წელს ექსპორტზე ქვეყანამ 267 ტონამდე ლოკოკინა გაიტანა - ღირებულება 1,7 მლნ დოლარია
გლობალურ ბაზარზე ლოკოკინაზე მოთხოვნა მზარდია. ტრენდს საქართველომაც აუწყო ფეხი და ქვეყანაში ლოკოკინების მოშენება დაიწყო. იმავდროულად ლოკოკინების მოპოვება ველური ბუნებიდანაც ხდება და შესაბამისი გადამუშავების შემდეგ ექსპორტზე იგზავნება.
საქსტატის მონაცემების მიხედვით, 2024 წლის იანვარ-ნოემბერში საქართველომ ექსპორტზე 1,708.02 ათასი დოლარის ღირებულების 268.91 ტონა ლოკოკინა გაგზავნა. 2023 წლის 11 თვეში კი საქართველომ მსოფლიო ბაზარს 137.16 ტონა ლოკოკინა მიაწოდა. შესაბამისად წლიურ ჭრილში ზრდა 96%-ია.
ქართული ლოკოკინა მოთხოვნადია როგორც ევროპულ ბაზარზე, ასევე მეზობელ თურქეთშიც.
2024 წლის იანვარ-ნოემბერში საქართველომ ლოკოკინას ექსპორტი 4 ბაზარზე მოახდინა, საიდანაც ერთპიროვნული ლიდერი საფრანგეთია. საგულისხმოა ისიც, რომ ნამიბია და თურქეთი ქართული ლოკოკინასთვის ახალი საექსპორტო ბაზრებია, რომელზედაც 2024 წელს მოხვდა.
ქვეყნები, სადაც საქართველო ლოკოკინას ყიდის:
სხვა სიახლეები
ჩვენ ენერგეტიკის სექტორშიც განსაკუთრებულ როლს ვთამაშობთ, როდესაც საქართველო სტრატეგიული ინფრასტრუქტურით - იქნება ეს მილსადენები, გაზისა თუ ნავთობის, ისევე როგორც ელექტროგადამცემი ქსელები, ევროპას აზიასთან აკავშირებს | მარიამ ქვრივიშვილი
21.11.2026.12:34
„ჩვენ სულ რამდენიმე დღის წინ ხელი მოვაწერეთ რეგიონულ ახალ შეთანხმებას, რომელიც გულისხმობს საქართველოს, ბულგარეთის, აზერბაიჯანისა და თურქეთის თანამშრომლობას სახმელეთო ელექტროგადამცემი ქსელების შემდგომი განვითარების თვალსაზრისით, იმისთვის, რომ აზერბაიჯანში და საქართველოში გენერირებული ელექტროენერგიის შემდგომი ექსპორტი მოხდეს თურქეთში და ევროკავშირის ქვეყნებში", - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა მარიამ ქვრივიშვილმა ვარშავაში განაცხადა, სადაც „პარტნიორობა ტრანსატლანტიკური ენერგეტიკული თანამშრომლობისთვის" (P-TEC) რიგით მეშვიდე მინისტრიალში მიიღო მონაწილეობა.
მარიამ ქვრივიშვილის განცხადებით, საქართველო რეგიონულ ენერგეტიკულ პროექტებში აქტიურად მონაწილეობს.
„საქართველო განაგრძობს, იყოს ერთ-ერთი თანაპარტნიორი და თანამონაწილე და შემქმნელი მნიშვნელოვანი რეგიონული პროექტისა - მწვანე ენერგეტიკული პროექტი და კაბელი, რომელიც, თავის მხრივ, აერთიანებს აზერბაიჯანს, საქართველოს, უნგრეთსა და რუმინეთს. ჩვენ გვექნება შესაძლებლობა, ქართული ელექტროენერგიის ექსპორტი აღნიშნული პროექტითაც განვახორციელოთ ევროკავშირის ბაზარზე", - განაცხადა ეკონომიკის მინისტრმა.
ამასთან, როგორც მარიამ ქვრივიშვილმა აღნიშნა, მინისტერიალის ფარგლებში განსაკუთრებული აქცენტი გაკეთდა საქართველოს სტრატეგიულ როლზე და მდებარეობაზე, მათ შორის ენერგეტიკული დაკავშირებადობის თვალსაზრისით.
„ჩვენი ქვეყანა ისტორიულად უზრუნველყოფს, დააკავშიროს ევროპა და აზია. ამ კონტექსტში, ჩვენ ენერგეტიკის სექტორშიც განსაკუთრებულ როლს ვთამაშობთ, როდესაც საქართველო სტრატეგიული ინფრასტრუქტურით - იქნება ეს მილსადენები, გაზისა თუ ნავთობის, ისევე როგორც ელექტროგადამცემი ქსელები, ევროპას აზიასთან აკავშირებს", - განაცხადა ვიცე-პრემიერმა.