თორნიკე ზირაქიშვილი Eagle Hills Georgia-ს გენერალურ მენეჯერად დაინიშნა
ეკონომიკისა და მდგრადი განვითარების სამინისტროს სააგენტო „აწარმოე საქართველოს“ დირექტორის მოადგილე თორნიკე ზირაქიშვილი Eagle Hills Georgia-ს გენერალურ მენეჯერად დაინიშნა.
აღნიშნული ინფორმაცია Business Insider Georgia-ს თავად თორნიკე ზირაქიშვილმა დაუდასტურა. აქამდე ზირაქიშვილი Eagle Hills Georgia-ში სამეთვალყურეო საბჭოს წევრის პოზიციას იკავებდა.
აღსანიშნავია, რომ კომპანია Eagle Hills საქართველოში 6.6 მილიარდი დოლარის ინვესტიციით ორი უმსხვილესი პროექტის განხორციელებას გეგმავს. საინვესტიციო პროექტები თბილისსა და გონიოში განხორციელდება. თბილისის ცენტრში Eagle Hills-მა გაყიდვების ოფისი გასულ წელს გახსნა.
Eagle Hills Properties-ის დამფუძნებელი და თავმჯდომარე მოჰამედ ალაბარი ახლო აღმოსავლეთის ერთ-ერთი ყველაზე გავლენიანი ანტრეპრენერია, უძრავი ქონების სფეროში 30-წლიანი გამოცდილებით. ალაბარი აგრეთვე Emaar Properties-ის დამფუძნებელია - კომპანია, რომელმაც მსოფლიოს ყველაზე მაღალი ცათამბჯენი, ბურჯ ხალიფა, და ერთ-ერთი ყველაზე გრანდიოზული სავაჭრო ცენტრი, დუბაი მოლი, ააშენა. სწორედ ამ პროექტებმა დუბაის თანამედროვე ურბანული ცხოვრების სტილი საერთაშორისო მასშტაბით ხელახლა განსაზღვრა.
ადამიანზე ორიენტირებული და გამორჩეული კომპლექსები, რომლებიც არა მხოლოდ ორგანულად ერწყმის ქალაქის ურბანულ ქსოვილს, არამედ აძლიერებს ადგილობრივ ეკონომიკას — ეს არის მოჰამედ ალაბარის ხედვა და მიდგომა თითოეული პროექტის მიმართ.
Eagle Hills Properties-ის პროექტები უკვე 12-ზე მეტ ქვეყანაშია წარმოდგენილი, მათ შორის სერბეთში, ლატვიაში და ახლა უკვე საქართველოშიც. თითოეული კომპლექსი ხასიათდება მდგრადი განვითარებითა და თანამედროვე, ელეგანტური და დახვეწილი დიზაინით.
სხვა სიახლეები
ერთი დოლარის ოფიციალური ღირებულება 2.5933 ლარია
19.11.2026.17:03
1 ევროს ოფიციალური ღირებულება 2.8547 ლარი გახდა, ხოლო 1 აშშ დოლარის 2.5933 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.5933 ლარით განისაზღვრა. კურსი, რომელიც დღეს მოქმედებდა 2.5927 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი ღირებულება 2.8547 ლარია მაშინ, როცა დღეს მოქმედი კურსი 2.8447 ლარს შეადგენდა. შესაბამისად, ევროს ცვლილებამ 0.01 ლარი შეადგინა.