თბილისში სასტუმროებსა და რესტორნებში არარეზიდენტების უნაღდო დანახარჯების წლიური ზრდა 24% და 38%-ს გაუტოლდა - TBC Capital
TBC Capital-ი განახლებულ პუბლიკაციას ,,ტურიზმის პულსი - მაისი 2026” აქვეყნებს.
ანგარიშის თანახმად, 2026 წლის მაისში არარეზიდენტების უნაღდო დანახარჯები პოზიტიურ ზრდის ტემპს დაუბრუნდა ყველა შერჩეულ რეგიონში. მაისის დადებითი სიგნალი ქმნის მოლოდინს, რომ ზაფხულის სეზონზე წლიური ზრდა პოზიტიურ ნიშნულზე შენარჩუნდება.
,,თბილისში მაისის მაჩვენებლები ზომიერად აღდგა, სასტუმროებსა და რესოტრნებში პოზიტიური წლიური ზრდის ტემპი დაფიქსირდა, ხოლო სასტუმროებში გაზრდილ დანახარჯებს თან ახლდა საშუალო დანახარჯის ზრდაც.
აჭარაში მაისში დაფიქსირებული აღდგენა მეტწილად სასტუმროებით იყო განპირობებული. წლიური ზრდა ორივე ხარჯვით კატეგორიაში დადებითია, თუმცა რესტორნებში აღნიშნული მაჩვენებელი შედარებით ზომიერია. ამასთანავე, ტრანზაქციის საშუალო მოცულობა ორივე კატეგორიაში შემცირდა წინა წელთან შედარებით.
კახეთში რესტორნებში უნაღდო დანახარჯები შერჩეულ რეგიონებს შორის ყველაზე მეტად გაიზარდა. მაისში სასტუმროებში დანახარჯებიც აღდგა, თუმცა ტრანზაქციის საშუალო მოცულობის შემცირება მიუთითებს, რომ ზრდა მეტწილად ტრანზაქციების რაოდენობამ განსაზღვრა.
მაისის დადებითი სიგნალი ქმნის მოლოდინს, რომ ზაფხულის სეზონზე წლიური ზრდა პოზიტიურ ნიშნულზე შენარჩუნდება”, - აღნიშნულია ანგარიშში.
TBC Capital-ის ინფორმაციით, 2026 წლის მაისში არარეზიდენტების ჯამური უნაღდო დანახარჯების წლიური ზრდა შედარებით სუსტი აპრილის შემდეგ აღდგა და 30 % -ს გაუტოლდა, ხოლო უნაღდო ტრანზაქციების რაოდენობა წლიურ ჭრილში 32%-ით გაიზარდა. ამავე თვეში თბილისში სასტუმროებსა და რესტორნებში არარეზიდენტების უნაღდო დანახარჯების წლიური ზრდა, შესაბამისად, 24% და 38 % -ს გაუტოლდა. აჭარაში არარეზიდენტების უნაღდო დანახარჯები სასტუმროებში 38 % -ით , ხოლო
რესტორნებში 13% -ით გაიზარდა. რაც შეეხება კახეთს, უნაღდო დანახარჯები სასრუმროებში წლიურად 23%-ით გაიზარდა, ხოლო რესტორნებში უნაღდო დანახარჯებში 43 % -იანი ზრდა დაფიქსირდა.
დღის ტოპ 10 სიახლე
სხვა სიახლეები
მნიშვნელოვანია განვითარდეს „ლენდლორდის" მოდელი, რათა ამით ჩვენ პარტნიორი ქვეყნები მოვიზიდოთ გრძელვადიანად - მიხეილ ნამადოვი
13.07.2026.12:00
მნიშვნელოვანია განვითარდეს ,,ლენდლორდის" მოდელი, რათა ამით ჩვენ პარტნიორი ქვეყნები მოვიზიდოთ გრძელვადიანად - ამის შესახებ Kairos Logistics-ის გენერალურმა დირექტორმა, მიხეილ ნამადოვმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.
„სხვადასხვა გამოხმაურება ჰქონდა, თუმცა დარწმუნებული ვარ, რომ ქალბატონი მარიამის ინიციატივა, წარდგენილი და ჩვენი ეკონომიკური გუნდის მოქმედება, იყო რაღაცაზე დაფუძნებული. დღეს, ვინმეს საქმე თუ უკეთებია, ხვდებით, რომ მთავარია, საბოლოო მიზანს მივაღწიოთ.
გზადაგზა გჭირდება სტრატეგიის ცვლილება, რომ შენ მიზნამდე მიხვიდე, იმიტომ, რომ ყველაფერი სიბრტყეში არ არის და ყოველთვის ყველა ბრძენი არის თავისი გადმოსახედიდან, მაგრამ პრაქტიკაში როგორ განხორციელდება...
თუმცა ჩემი პირადი აზრი არის, რომ მნიშვნელობა არ აქვს, ეს ჩინური ინვესტიცია იქნება, ამერიკული თუ ევროპული. ადგილობრივ ბიზნესს აქვს რესურსი, ჩვენს სამეზობლოს, განსაკუთრებით შუა აზიის ქვეყნებს, რომ ჩვენ ერთად განვახორციელოთ, იმიტომ, რომ ჩვენ ამას ვაკეთებთ გრძელვადიანი გეგმებით, 10-20 წლის ჭრილში. აქ დავიბადეთ, აქ გავიზარდეთ, აქ უნდა შევქმნათ ჩვენ დიდი კომპანიები და გარეთ გავიდეთ, არა პირიქით. ჩვენ შემოვიდეთ, გავიდეთ.
ამიტომ ჩემი ინტერესი პირადიც არის იმაში, რომ განვითარდეს „ლენდლორდის“ პრინციპი, რათა ამით ჩვენ პარტნიორი ქვეყნები მოვიზიდოთ აქ და მათ დააფუძნონ გრძელვადიანად.
სხვათაშორის, ცოტა ხნის წინ ვიყავი უზბეკეთში და მათი მხრიდან მაქსიმალური გამოთხოვა არის ინფორმაციის, როგორ შეიძლება მათ შექმნან გრძელვადიანი ინფრასტრუქტურა, რომ გასასვლელები ჰქონდეთ, იმიტომ, რომ მიხვდნენ, რომ მხოლოდ რუსეთზე მიბმა ან ბენდერ-აბასის, ირანზე, არის უტოპია. ისინი საკმაოდ სწრაფად იზრდებიან და მათ სჭირდებათ რამდენიმე არტერია, რომ გავიდნენ გარეთ“, - აცხადებს მიხეილ ნამადოვი.
თბილისში სასტუმროებსა და რესტორნებში არარეზიდენტების უნაღდო დანახარჯების წლიური ზრდა 24% და 38%-ს გაუტოლდა - TBC Capital
13.07.2026.11:00
ანაკლიის ღრმაწყლოვანი პორტი გახდება მრავალფუნქციური პორტი, როგორც საკონტეინერო, ასევე მშრალი და ნაყარი ტვირთებისთვის - ლაშა აბაშიძე
13.07.2026.00:13
