TBC Capital-ის პროგნოზით 2026 წლის ბოლოსთვის ოქროს ფასი უნციაზე $5 600-ის ფარგლებში იქნება
ძვირფასი ლითონებისთვის გასული თვე დრამატული აღმოჩნდა. როგორც თიბისი კაპიტალის პუბლიკაციაშია აღნიშნული, ოქრო უნციაზე $5,600-იან ნიშნულს მიუახლოვდა, რის შემდეგაც დაახლოებით 9%-ით გაიაფდა, ვერცხლის ბაზარზე კი უფრო ძლიერი რყევები დაფიქსირდა და პიკური მაჩვენებლიდან ფასი თითქმის მეოთხედით დაეცა.
ეს ყველაფერი ერთი შეხედვით FED-ის ახალი თავმჯდომარის ნომინაციას უკავშირდება, რომელიც მკაცრი შეხედულებებით გამოირჩევა. თუმცა, უფრო რეალური მიზეზი პოზიციონირება და
მოლოდინებია: ბაზარი „გადახურდა“, ფასები ზედმეტად გაიზარდა და როგორც კი ნარატივი შეირყა, ბაზარმა პოზიციების მასიური დახურვა დაიწყო.
მთავარი ნიუანსი ის არის, რომ ოქრო და ვერცხლი ამჟამად ერთნაირი აქტივები არ არის. ოქროს ზურგს უმაგრებს უნიკალურად ძლიერი სტრუქტურული მყიდველი - ცენტრალური ბანკები და გრძელვადიანი დივერსიფიკატორები - ამიტომ ფასის ვარდნა იზიდავს „რეალურ“ მოთხოვნას და არა მხოლოდ ოპორტუნისტულ კაპიტალს.
სწორედ ამიტომ, ამ უკუსვლას უფრო პაუზად განვიხილავთ, ვიდრე ტრენდის ცვლილებად და 2026 წლის ბოლოსთვის ოქროს ფასის ჩვენს პროგნოზს კვლავ $5,600-ის ფარგლებში ვტოვებთ. ამის საპირისპიროდ, ვერცხლს ცენტრალური ბანკების სახით
სტაბილური დასაყრდენი არ გააჩნია. ის მეტად რეაგირებს რისკის სენტიმენტებზე და მკვეთრი მერყეობისკენ უფრო მიდრეკილია.
მიუხედავად იმისა, რომ წინა ციკლებთან შედარებით ფასის ფსკერი უფრო მაღლა აიწია (საბაზისო ნიშნულად $70-ების შუა და ~$80-იანი ზონა სახელდება), ძლიერი რყევები ორივე მიმართულებით კვლავ მოსალოდნელია. სამომავლოდ, ვაკვირდებით დოლარის მიმართულებას, რეალური საპროცენტო განაკვეთების დინამიკას და ბაზრის პოზიციონირებას“, - აღნიშნულია პუბლიკაციაში.
დღის ტოპ 10 სიახლე
სხვა სიახლეები
მსოფლიო ბანკის მხარდაჭერით საქართველო საფინანსო სექტორის მდგრადობას აძლიერებს
30.07.2026.12:47
საქართველოსა და რეკონსტრუქციისა და განვითარების საერთაშორისო ბანკს (IBRD) შორის ხელი მოეწერა შეთანხმებას, რომელიც ითვალისწინებს 35 მლნ. აშშ დოლარის მოცულობის ფინანსური რესურსის გამოყოფას „საქართველოში საბანკო რეზოლუციისთვის მზადყოფნის პროექტისთვის".
დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და მსოფლიო ბანკის რეგიონულმა დირექტორმა სამხრეთ კავკასიაში, როლანდ პრაისმა.
ხელმოწერის ცერემონიას დაესწრნენ ეროვნული ბანკის პრეზიდენტი ნათია თურნავა, ფინანსთა მინისტრის მოადგილე ეკატერინე გუნცაძე, სებ-ის პირველი ვიცე-პრეზიდენტი ეკატერინე მიქაბაძე, ფინანსთა სამინისტროს, ეროვნული ბანკისა და მსოფლიო ბანკის წარმომადგენლები.
მსოფლიო ბანკის მიერ დამტკიცებული პროექტი სარეზოლუციო ფონდისთვის ქმნის 35 მილიონი აშშ დოლარის ოდენობის წინასწარ შეთანხმებულ საკრედიტო ხაზს.
მსოფლიო ბანკის ჩართულობით, პროექტის ფარგლებში განხორციელებული სამუშაო და სამომავლოდ დაგეგმილი ღონისძიებები ხელს შეუწყობს სებ-ის რეზოლუციის ჩარჩოს შემდგომ სრულყოფას, ეფექტიანობის ზრდასა და საუკეთესო საერთაშორისო პრაქტიკასთან დაახლოებას.
ამასთან, საკრედიტო ხაზი სარეზოლუციო ფონდისთვის დამატებითი ფინანსური დაცვის მექანიზმია მისი სამიზნე ნიშნულამდე შევსების პერიოდში და ხელს შეუწყობს სარეზოლუციო პროცესის დროულად და ეფექტიანად განხორციელებას.
ფინანსთა მინისტრი ლაშა ხუციშვილი ლონდონის საფონდო ბირჟის ჯგუფის (London Stock Exchange Group) ევროპის განყოფილების პირველადი ბაზრების ხელმძღვანელს შეხვდა
08.07.2026.17:23
კომერციული ბანკების წარმომადგენლებმა წამოაყენეს ინიციატივა, რომ ეროვნულმა ბანკმა სვოპ მექანიზმები შემოიღოს - დავით რუსია
03.06.2026.17:30
მიმოქცევაში არსებული ნაღდი ფულის მაჩვენებელი წლიურად საშუალოდ 15%-ით არის გაზრდილი - დავით რუსია
03.06.2026.16:50
