სებ-მა ენერგეტიკის სექტორის კვლევა ჩაატარა, რომლის ფარგლებში გამოიკვეთა, რომ დარგი სტაბილური ზრდით და საკრედიტო დანაკარგების დაბალი დონით ხასიათდება - ალექსანდრე ერგეშიძე
საქართველოს ეროვნული ბანკის მონაცემებით, ენერგეტიკის სექტორის დაკრედიტებამ 3.2 მილიარდი ლარი შეადგინა, რაც რეკორდული მაჩვენებელია და წლიურად 30%-ით არის გაზრდილი.
საქართველოს ეროვნული ბანკის სპეციალიზებული რისკების დეპარტამენტის უფროსის, ალექსანდრე ერგეშიძეს თქმით, სებ-მა ენერგეტიკის სექტორის კვლევა ჩაატარა, რომლის ფარგლებშიც გამოიკვეთა რომ ენერგეტიკის სექტორი სტაბილური ზრდით და საკრედიტო დანაკარგების დაბალი დონით ხასიათდება.
„ეროვნულმა ბანკმა ენერგეტიკის სექტორის კვლევა ჩაატარა, რომლის ფარგლებში გამოიკვეთა რომ ენერგეტიკის სექტორი სტაბილური ზრდით და საკრედიტო დანაკარგების დაბალი დონით ხასიათდება. ასევე კვლევის ფარგლებში ხაზი გაესვა სექტორის მდგრადობას, რაც სექტორში არსებული მსესხებლების გადამხდელუნარიანობის ანალიზით დადასტურდა და ასევე აღნიშნული სექტორის ზრდის პოტენციალს. მიმდინარე მონაცემებით საკრედიტო ზრდა ენერგეტიკის სექტორის მიმართულებით რეკორდულ 3.2 მილიარდ ლარს მიაღწია, რაც წლიურად 30%-ითაა გაზდილი. დაკრედიტება მზარდია, როგორც მცირე ჰესების, ისე ქარის ელექტროსადგურების მიმართულებით. მთლიან ბიზნეს დაკრედიტებაში ენერგეტიკის სექტორის დაკრედიტებას უკვე 7% აქვს წილი და აღსანიშნავია რომ მიმდინარე მდგომარეობითაც ენერგეტიკის სექტორი სხვა სექტორებთან შედარებით ერთი ყველაზე დაბალი საკრედიტო დანაკარგებით ხასიათდება”, - ამბობს ალექსანდრე ერგეშიძე.
დღის ტოპ 10 სიახლე
სხვა სიახლეები
საქართველოს ენერგეტიკის სექტორში ინვესტიციები, როგორც საერთაშორისო დონეზე, ასევე ადგილობრივ დონეზე იქნება კიდევ უფრო მზარდი მომავალი წლების განმავლობაში - მაია მელიქიძე
26.08.2026.21:05
საქართველოს ეროვნული ბანკის მონაცემებით, ენერგეტიკის სექტორის დაკრედიტებამ 3.2 მილიარდი ლარი შეადგინა, რაც რეკორდული მაჩვენებელია და წლიურად 30%-ით არის გაზრდილი.
საქართველოს განახლებადი ენერგიის განვითარების ასოციაციის (GREDA) აღმასრულებელი დირექტორის, მაია მელიქიძის თქმით, ქვეყანას საკმაოდ დიდი პოტენციალი გააჩნია ჰიდროს, მზის, ქარის მიმართულებით ვაწარმოოთ სუფთა, მწვანე ენერგია ბუნებრივია დაინტერესება და მოთხოვნა ინვესტორების მხრიდან საკმაოდ მაღალია.
„ენერგეტიკა კაპიტალტევადი დარგია. გამომდინარე იქედან, რომ ჩვენს ქვეყანას საკმაოდ დიდი პოტენციალი გააჩნია ჰიდროს, მზის, ქარის მიმართულებით ვაწარმოოთ სუფთა, მწვანე ენერგია ბუნებრივია დაინტერესება და მოთხოვნა ინვესტორების მხრიდან საკმაოდ მაღალია. ჩვენთვის ნამდვილად მისასალმებელია ის რომ კერძო სექტორმა ამხელა მნიშვნელობა მიანიჭა და ინვესტიციები განახორციელა და ბუნებრივია ის 30%-იანი ზრდა წინა წელთან შედარებით დაკრედიტებასთან მიმართებაში კიდევ ერთხელ ხაზს უსვამს იმ მნიშვნელოვან როლს ჩვენი ქვეყნისას, რომელიც უზრუნველყოფს რეგიონის დონეზე და მსოფლიო დონეზე იმ მნიშვნელობას, რომ ელექტროენერგია დროთა განმავლობაში ხდება კიდევ უფრო მოთხოვნადი პროდუქტი და საქართველოს ენიჭება ის მნიშვნელობა რომ ინვესტიციები, როგორც საერთაშორისო დონეზე, ასევე ადგილობრივ დონეზე იქნება კიდევ უფრო მზარდი მომავალი წლების განმავლობაში“, - ამბობს მაია მელიქიძე.
![[ენერგეტიკის სექტორში] ვხედავთ ინვესტორების აქტიურობას, ვხედავთ ბევრ გაფორმებულ მემორანდუმს, დაწყებულ პროექტს და ეს რომ გადაითარგმნა დაკრედიტების ზრდაში უკვე ნიშნავს, რომ პროექტები იწყება და აღარ არის მხოლოდ კვლევის ეტაპი - მარიამ ჩახვაშვილი](uploads_script/news/2026/08/thumb_7pazzjvv17d5z4x.png)
