიახლე
სხვა სიახლეები
2026 წლის I კვარტალში საქართველოში პირდაპირი უცხოური ინვესტიციები 47.7%-ით გაიზარდა, რაც ინვესტორთა ნდობასა და ქვეყნის ბიზნესგარემოს მიმართ პოზიტიურ მოლოდინებზე მიანიშნებს
09.06.2026.12:16
2026 წლის I კვარტალში საქართველოში პირდაპირი უცხოური ინვესტიციები 47.7%-ით გაიზარდა და 271.2 მილიონი აშშ დოლარი შეადგინა. ამავე პერიოდში, ქვეყნების მიხედვით ყველაზე დიდი მოცულობის ინვესტიცია საქართველოში გაერთიანებული სამეფოდან განხორციელდა, შემდეგ მოდის აშშ, ნიდერლანდები, აზერბაიჯანი და ა.შ.
გაერთიანებული სამეფო ლიდერობს ასევე იმ ქვეყნების ჩამონათვალში, საიდანაც ქვეყანაში საინვესტიციო ნაკადების მნიშვნელოვანი ზრდა დაფიქსირდა. ასევე ინვესტიციების მკვეთრი მატებაა იაპონიიდან, გერმანიიდან და ნიდერლანდებიდან.
I კვარტალში პირდაპირი უცხოური ინვესტიციები მნიშვნელოვნად გაიზარდა საფინანსო და სადაზღვევო საქმიანობების, ვაჭრობის, უძრავი ქონების, ადმინისტრაციული და დამხმარე მომსახურების საქმიანობების სექტორებში.
2026 წლის I კვარტალში ყველაზე მეტი ინვესტიცია განხორციელდა საფინანსო და სადაზღვევო საქმიანობების სექტორში, შემდეგ მოდის უძრავი ქონების, ინფორმაციისა და კომუნიკაციის, ენერგეტიკისა და ვაჭრობის სექტორები.
