კომერციულ ბანკებში მომხმარებელთა მხრიდან დაფიქსირებული პრეტენზიები თვიურ ჭრილში 1%-იან ზრდას, ხოლო წლიურ ჭრილში 58%-იან ზრდას აჩვენებს.

ივნისში კომერციულ ბანკებში დაფიქსირებული პრეტენზიების რაოდენობამ  2 529 ერთეული პრეტენზია შეადგინა. სებ-ის ინფორმაციით, მაისში კომერციულ ბანკებში მომხმარებელთა მხრიდან       2 511 პრეტენზია დაფიქსირდა, ხოლო 2023 წლის ივნისში 1 604 პრეტენზია.

ივნისში დაფიქსირებული პრეტენზიებიდან ყველაზე მეტი, საუბარია 60%-ზე მიმდინარე ანგარიშთან/სადებეტო ბარათთან დაკავშირებული პრეტენზიები იყო.მხოლოდ ივნისში სამომხმარებლო სესხთან დაკავშირებით კომერციულ ბანკები 342 პრეტენზია დაფიქსირდა.

რაც შეეხება პრეტენზიის ხასიათის მიხედვით სტატისტიკას, ის ასე გამოიყურება:

ტრანზაქციები - 1358 პრეტენზია,

ადმინისტრაცია/მომსახურება - 481 პრეტენზია,

ხელშეკრულების პირობებთან დაკავშირებული პრეტენზიები - 295 პრეტენზია,

ჯარიმები და ვადაგადაცილების საკომისიოები - 128 პრეტენზია,

მომსახურების საკომისიოები - 65 პრეტენზია,

თანამშრომლის მიერ არასწორად მიწოდებული ინფორმაცია - 48 პრეტენზია,

საპროცენტო შენატანები - 22 პრეტენზია,

მომხმარებლის შესახებ კონფიდენციალური ინფორმაციის გაცემა - 19 პრეტენზია,

ეთიკასთან დაკავშირებული - 17 პრეტენზია,

რეკლამა, გაყიდვები, რჩევები - 7 პრეტენზია,

სხვა გადასახდელები - 4 პრეტენზია,

კრედიტის წინსწრებით დაფარვის საკომისიო - 2 პრეტენზია,

პრეტენზიები დაკავშირებული საკრედიტო ხელშეკრულების მხარის მიერ მესამე პირებთან დაკავშირებით - 0 პრეტენზია,

სხვა  - 83 პრეტენზია.

პრეტენზიის დამუშავების სტადიის მიხედვით:

განხილვა დასრულებულია, კომერციულმა ბანკებმა პრეტენზია უსაფუძვლოდ მიიჩნიეს -1 276

კომერციული ბანკების მიერ პრეტენზიის განხილვა არ დასრულებულა - 835

განხილვა დასრულებულია, კომერციულმა ბანკებმა პრეტენზია საფუძვლიანად მიიჩნიეს - 409

განხილვა დასრულებულია, პრეტენზია მიჩნეულია საფუძვლიანად, თუმცა პრობლემა არ არის აღმოფხვრილი - 9.