საქართველოს ეკონომიკისა და მდგრადი განვითარების მინისტრის მოადგილემ, გენადი არველაძემ ტელეკომპანია „მაესტროს“ ეთერში გადაცემა Business Insider Georgia-ში სტუმრობისას დეტალურად ისაუბრა იმის შესახებ თუ რა ცვლილებები შევიდა საქართველოსა და ჩინეთს შორის თავისუფალი ვაჭრობის ხელშეკრულებაში .

„თავისუფალი ვაჭრობის შეთანხმებაში ცვლილება ეს იყო ძალიან მნიშვნელოვანი და პასუხი იმ თანამედროვე სავაჭრო ტენდენციებზე, რომელიც 2018 წლის შემდგომ, მას შემდეგ რაც ძალაში შევიდა თავისუფალი ვაჭრობის შეთანხმება ჩინეთთან, მსოფლიოში გლობალურად ვითარდებოდა. შესაბამისად, ჩვენ ამ ცვლილებებით ვუპასუხეთ ზუსტად ამ გამოწვევებს. ეს ეხებოდა ოთხ ძირითად მიმართულებას: დაემატა ახალი თავი ინვესტიციების მიმართულება, რომელიც აქამდე არ მოიცავდა აღნიშნული შეთანხმება, რაც გულისხმობს, რომ დამატებით მხარეები შეეცდებიან, რომ ხელი შეუწყონ ორმხრივ ინვესტიციებს, მათ შორის გაამარტივონ პროცედურები, ხელი შეუწყონ და მაქსიმალურად გახადონ ხელმისაწვდომი ის ინფორმაცია, რომელიც ხელს უწყობს საერთაშორისო ინვესტიციების განხორციელებას. ამ კუთხით მნიშვნელოვანი იყო მიმართულება, რომელიც ელექტრონულ კომერციას ეხება. როგორც მოგეხსენებათ, ელექტრონული კომერცია არის ის თანამედროვე პლატფორმა, რომლითაც დღეს გლობალური ვაჭრობა მიმდინარეობს და ამ კუთხით ჩინეთი გახლავთ ერთ-ერთი მნიშვნელოვანი, რომელიც პროგრესირებს და შესაბამისად ანვითარებს ამ მიმართულებას და საქართველოს ასევე ელექტრონული კომერციის ძირითადი ნაწილიც ჩინეთის პლატფორმებზე მოდის. და ამ კუთხით გათვალისწინება თავისუფალი ვაჭრობის შეთანხმებაში, რომელიც გულისხმობს ინტერესთა ინტერესის დაცვას მომხმარებლების, ასევე შესაბამისი ელექტრონული კომუნიკაციების მიმართულებებით სხვადასხვა პერსონალური მონაცემების დაცვას, და ეს არის ის მნიშვნელოვანი მიმართულება, რომელიც მომავალში ხელს შეუწყობს და კიდევ უფრო მეტად განავითარებს ელექტრონულ კომერციას ორ სახელმწიფოს შორის. ასევე არის სანიტარული და ფიტოსანიტარული მიმართულება, სადაც ჩვენ კონკრეტულად გავწერეთ - აღნიშნული თავი, როგორც მოგეხსენებათ, იყო არსებულ შეთანხმებაში, თუმცა რაც გავწერეთ ეს არის კონკრეტული მექანიზმები, რომლითაც მოხდება უფრო მეტად იმ ტექნიკური ბარიერების და სავაჭრო ბარიერების უფრო სწრაფად აღმოფხვრა, ვიდრე ეს არსებული მექანიზმით იყო გათვალისწინებული. ამ მიზნით შეიქმნება შესაბამისი კომიტეტი ორმხრივი, რომელიც კონკრეტული პროდუქტების ბაზარზე დაშვების მიმართულებით იმსჯელებს და იმ ბარიერებს, რომელიც არსებობს დღეს ვაჭრობაში ორ ქვეყანას შორის, მაქსიმალურად სწრაფად და ეფექტურად აღმოფხვრიან. ეს იყო ქართული მხარის ინტერესი. ჩვენ როგორც იცით ცხოველური წარმოშობის პროდუქტებზე, მაგალითად თაფლზე, იგივე ფრინველის ხორცზე დიდი ხანია მიმდინარეობს მას შემდეგ რაც შევიდა ძალაში თავისუფალი ვაჭრობის შეთანხმება, და რადგან არ გვქონდა ეგეთი მოქნილი და ეფექტური მექანიზმი, გარკვეული ბიუროკრატიული ბარიერებიდან გამომდინარე დიდი დრო წაიღო. კი მივაღწიეთ ჩვენ პროგრესს და მინდა ხაზი გავუსვა, რომ ესეც ძალიან მნიშვნელოვანი პროგრესი არის თავისუფალი ვაჭრობის რეჟიმით უკვე შეძლებს ქართული თაფლი მოხვდეს ჩინურ ბაზარზე, ასევე ფრინველის ხორცი, რომელზეც უკვე ხელმოწერილი არის მემორანდუმი ჩვენი გარემოს დაცვისა და სოფლის მეურნეობის სამინისტროს მიერ შესაბამის საბაჟო სამსახურთან ჩინეთის, რაც აღიარებს იმ საკანონმდებლო ბაზას და იმ სისტემას მონიტორინგის, რომელიც ქვეყანაში გვაქვს დანერგილი ამ კუთხით. რაც ამ შემთხვევაში არის, იყო გარკვეული ის ვადა რაც წაიღო შესაბამისად არარსებულმა ეფექტურმა მექანიზმმა, გაწელა გარკვეულწილად ეს პროცესი. აქედან გამომდინარე ჩვენ ეხლა ამ მექანიზმით უკვე შემდგომში იმ პროდუქტების ჩამონათვალი, რომელიც ასევე საჭიროებს გარკვეულწილად აღიარებას, ანუ ბაზარზე დაშვებას, რომ შემდეგ საქართველოში ნაწარმოებმა პროდუქტმა შეაღწიოს ჩინეთის ბაზარზე და დააკმაყოფილოს ის მოთხოვნები, უფრო ეფექტურ მექანიზმის ფარგლებში ორმხრივად შევძლებთ ამას მოკლე ვადაში აღიარებას მივაღწიოთ და უფრო მეტი პროდუქტი განთავსდეს უკვე ჩინურ ბაზარზე საქართველოში წარმოებული “, - აცხადებს გენადი არველაძე.