სერბეთისა და საქართველოს პრემიერ-მინისტრების შეხვედრაზე ორ ქვეყანას შორის პირდაპირი ავიამიმოსვლის დაწყება დადებითად შეფასდა, რაც ხელს შეუწყობს როგორც სავაჭრო-ეკონომიკური და ხალხთაშორისი კავშირების გაძლიერებას
საქართველოს პრემიერ-მინისტრი ირაკლი კობახიძე სერბეთის რესპუბლიკის პრემიერ-მინისტრ დურო მაცუტს შეხვდა.
შეხვედრაზე აღინიშნა ორ ქვეყანას შორის სხვადასხვა სექტორში თანამშრომლობის გაღრმავების კუთხით არსებული პოტენციალი. დადებითად შეფასდა საქართველოში სერბეთის საელჩოს გახსნა და ორ ქვეყანას შორის პირდაპირი ავიამიმოსვლა, რაც ხელს შეუწყობს როგორც სავაჭრო-ეკონომიკური და ხალხთაშორისი კავშირების გაძლიერებას, ასევე წაახალისებს ტურიზმსა და კულტურულ ურთიერთობებს.
ხაზი გაესვა სავაჭრო-ეკონომიკური თანამშრომლობის შესახებ საქართველო-სერბეთის ერთობლივი კომისიის ფორმატის მნიშვნელობას სექტორული კავშირების გაღრმავების მიმართულებით, ასევე აღინიშნა ორ ქვეყანას შორის თავისუფალი ვაჭრობის შესახებ შეთანხმებაზე მოლაპარაკებების დაწყების შესახებ მიღებული გადაწყვეტილების მნიშვნელობა ეკონომიკური თანამშრომლობის შემდგომი სტიმულირებისთვის.
საქართველოსა და სერბეთის პრემიერ-მინისტრების შეხვედრა დუბაიში, მსოფლიო მთავრობათა სამიტის ფარგლებში გაიმართა.
სხვა სიახლეები
UN Tourism - ის ახალ გენერალურ მდივანთან განვიხილეთ როგორც საქართველოში ტურიზმის ინდუსტრიის განვითარების საინტერესო დინამიკა, ისე თანამშრომლობის პერსპექტივები - ირაკლი ნადარეიშვილი
16.06.2026.15:08
„გაეროს ტურიზმის ორგანიზაციის ახალ გენერალურ მდივანთან განვიხილეთ როგორც საქართველოში ტურიზმის ინდუსტრიის განვითარების საინტერესო დინამიკა, ასევე თანამშრომლობის პერსპექტივები და ის გამოცდილება, რომელიც საქართველოს ისტორიულად გააჩნია ამ ძალიან მაღალი დონის საერთაშორისო ორგანიზაციასთან", - განაცხადა ეკონომიკისა და მდგრადი განვითარების მინისტრის მოადგილემ, ირაკლი ნადარეიშვილმა ტურიზმის ორგანიზაციის გენერალურ მდივან შეიხა ალ-ნუვაისთან შეხვედრის შემდეგ.
როგორც მინისტრის მოადგილემ აღნიშნა, UN Tourism - ის ახალ გენერალურ მდივანთან შეხვედრაზე საუბარი შეეხო კონკრეტულ პროექტებს და ერთობლივ აქტივობებს, აგრეთვე საქართველოს, როგორც გამორჩეული ტურისტული ქვეყნის აქტიურ მონაწილეობას, გლობალური ტურიზმის გამოწვევების განხილვებში სხვადასხვა დონის პლატფორმებზე.
„შეხვედრაზე ასევე ვისაუბრეთ გენერალური მდივნის საქართველოში ვიზიტის დეტალებზე, რომელიც წლის მეორე ნახევარში გაიმართება", - განაცხადა ირაკლი ნადარეიშვილმა.
ირაკლი ნადარეიშვილი დაესწრო UN Tourism - ის სათაო ოფისში გამართულ პრეზენტაციას საქართველოს ტურისტული შესაძლებლობების შესახებ
16.06.2026.15:06
Galt & Taggart-ის პროგნოზით, პირდაპირი უცხოური ინვესტიციები წლიურად 8.0%-ით გაიზრდება და
$1.8 მილიარდს მიაღწევს 2026 წელს
16.06.2026.14:02
