მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7194.7
0.0097
flag
AZN 1.5258
-0.0001
flag
CNY 38.869
-0.0022
flag
EUR 2.8649
-0.0144
flag
GBP 3.4287
-0.0144
flag
KZT 58.3
-0.0019
flag
TRY 0.0515
-0.0001
flag
USD 2.5934
-0.0001
news banner

ვმუშაობთ, რომ სებ-ის ახალ ციფრულ პლატფორმას სესხების შესახებ ინფორმაციაც დაემატოს - დავით უტიაშვილი

news image
mbc image

ეროვნული ბანკის ფინანსური სტაბილურობის დეპარტამენტის უფროსის, დავით უტიაშვილის შეფასებით, სამომავლოდ სებ-ის ახალ ციფრულ პლატფორმაზე საკომისიოებსა და დეპოზიტებთან ერთად ინფორმაცია სესხების შესახებაც განთავსდება.

როგორც დავით უტიაშვილი გადაცმა "ბიზნესი რუსთავი 2-ზე" განმარტავს, სესხები უფრო კომპლექსური პროდუქტია, რადგან მათთან დაკავშირებულია სხვადასხვა ტიპის საკომისიო, ვადიანობა და სხვა პირობები. სწორედ ამიტომ, ამ ეტაპზე უცნობია, თუ როდის დაემატება პლატფორმას სესხების შესახებ ინფორმაცია.

"ვებსაიტზე განთავსებულია ინფორმაცია - საკომისიოებზე, გადახდის ტარიფებზე, ვალუტის კურსზე, ანაბრებზე. ასევე ჩვენი მომხმარებლისთვის ძალიან მნიშვნელოვანი პროდუქტია სესხი, დაახლოებით 2 მლნ მსესხებელი რეგულარულად სარგებლობს ამ მომსახურებით. შესაბამისად მათთვის სესხის საპროცენტო განაკვეთი ფინანსურად დიდი ტვირთია - ყველას აინტერესებს. ამ ყველაფერზე ვმუშაობთ, მაგრამ სესხები უფრო კომპლექსური პროდუქტია - რამდენიმე ტიპის საკომისიოა, სხვადასხვა ვადიანობა, ამიტომ დრო დაგვჭირდება. თუმცა მომავალში როგორიცაა საერთაშორისო პრაქტიკა ვებგვერდზე საკომისიოებსა და დეპოზიტებთან ერთად, სესხებზეც გვექნება ინფორმაცია განთავსებული. ახლა წინასწარი თარიღის დასახელება რთულია, თუმცა გვინდა სწორად და ჯანსაღად გავაკეთოთ", - აცხადებს დავით უტიაშვილი.

ცნობისთვის, ეროვნულმა ბანკმა საგადახდო მომსახურების ტარიფებისა და დეპოზიტების საპროცენტო განაკვეთების შედარების პლატფორმა 16 ივლისს აამოქმედა.

banner image news banner
ანი ლიპარტელიანი ავტორი
LIVE
news banner

დღის ტოპ 10 სიახლე











სხვა სიახლეები

ეკონომიკა
image ინფლაციის ზრდის მთავარი მიზეზი ნავთობპროდუქტების გაძვირებაა და არა ფულის მასის ზრდა - დავით უტიაშვილი

16.11.2026.14:27

"ფულის მასის ზრდა ეკონომიკური აქტივობის გაფართოების ბუნებრივი პროცესია და არა ეროვნული ბანკის მხრიდან ფულის ხელოვნური ემისიის შედეგი" - ამის შესახებ ეროვნული ბანკის ფინანსური სტაბილურობის დეპარტამენტის უფროსმა დავით უტიაშვილმა "ბიზნესპარტნიორის" ეთერში განაცხადა.

მისი განმარტებით, ეკონომიკის ზრდასთან ერთად იზრდება ფულზე მოთხოვნაც. ამასთან, ფულის მასის სტატისტიკური მაჩვენებლის ზრდის ერთ-ერთი მნიშვნელოვანი ფაქტორი ლარის მიმართ მოსახლეობის ნდობის გაძლიერება და დანაზოგების ეროვნულ ვალუტაში გადატანაა.

„ბოლო წლებში ლარში განთავსებული დეპოზიტების წილი დაახლოებით 8 პროცენტული პუნქტით გაუმჯობესდა. ეს მილიარდობით ლარს ნიშნავს და მიუთითებს, რომ სულ უფრო მეტი მომხმარებელი ენდობა ლარს და დანაზოგების შესანახად ეროვნულ ვალუტას ირჩევს", - განაცხადა დავით უტიაშვილმა.

მისივე განმარტებით, საქართველოში უცხოურ ვალუტაში განთავსებული დეპოზიტების მოცულობა დაახლოებით 12 მილიარდ დოლარს შეადგენს. მათი ლარში კონვერტაცია ლარის ფულის მასას მნიშვნელოვნად გაზრდიდა, თუმცა ეს არა ფულის ხელოვნური ემისიის, არამედ დოლარიზაციის შემცირებისა და ეროვნული ვალუტისადმი ნდობის ზრდის შედეგი იქნებოდა.

რაც შეეხება ინფლაციას, დავით უტიაშვილის განცხადებით, საქართველოში მიმდინარე ინფლაციური პროცესების მნიშვნელოვანი ნაწილი ნავთობპროდუქტების გაძვირებას უკავშირდება. მან ხაზი გაუსვა, რომ ახლო წარსულში განვითარებულმა სამხედრო კონფლიქტმა ნავთობის ფასების ზრდა გამოიწვია, რასაც მოჰყვა სატრანსპორტო, მიწოდებისა და სხვადასხვა მომსახურების გაძვირებაც. სწორედ აღნიშნული ფაქტორები აისახა ინფლაციის მაჩვენებელზე და განაპირობა მისი გადახრა მიზნობრივი დონიდან.

„საქართველოს ბაზარზე მიმდინარე ინფლაციის მაჩვენებლის დაახლოებით 2 პროცენტული პუნქტი ნავთობპროდუქტების გაძვირებით არის განპირობებული", - აღნიშნა მან.

უტიაშვილმა ყურადღება გაამახვილა, რომ ფულის ემისია, როგორც წესი, ეროვნული ვალუტის გაცვლით კურსზეც აისახება, თუმცა ამჟამინდელი დინამიკა საპირისპიროს აჩვენებს, ლარის კურსი მყარდება.

სებ-ის ფინანსური სტაბილურობის დეპარტამენტის უფროსის შეფასებით, ფულის მასის მაჩვენებლის ცალკე განხილვის ნაცვლად, მნიშვნელოვანია იმ ფუნდამენტური ეკონომიკური პროცესების შეფასება, რომლებიც ამ ზრდის უკან დგას.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა