გივი მიქანაძე ევროპის საპატენტო უწყების (EPO) პრეზიდენტ ანტონიო კამპინოსის შეხვდა
საქართველოს განათლების, მეცნიერებისა და ახალგაზრდობის მინისტრი გივი მიქანაძე საქპატენტის თავმჯდომარე სოსო გიორგაძესთან ერთად ევროპის საპატენტო უწყების (EPO) პრეზიდენტ ანტონიო კამპინოსის შეხვდა, - ინფორმაციას განათლების, მეცნიერებისა და ახალგაზრდობის სამინისტრო ავრცელებს.
უწყების ცნობით, შეხვედრაზე მხარეებმა ინოვაციების განვითარების კუთხით სამეცნიერო-აკადემიური საქმიანობის მნიშვნელობაზე იმსჯელეს. საუბარი შეეხო საქართველოში ევროპული პატენტების ვალიდაციის მექანიზმის დანერგვას, რაც ქვეყანაში ევროპული პატენტების სამართლებრივ აღიარებას უზრუნველყოფს.
„გივი მიქანაძემ განსაკუთრებული ყურადღება გაამახვილა ინტელექტუალური საკუთრების სფეროში განათლების როლზე და ამ მიმართულებით სამინისტროს მიერ გადადგმულ ნაბიჯებზე.
შეხვედრის ფარგლებში აღინიშნა საქართველოს მიერ ევროპის საპატენტო კონვენციასთან მიერთების შესახებ ევროპის საპატენტო ორგანიზაციაში (EPO) ოფიციალური მიმართვის გაგზავნის საკითხი, რაც ქვეყნისთვის სრულფასოვანი წევრობის პერსპექტივას გულისხმობს.
შეხვედრის დასასრულს მხარეებმა სამომავლო თანამშრომლობის გაფართოების მზაობა გამოხატეს“, - აღნიშნულია გავრცელებულ ინფორმაციაში.
დღის ტოპ 10 სიახლე
სხვა სიახლეები
ჩვენ დღეს, ხვალ ბრძანებით დავამტკიცებთ სასკოლო ფორმების ტარიფებს, რომელიც იქნება გაცილებით დაბალი, გაცილებით კონკურენტუნარიანი - გივი მიქანაძე
24.07.2026.11:37
სოციალური თანასწორობიდან გამომდინარე, პირველიდან მეექვსე კლასის ჩათვლით შემოგვაქვს სასკოლო ფორმები, რომელთა პირველი პარტიები უკვე საქართველოსკენ დაიძრა და 15 სექტემბრისთვის პირველკლასელები სრულად იქნებიან უზრუნველყოფილნი - განაცხადა გადაცემა Business Insider Georgia-ში გივი მიქანაძემ, განათლების, მეცნიერებისა და ახალგაზრდობის მინისტრმა.
,,პირველი სემესტრის განმავლობაში რამდენიმე ეტაპად დანარჩენი კლასები, მეექვსე კლასის ჩათვლით საჯარო სკოლები უზრუნველყოფილნი იქნებიან სასკოლო ფორმით. ჩვენ დღეს - ხვალ ბრძანებით დავამტკიცებთ სასკოლო ფორმების ტარიფებს, რომელიც იქნება გაცილებით დაბალი, გაცილებით კონკურენტუნარიანი არამარტო კერძო სკოლების სასკოლო ფორმებთან, არამედ იმ დანახარჯებთან შედარებით რომლის გაწევაც თითოეულ ოჯახს ბავშვის სასკოლო ჩაცმულობისთვის უწევთ. ასევე, ახალი სასწავლო წლიდან ჩვენ გვექნება საგაკვეთილო პროცესში მობილურებით სარგებლობის შეზღუდვის კომპონენტი, რისი ბრძანებაც მე უკვე დავამტკიცე და შესაბამისად, იქნება სპეციალური უსაფრთხო ყუთები, სადაც ბავშვები გაკვეთილების დროს განათავსებენ მობილურებს - ისინი მაქსიმალურად უნდა იყვნენ კონცენტრირებული სასწავლო პროცესზე", - აღნიშნა გივი მიქანაძემ.
სასკოლო ფორმების პირველი პარტიები უკვე საქართველოსკენ დაიძრა და 15 სექტემბრისთვის პირველკლასელები სრულად იქნებიან უზრუნველყოფილნი - გივი მიქანაძე
24.07.2026.10:41
სტუ-ის რექტორი ემერიტუსი პროფესორის - მერაბ ლორთქიფანიძის გარდაცვალების გამო სამძიმარს გამოთქვამს
23.07.2026.17:04
საქართველოს ტექნიკურ უნივერსიტეტსა და Carl Zeiss-ის ოფიციალურ წარმომადგენელ AMK Management-ს შორის სტრატეგიული პარტნიორობა დაიწყო
23.07.2026.15:24
უცხოელი სტუდენტები ძირითადად კერძო უნივერსიტეტებზე ქმნიან მოთხოვნას - თათია მამრიკიშვილი
23.07.2026.12:11
განათლების სექტორი საქართველოში ერთ-ერთი ყველაზე სწრაფად მზარდი დარგია - თათია მამრიკიშვილი
23.07.2026.11:52
რექტორმა ღვაწლმოსილ მკვლევრებს უნივერსიტეტის ოქროს მედლები და საპატიო დიპლომი გადასცა
22.07.2026.11:58
