TOP 5 ქვეყანა, საიდანაც საქართველო შაქრის იმპორტს ახორციელებს
საქართველოში შაქრის იმპორტის საინტერესო ტენდენცია ფიქსირდება. მიმდინარე წლის პირველ ოთხ თვეში ქვეყანაში პროდუქტის შემოტანა მოცულობის თვალსაზრისით გაიზარდა, თუმცა შესყიდული შაქრის საერთო ღირებულება შემცირებულია.
2026 წლის იანვარ-აპრილში საქართველომ 16 353.9 ათასი დოლარის ღირებულების 30 868.7 ტონა შაქარი შეიძინა. გასული წლის ანალოგიურ პერიოდში ქვეყანაში 17 695.0 ათასი დოლარის ღირებულების 29 334.5 ტონა პროდუქტი შემოვიდა. ეს მონაცემები აჩვენებს, რომ წელს იმპორტირებული შაქრის მოცულობა 5.2%-ით არის გაზრდილი, მაშინ როდესაც მასზე დახარჯული თანხა 7.6%-ით შემცირდა, რაც გლობალურ ბაზარზე პროდუქტის გაიაფებაზე მიანიშნებს.
რაც შეეხება მომწოდებელ ქვეყნებს, მიმდინარე წლის დასაწყისში ქართულ ბაზარზე ყველაზე დიდი მოცულობით შაქარი პოლონეთიდან შემოვიდა, რამაც 11 170.8 ტონა შეადგინა.
TOP 5 ქვეყანა, საიდანაც საქართველო შაქრის იმპორტს ახორციელებს:
დღის ტოპ 10 სიახლე
სხვა სიახლეები
ლარის კურსი დოლართან და ევროსთან გამყარდა
14.07.2026.17:02
1 ევროს ოფიციალური ღირებულება 3.0026 ლარი გახდა, ხოლო 1 აშშ დოლარის 2.6350 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6350 ლარით განისაზღვრა. კურსი, რომელიც დღეს მოქმედებდა 2.6359 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0009 ლარი შეადგინა.
რაც შეეხება ევროს, მისი ღირებულება 3.0026 ლარია მაშინ, როცა დღეს მოქმედი
კურსი 3.0128 ლარს შეადგენდა. შესაბამისად, ევროს ცვლილებამ 0.0102
ლარი შეადგინა.
