TOP 5 ქვეყანა, საიდანაც საქართველო მსუბუქი ავტომობილების იმპორტს ახდენს

ეკონომიკა

TOP 5 ქვეყანა, საიდანაც საქართველო მსუბუქი ავტომობილების იმპორტს ახდენს

02.07.2026.15:00

საქართველოში მსუბუქი ავტომობილების იმპორტის მკვეთრი კლების ტენდენცია ფიქსირდება. 2026 წლის იანვარ-მაისში ქვეყანაში სულ 1,251,372.0 ათასი დოლარის ღირებულების 77,054 ერთეული ავტომობილი შემოვიდა. გასული წლის ანალოგიურ პერიოდთან შედარებით, როდესაც ქვეყანამ 1,567,172.6 ათასი დოლარის ღირებულების 90,434 მანქანა შეიძინა, იმპორტირებული ავტომობილების რაოდენობა 14.80%-ით, ხოლო მათი ჯამური ღირებულება 20.15%-ით შემცირდა.

მიუხედავად საერთო კლებისა, საქართველოს ავტობაზრისთვის უმსხვილეს პარტნიორად კვლავ ამერიკის შეერთებული შტატები რჩება.

TOP 5 ქვეყანა, საიდანაც საქართველო მსუბუქი ავტომობილების იმპორტს ახდენს (რაოდენობის მიხედვით):

აშშ – 58,881 ერთეული (მთლიანი იმპორტის 76.42%);
იაპონია – 7,487 ერთეული (მთლიანი იმპორტის 9.72%);
ჩინეთი – 3,339 ერთეული (მთლიანი იმპორტის 4.33%);
გერმანია – 2,000 ერთეული (მთლიანი იმპორტის 2.60%);
კორეის რესპუბლიკა – 1,432 ერთეული (მთლიანი იმპორტის 1.86%).

საინტერესოა, რომ TOP-5 ქვეყნის ჯამური წილი მთლიან იმპორტში თითქმის 95%-ს (94.93%) შეადგენს, რაც იმაზე მიუთითებს, რომ ქართული ავტობაზარი მაღალი კონცენტრაციით გამოირჩევა და ძირითადად ამ რამდენიმე მსხვილ მოთამაშეზეა დამოკიდებული.

Fitch-მა „იშბანკ საქართველოს“ 'B+' საკრედიტო რეიტინგი მიანიჭა სტაბილური პერსპექტივით 02.07.2026.13:00