სოფლის მეურნეობის ინდექსი ყოველწლიურად განახლდება - ლაშა ქავთარაძე
სოფლის მეურნეობის განვითარების ინდექსი ყოველწლიურად განახლდება და ყოველი წლის პირველი კვარტალში გამოქვეყნდება, რაც დარგის დინამიკაში დაკვირვების შესაძლებლობას უზრუნველყოფს - ამის შესახებ Galt & Taggart-ის მთავარმა ეკონომისტმა ლაშა ქავთარაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა. მისი განმარტებით, ინდექსი სრულად ეყრდნობა წლიურ მონაცემებს და ყველა კომპონენტი განახლებულ პუბლიკაციებში აისახება.
„ინდექსის განახლებას ყოველწლიურად ვგეგმავთ, რადგან ამ სექტორში მონაცემები ძირითადად წლიურ ჭრილშია ხელმისაწვდომი. შესაძლოა, გარკვეული ტიპის მონაცემები კვარტალურიც იყოს, თუმცა ინდექსისთვის საჭირო ცხრა ინდიკატორზე სრულყოფილი ინფორმაცია მაინც წლიურად ფორმირდება. შესაბამისად, ინდექსის განახლება ყოველი წლის დასაწყისში მოხდება.
მაგალითად, 2025 წლის მონაცემები, რომლებიც ამ ეტაპზე ინდექსში არ არის ასახული, მიმდინარე წლის მეორე ნახევარში გახდება ხელმისაწვდომი. თუმცა შემდგომ ეტაპზე ზოგიერთი ინდიკატორი დამატებით ზუსტდება, რის გათვალისწინებითაც, საბოლოოდ განახლებული ინდექსი ყოველწლიურად პირველ კვარტალში გამოქვეყნდება. შესაბამისად, ინდექსის ყველა კომპონენტი სრულად აისახება ჩვენს პუბლიკაციებში“, - განმარტა ლაშა ქავთარაძემ.
სხვა სიახლეები
რომელ ქვეყნებში ახორციელებს საქართველო ოქროს ექსპორტს - l კვარტლის სტატისტიკა
24.04.2026.19:00
2026 წლის იანვარ-მარტში საქართველომ ექსპორტზე 43 671.2 ათასი დოლარის ღირებულების ოქრო გაიტანა. საქსტატის მონაცემების მიხედვით, მიმდინარე წლის პირველ კვარტალში ქვეყნიდან ექსპორტირებული ოქროს რაოდენობა გასული წლის ანალოგიურ პერიოდის მაჩვენებლებზე ნაკლებია.
უფრო კონკრეტულად, 2026 წლის იანვარ-მარტში ექსპორტზე 0.4 ტონა ოქრო (დაუმუშავებელი, ნახევრადდამუშავებული ან ფხვნილის სახით) გავიდა, ხოლო 2025 წლის იმავე პერიოდში ასევე 0.6 ტონა ოქრო იქნა ექსპორტირებული. პირველ კვარტალში ოქროს ექსპორტი 33%-ით არის შემცირებული.
სტატისტიკა აჩვენებს, რომ წელს ექსპორტირებული ოქროს ღირებულება მნიშვნელოვნად აღემატება გასული წლის მაჩვენებელს - 2025 წლის იანვარ-მარტში ქვეყნიდან სულ 27 798.7 ათასი დოლარის ღირებულების ოქრო გავიდა.
ქვეყნები, სადაც საქართველომ ოქროს ექსპორტი განახორციელა:
I კვარტალი საქართველომ $47 მილიონის ღირებულების მინერალური და მტკნარი წყლების ექსპორტი განახორციელა
24.04.2026.17:00
ანაკლიის ღრმაწყლოვანი ნავსადგურის სამობილიზაციო სამუშაოები დასრულებულია და პროექტი აქტიურ სამშენებლო ფაზაში გადადის - თამარ იოსელიანი
24.04.2026.13:18
საქართველოში წარმოებული ნატურალური წვენებისთვის მთავარი საექსპორტო ბაზარია გერმანია
24.04.2026.13:00
