ინვესტორებისთვის მიმზიდველია თუ როგორ ვუსმენთ და რამდენად კარგად გვესმის მომხმარებლის - არჩილ გაჩეჩილაძე
Lion Finance Group-ის აღმასრულებელი დირექტორი, არჩილ გაჩეჩილაძე Business Insider Georgia-სთან ინტერვიუში განმარტავს, რომ Lion Finance Group-ის მიმართ გლობალური ინვესტორების ინტერესს კომპანიის ტექნოლოგიური განვითარება და მომხმარებელზე ორიენტირებული მიდგომა განაპირობებს.
მისი თქმით, სწორედ ამ უნარების კომბინაცია და მათი ახალ ბაზრებზე გადატანის პოტენციალი ქმნის იმ კონკურენტულ უპირატესობას, რაც კომპანიას საერთაშორისო აღიარებას უზრუნველყოფს.
„ჩემი აზრით, ასე ვთქვათ, ის მიმზიდველი შიგთავსი, რომელიც არის საინტერესო ინვესტორებისთვის, ეს არის ძირითადად ჩვენი ყოჩაღობა ტექნოლოგიებთან მიმართებაში, ჩვენი მახასიათებელი, თუ როგორ ვუსმენთ და რამდენად კარგად გვესმის მომხმარებლის. და აი ეს პროცესები ერთად აწყობილი ასეთი მარტივი დასაკოპირებელი არ არის. და მეორეს მხრივ, ეს არის მოლოდინი, რომ ხვალ და ზეგ ჩვენ შეგვიძლია, რომ ეს ცოდნები გადავიტანოთ ახალ ბაზრებზე და შესაბამისად გაფართოების შემთხვევაში ინვესტორებმა რაღაცა ხეირი ნახონ ამაში“, - განაცხადა არჩილ გაჩეჩილაძემ.
დღის ტოპ 10 სიახლე
სხვა სიახლეები
როგორ იცვლებოდა ქართული კომპანიების აქციების ფასი ლონდონის ბირჟაზე
11.05.2026.15:57
Galt & Taggart ბაზრის ყოველკვირეულ მიმოხილვას აქვეყნებს.
Lion Finance Group-ის (BGEO LN) აქციები დაიხურა 110.30 ბრიტანულ ფუნტ სტერლინგში (GBP), +1.66% წინა კვირასთან შედარებით და +2.22% გასულ თვესთან შედარებით. ვაჭრობის მოცულობამ 353 ათას აქციაზე მეტი შეადგინა, GBP 105.70 - 117.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 62 ათასი აქცია შეადგინა.
თიბისი ბანკის ჯგუფის (TBCG LN) აქციები დაიხურა 46.62 ბრიტანულ ფუნტ სტერლინგში (GBP), -2.18% წინა კვირასთან შედარებით და -0.43% გასულ თვესთან შედარებით.
ვაჭრობის მოცულობამ 303 ათას აქციაზე მეტი შეადგინა, GBP 45.06 - 48.74 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 47 ათასი აქცია შეადგინა.
Georgia Capital-ის (CGEO LN) აქციები დაიხურა 38.75 ბრიტანულ ფუნტ სტერლინგში (GBP), უცვლელი წინა კვირასთან შედარებით და -3.37% გასულ თვესთან შედარებით. ვაჭრობის მოცულობამ 253 ათას აქციაზე მეტი შეადგინა, GBP 37.95 - 39.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 63 ათასი აქცია შეადგინა.
2026 წელი [საბანკო სექტორისთვის] ალბათ ფრთხილი ზრდის წელი იქნება - ალექსანდრე ძნელაძე
05.05.2026.16:05
საბანკო სექტორში ზრდის ტემპისა და მომგებიანობის კარგი მაჩვენებლები ფიქსირდება - ალექსანდრე ძნელაძე
05.05.2026.15:55
