ვისაც ხელახალი რეგისტრაცია არ ექნება გავლილი, შევუზღუდავთ წვდომას ჩვენს სერვისებზე ორივე მიმართულებით - შემოსავლების სამსახურის წარმომადგენელი
შემოსავლების სამსახურში აცხადებენ, რომ ახალი სერვისები და ინსტრუმენტები მეწარმე ფიზიკურ პირებს საგადასახადო პროცედურების მარტივად შესრულებაში დაეხმარება. უწყების მეთოდოლოგიის დეპარტამენტის უფროსის, ლევან დგებუაძის განცხადებით, ახალდარეგისტრირებულ გადასახადის გადამხდელებს სპეციალური მოდულის საშუალებით ავტომატურად ეცნობებათ თავიანთი ვალდებულებები და უფლებები, ხოლო საგადასახადო ოპერატორები მათ საჭიროების შემთხვევაში დეტალურად ართმევენ პროცესებს. უწყება ასევე გეგმავს ბიზნეს-პროცესებისა და სერვისების ოპტიმიზაციას და ავტომატიზაციას, რათა დეკლარაციების წარდგენა, გადასახადების გადახდა და საბაჟო ოპერაციები უფრო მარტივი გახდეს, ხოლო საგადასახადო სანქციების რისკი მინიმუმამდე შემცირდეს.
„რა თქმა უნდა 2026 წელსაც ბევრი სიახლეებით შევხვდით, მათ შორის ახლად დარეგისტრირებულ მეწარმე ფიზიკურ პირებთან მიმართებაში ჩვენ შევქმენით სპეციალური მოდული გადასახადის გადამხდელებისათვის, რომლებიც დარეგისტრირებისთანავე იღებენ ჩვენგან შეტყობინებას, ინფორმაციას მათ ვალდებულებებზე და უფლებებზე საგადასახადო ანგარიშგების თვალსაზრისით. ასევე იღებენ შეთავაზებას, რომ თუ მოითხოვენ მათ დაუკავშირდებათ ოპერატორი, საგადასახადო ოპერატორი, რომელიც დეტალურად აუხსნის მათ მოახლოებულ ვალდებულებებთან დაკავშირებით. ასევე ჩვენ ვგეგმავთ განვახორციელოთ ჩვენი ბიზნეს პროცესების ოპტიმიზაცია, სერვისების ოპტიმიზაცია და ავტომატიზაციის მიმართულებით აქტიურად ვიქნებით ჩართულები ამ მიმართულებით, რათა უფრო მეტად გავუმარტივოთ ბიზნეს ჩვენთან ურთიერთობა საგადასახადო სერვისებით თუ საბაჟო სერვისებით სარგებლობა. რაც შეეხება სავადო თარიღებს - სავადო თარიღები ეს არის როგორც მოგეხსენებათ წლიური სავადო თარიღი - ახლებისათვის ეს არის მითითება-სწავლება, ხოლო ძველებისათვის შეხსენება. ჩვენ ტრადიციულად ვეწევით ფართო კამპანიას რათა გადასახადის გადამხდელებს დროულად მიეწოდოთ ინფორმაცია მოახლოებულ სავადოებთან დაკავშირებით როგორც პირად პორტალზე, ასევე SMS შეტყობინებების გზით.
ჩვენი მიზანი არ არის ვინმეს დაჯარიმება, ჩვენ გვინდა რომ დროულად წარმოგვიდგინონ დეკლარაციები, სწორად შეავსონ მონაცემები, რათა შემდგომში აიცილონ საგადასახადო სანქციები, რომლებიც შესაძლებელია მოჰყვეს დეკლარაციის ან დაგვიანებით წარდგენას ან გადასახადის დაგვიანებით გადახდას.
ჩვენ ყოველთვის ვართ ორიენტირებულები იმაზე რომ პრევენცია მოვახდინოთ ამ მიმართულებით და წლიდან წლამდე გვაქვს მზარდი სტატისტიკა, რაც მიუთითებს იმაზე რომ ამ ღონისძიებას, ამ კამპანიას აქვს ეფექტი ნამდვილად“, - აღნიშნა ლევან დგებუაძემ.
დღის ტოპ 10 სიახლე
სხვა სიახლეები
როგორია წამყვანი ჰეჯ-ფონდების მიმოხილვის ძირითადი მიგნებები
10.06.2026.08:30
Galt & Taggart-ი განახლებულ პუბლიკაციას ,,წამყვანი ჰეჯ-ფონდების მიმოხილვა 1Q 2026” აქვეყნებს. ანგარიში აჯამებს ხუთი შერჩეული ჰეჯ-ფონდის Berkshire Hathaway, Appaloosa Management, Yacktman Asset Management, Pershing Square Capital Management და Millennium Management კვარტალურ საინვესტიციო აქტივობას.
Galt & Taggart-ი ს მიხედვით, აღნიშნული ფონდები შეირჩა ბოლო წლების მათი შედეგებისა და საინვესტიციო მიდგომების გათვალისწინებით. შერჩეული ჰეჯ-ფონდები ძირითადად ტრადიციულ საინვესტიციო მიდგომას მისდევენ: მათი პორტფელები შედარებით კონცენტრირებულია და უმეტესად „buy-and-hold” სტრატეგიას ეფუძნება. იმის გამო, რომ ეს ფონდები იშვიათად ახორციელებენ სავაჭრო ოპერაციებს, მათი პორტფელების შესახებ ინფორმაცია, მიუხედავად გარკვეული დაგვიანებით გამოქვეყნებისა, ინვესტორებისთვის კვლავაც ღირებული და სასარგებლოა.
ანგარიშის თანახმად, 2026 წლის პირველ კვარტალში (1Q26) ხუთი შერჩეული ჰეჯ-ფონდიდან ორმა უკეთესი შედეგი აჩვენა, ვიდრე S&P 500-ის ინდექსმა. აღნიშნულ პერიოდში S&P 500 4.6%-ით შემცირდა, მაშინ როდესაც შერჩეული ფონდების საშუალო დანაკარგი 4.0% იყო.
S&P 500-თან შედარებით, ფონდების პორტფელებში კვლავ უფრო მაღალი წილი უჭირავს ფინანსურ, სამომხმარებლო დისკრეციულ, უძრავი ქონების, ენერგეტიკისა და პირველადი მოხმარების საქონლის სექტორებს. ამავდროულად, ისინი შედარებით ნაკლებად არიან წარმოდგენილი ტექნოლოგიების, ინდუსტრიული წარმოებისა და ჯანდაცვის სექტორებში.
