მონეტარული პოლიტიკის განაკვეთს უცვლელად დატოვება ჩვენი მოლოდინების შესაბამისი იყო - ოთარ ნადარაია
სებ-ის მიერ მონეტარული პოლიტიკის განაკვეთს უცვლელად დატოვება ჩვენი მოლოდინების შესაბამისი იყო, - აცხადებს თიბისი კაპიტალის მთავარი ეკონომისტი.
ოთარ ნადარაია ფიქრობს, თუ ეს გაურკვევლობა გაიზარდა, მაშინ საქართველოს რეალობაში ეს განაკვეთის გაზრდის არგუმენტი გახდება, თუმცა თუ პირიქით მოხდა მაშინ შემცირების არგუმენტი.
„როგორც თავად სებ-ის მიერ გავრცელებულ პრესრელიზშია აღნიშნული გასათვალისწინებელია ის რისკები და გაურკვევლობა, რომელიც როგორც საგარეო ბაზრებზე, ასევე ქვეყნის შიგნით არსებობს. შეფასების კუთხითაც, თუ ეს გაურკვევლობა გაიზარდა, მაშინ საქართველოს რეალობაში ეს განაკვეთის გაზრდის არგუმენტია, ისევე როგორც საპირისპირო მიმართულებით. რაც შეეხება ინფლაციას, მართალია დაბალია, მაგრამ პროგნოზით, ის გაიზრდება. არა იმ მასშტაბით, როგორც სამწუხაროდ 2022 წელს გვქონდა, მაგრამ ყოველ შემთხვევაში სამიზნე მაჩვენებელს დაუბრუნდება და გადააჭარბებს კიდევაც. ასევე გასათვალისწინებელია საერთაშორისო მასშტაბით, სად არის იგივე ფედერალური რეზერვის, ანუ აშშ-ს ცენტრალური ბანკის განაკვეთი.
საქართველოსთვის მონეტარული პოლიტიკის ნეიტრალური განაკვეთი სებ-ის შეფასებით 7%-ია და ეტაპობრივად ნეიტრალურ განაკვეთთან დაახლოებაზეა საუბარი, თუმცა ამ მოყვანილ არგუმენტებთან ერთად, ჩემი აზრით ისიც მნიშვნელოვანია, რომ თუ აშშ-ში არ იქნა ნეიტრალური განაკვეთი, ანუ უფრო დაბალი განაკვეთი ვიდრე დღეს არის, ჩვენთანაც ნეიტრალურ განაკვეთზე დასვლა უფრო რთული იქნება“, - განმარტავს ოთარ ნადარაია.
დღის ტოპ 10 სიახლე
სხვა სიახლეები
როგორ იცვლებოდა ქართული კომპანიების აქციების ფასი ლონდონის ბირჟაზე
11.05.2026.15:57
Galt & Taggart ბაზრის ყოველკვირეულ მიმოხილვას აქვეყნებს.
Lion Finance Group-ის (BGEO LN) აქციები დაიხურა 110.30 ბრიტანულ ფუნტ სტერლინგში (GBP), +1.66% წინა კვირასთან შედარებით და +2.22% გასულ თვესთან შედარებით. ვაჭრობის მოცულობამ 353 ათას აქციაზე მეტი შეადგინა, GBP 105.70 - 117.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 62 ათასი აქცია შეადგინა.
თიბისი ბანკის ჯგუფის (TBCG LN) აქციები დაიხურა 46.62 ბრიტანულ ფუნტ სტერლინგში (GBP), -2.18% წინა კვირასთან შედარებით და -0.43% გასულ თვესთან შედარებით.
ვაჭრობის მოცულობამ 303 ათას აქციაზე მეტი შეადგინა, GBP 45.06 - 48.74 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 47 ათასი აქცია შეადგინა.
Georgia Capital-ის (CGEO LN) აქციები დაიხურა 38.75 ბრიტანულ ფუნტ სტერლინგში (GBP), უცვლელი წინა კვირასთან შედარებით და -3.37% გასულ თვესთან შედარებით. ვაჭრობის მოცულობამ 253 ათას აქციაზე მეტი შეადგინა, GBP 37.95 - 39.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 63 ათასი აქცია შეადგინა.
2026 წელი [საბანკო სექტორისთვის] ალბათ ფრთხილი ზრდის წელი იქნება - ალექსანდრე ძნელაძე
05.05.2026.16:05
საბანკო სექტორში ზრდის ტემპისა და მომგებიანობის კარგი მაჩვენებლები ფიქსირდება - ალექსანდრე ძნელაძე
05.05.2026.15:55
