საქართველოს საგადახდო სადებეტო ბარათების ბაზარზე Mastercard-ი ლიდერია
სებ-ის მონაცემების მიხედვით, მიმოქცევაში არსებული საგადახდო სადებეტო ბარათების რაოდენობა (ერთეული) ერთი წლის განმავლობაში 12,6%-ით გაიზარდა, ხოლო წინა თვის მონაცემებთან შედარებით 0,1%-ით შემცირდა
2026 წლის იანვრის ბოლოსთვის ბაზარზე აქტიური 10,766,771 ერთეული სადებეტო ბარათი იყო, მაშინ როდესაც ერთი წლით ადრე მათ რაოდენობა 9,564,115 ბარათს შეადგენდა.
საქართველოში სადებეტო ბარათების მხრივ კვლავ Mastercard-ი ლიდერობს. 2026 წლის იანვრის ბოლოსთვის არსებული საგადახდო სადებეტო ბარათებიდან 5,728,628 ერთეული სწორედ Mastercard-ზე მოდის.
Mastercard-ის ბარათების მიმდინარე მონაცემები კი 2025 წლის დეკემბრის მაჩვენებლებთან შედარებით 0,4%-იან კლებას, ხოლო 2025 წლის იანვართან შედარებით 10,8%-იან ზრდას აჩვენებს.
იანვრის ბოლოს არსებული სტატისტიკის მიხედვით, აქტიური სადებეტო ბარათებიდან 53,2%-ს Mastercard-ი ფლობს, 29,4%-ს VISA, AMEX კი 14,3%-ის მფლობელია. დანარჩენი სადებეტო ბარათები კი სხვა სისტემებზე ნაწილდება.
2026 წლის იანვრის ბოლოსთვის მიმოქცევაში VISA-ს აქტიური 3,166,899 ბარათი იყო. ზრდა წინა თვესთან შედარებით 0,6%-ია, ხოლო 2025 წლის იანვართან შედარებით 19,7%-ითაა გაზრდილი.
რაც შეეხება AMEX-ს, იანვარში მისი სადებეტო ბარათების რაოდენობა 1,537,158 ერთეული იყო, რაც თვიურ ჭრილში 0,6%-იან კლებას, ხოლო წლიურ ჭრილში 15,7%-იან ზრდას აჩვენებს.
დღის ტოპ 10 სიახლე
სხვა სიახლეები
ფინანსთა მინისტრი ლაშა ხუციშვილი ლონდონის საფონდო ბირჟის ჯგუფის (London Stock Exchange Group) ევროპის განყოფილების პირველადი ბაზრების ხელმძღვანელს შეხვდა
08.07.2026.17:23
ფინანსთა მინისტრი ლაშა ხუციშვილი „ლონდონის საფონდო ბირჟის ჯგუფის" (London Stock Exchange Group) ევროპის განყოფილების პირველადი ბაზრების ხელმძღვანელს, აიუნა ნეჩაევას და დიდი ბრიტანეთის ელჩს საქართველოში, გარეთ უორდს შეხვდა.
„ლონდონის საფონდო ბირჟის ჯგუფის" მიერ წარმოდგენილ იქნა ინფორმაცია ჯგუფის აქტივობებისა და საქმიანობის შესახებ. შეხვედრაზე ხაზი გაესვა საქართველოს სუვერენულ და კერძო სექტორთან არსებულ მჭიდრო თანამშრომლობას და სამომავლო გეგმებს.
განხილულ იქნა საერთაშორისო კაპიტალის ბაზრებზე არსებული ტენდენციები, ინვესტორთა მზარდი დაინტერესება საქართველოს და რეგიონის ბაზრებით. აღინიშნა მიმდინარე წლის იანვარში საქართველოს მიერ ევრობონდების წარმატებით რეფინანსირება. ქართულმა მხარემ სტუმრებს მიაწოდა ინფორმაცია ფინანსთა სამინისტროს მიერ, მიმდინარე წლის მაისში, სადებიუტო სინდიკაციის მეთოდით გამოშვებული სახაზინო ობლიგაციების შესახებ.
ყურადღება დაეთმო იმ ღონისძიებებს, რომელსაც ქვეყნის მთავრობა ადგილობრივ და საერთაშორისო კაპიტალის ბაზრებზე ახორციელებს დაფინანსების წყაროების დივერსიფიკაციისა და ინვესტორთა ბაზის გაფართოების მიზნით.
შეხვედრაზე, ასევე, განხილულ იქნა ქვეყნის მაკროეკონომიკური და ფისკალური პოლიტიკის ტენდენციები და მიღწევები, მიმდინარე საერთაშორისო გეოპოლიტიკური გამოწვევების ფონზე.
შეხვედრას ქართული მხრიდან დაესწრო ფინანსთა მინისტრის მოადგილე ეკატერინე გუნცაძე.
კომერციული ბანკების წარმომადგენლებმა წამოაყენეს ინიციატივა, რომ ეროვნულმა ბანკმა სვოპ მექანიზმები შემოიღოს - დავით რუსია
03.06.2026.17:30
მიმოქცევაში არსებული ნაღდი ფულის მაჩვენებელი წლიურად საშუალოდ 15%-ით არის გაზრდილი - დავით რუსია
03.06.2026.16:50
ბაზრის ლიდერი საბანკო დაწესებულებები ძალიან სწრაფები და მოქნილები არიან - დავით რუსია
03.06.2026.15:30
