საქართველოსა და კანადას შორის სავაჭრო ბრუნვა შემცირებულია. საქსტატის მონაცემების მიხედვით. 2026 წლის იანვარ-ოქტომბერში ორი ქვეყნის სავაჭრო ბრუნვამ 21 663.7​ ათასი დოლარი შეადგინა, მაშინ როდესაც 2025 წლის ოთხ თვეში მაჩვენებელი 22 160.6 ათასი დოლარის დონეზე იყო. შესაბამისად, მიმდინარე წელს კანადასა და საქართველოს შორის სავაჭრო ბრუნვა 2%-ით არის შემცირებული. 

2026 წლის იანვარ-აპრილში საქართველომ კანადაში 7 572.7 ათასი დოლარის ღირებულების ექსპორტი განახორციელა, 2025 წლის ანალოგიურ პერიოდში კი 3 154.8 ათასი დოლარის. მიმდინარე სტატისტიკის მიხედვით, საქართველოდან კანადაში ექსპორტი 140%-ით არის გაზრდილი.

TOP 5 პროდუქტი, რასაც საქართველო კანადაში ყიდის:

• ფეროშენადნობები - 6 636.0 ათასი დოლარი;
• ყურძნის ნატურალური ღვინოები - 409.5 ათასი დოლარი;
• მინერალური და მტკნარი წყლები - 196.7 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 75.6 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 65.2 ათასი დოლარი;

სამაგიეროდ 26%-იანი კლებაა კანადიდან საქართველოში იმპორტის სტატისტიკაში. 2026 წლის ოთხ თვეში კანადამ საქართველოში 14 091.0 ათასი დოლარის ღირებულების პროდუქცია გაყიდა, 2025 წლის ანალოგიურ პერიოდში კი 19 005.8 ათასი დოლარის. 

TOP 5 პროდუქტი, რასაც საქართველო კანადიდან ყიდულობს:

• მსუბუქი ავტომობილები - 11 886.6
• პარკოსანი ბოსტნეული გამხმარი - 542.3 ათასი დოლარი;
• სამკურნალო საშუალებები დაფასოებული - 313.9 ათასი დოლარი;
• თევზი გაყინული - 240.0 ათასი დოლარი;
• ვულკანიზებული რეზინის ტანსაცმელი და მისი საკუთნოები​ - 133.7 ათასი დოლარი;