უზრუნველვყოფთ იმას, რომ ქვეყანაში დაინერგოს ავტოსატრანსპორტო საშუალებების უსაფრთხოების სტანდარტი, რაც თავის მხრივ მოიცავს სხვადასხვა მიმართულებით სტანდარტების დანერგვას - თამარ იოსელიანი
„ეტაპობრივად შევისწავლით და დავნერგავთ საგზაო უსაფრთხოების საერთაშორისო სტანდარტებს, ასევე უზრუნველვყოფთ იმას, რომ ქვეყანაში დაინერგოს ავტოსატრანსპორტო საშუალებების უსაფრთხოების სტანდარტი", - აცხადებს ეკონომიკისა და მდგრადი განვითარების მინისტრის მოადგილე, თამარ იოსელიანი.
საქართველოს მთავრობამ 2026-2030 წლების საგზაო უსაფრთხოების ეროვნული სტრატეგია და მისი სამოქმედო გეგმა რამდენიმე დღის წინ უკვე დაამტკიცა, რომელიც 2030 წლისთვის საგზაო შემთხვევების შედეგად დაშავებულთა და დაღუპულთა რაოდენობის 25%-ით შემცირებას ითვალისწინებს.
„ჩვენი მიზანი იყო, რომ დოკუმენტი საერთაშორისო სტანდარტების შესაბამისი შეგვემუშავებინა. სწორედ ამიტომ აღნიშნული დოკუმენტი გაეროს რეკომენდაციებს დაეფუძნა. ჩვენ ეტაპობრივად შევისწავლით და დავნერგავთ საგზაო უსაფრთხოების საერთაშორისო სტანდარტებს. ასევე უზრუნველვყოფთ იმას, რომ ქვეყანაში დაინერგოს ავტოსატრანსპორტო საშუალებების უსაფრთხოების სტანდარტი, რაც თავის მხრივ მოიცავს სხვადასხვა მიმართულებით სტანდარტების დანერგვას, მათ შორის უსაფრთხოების ბალიშის, ღვედების და სხვა მნიშვნელოვანი სისტემების მიმართულებით, რაც უზრუნველყოფს ზოგადად საგზაო უსაფრთხოების წესრიგის განვითარებას ქვეყანაში და ასევე უზრუნველყოფს იმას, რომ შემცირდეს საგზაო შემთხვევით გამოწვეული რისკი", - აღნიშნა თამარ იოსელიანმა.
სხვა სიახლეები
ლარის კურსი დოლართან და ევროსთან გამყარდა
04.09.2026.17:01
1 ევროს ოფიციალური ღირებულება 3.0364 ლარი გახდა, ხოლო 1 აშშ დოლარის 2.6126 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის 2.6126 ლარით განისაზღვრა. კურსი, რომელიც დღეს მოქმედებდა 2.6180 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0054 ლარი შეადგინა.
რაც შეეხება ევროს, მისი ღირებულება 3.0364 ლარია მაშინ, როცა დღეს მოქმედი კურსი 3.0366 ლარს შეადგენდა. შესაბამისად, ევროს ცვლილებამ 0.0002 ლარი შეადგინა.
ძლიერი შემოდინებების პარალელურად, მოსალოდნელია, რომ სებ-ის მხრიდან უცხოური ვალუტის შესყიდვები გაგრძელდება - TBC Capital
04.09.2026.09:20
ამ ეტაპზე, ლარის გაცვლითი კურსის პროგნოზი უცვლელია: წლის ბოლოს ერთი დოლარი 2.60-2.65 ლარის ფარგლებშია მოსალოდნელი - TBC Capital
04.09.2026.09:10
