,,სულ ვამბობ, ყოველთვის ვამბობ და ყველას მოვუწოდებ განსაკუთრებით მედია საშუალებებს, როდესაც ასეთი თემების გაშუქება ხდება ეს ძალიან დიდი სიფრთხილით და პასუხისმგებლობით არის გასაკთებელი და ვიდრე საკითხში არ ჩაიხედება სიუჟეტს ვინც ამზადებს ისე არ შეიძლება", - აღნიშნულის შესახებ ჯანდაცვის მინისტრმა განაცხადა იმედის დილაში, რუბრიკა Business Insider Georgia-ში.

მიხეილ სარჯველაძემ განმარტა საკითხის მნიშვნელობა და აღნიშნა, რომ საკითხის სწორი კომუნიკაცია მიზნობრივ სეგმენტთან კრიტიკულად მნიშვნელოვანია. 

,,იმიტომ რომ ძალიან ბევრი ბავშვის, რომელსაც აქვს ტიპი 1 დიაბეტი მათი მშობლებისთვის ინფორმაცია იმის შესახებ, რომ თითქოს და სახელმწიფო წყვეტს ინსულინის მიწოდებას ან რაიმე სირთულეა ინსულინის მიწოდების თვალსაზრისით, ეს უბრალოდ არ შეიძლება, უპასუხისმგებლობაა იმიტომ რომ პანიკაში აგდებს ადამიანებს, ამიტომ სწორი ინფომრაციის მიწოდება არის კრიტიკულად მნიშვნელოვანი. მსოფლიოში არის ორი გლობალური ლიდერი, ორი ან შეიძლება სამიც. ორი გლობალური ლიდერი ევროპის კონტინენტზე, ერთი არის ფრანგული, მეორე დანიური კომპანია. ისინი აწარმოებენ ამ პროდუქტებს, ორივე საქართველოში ხელმისაწვდომია. ერთ-ერთ კომპანიას, დანიურ კომპანიას შეექმნა გარკვეული შეფერხება. მიუხედავად იმისა, რომ ძალიან დროულად, ძალიან ადრიანად ჩვენს მიერ დაიგეგმა შესყიდვაც, გაფორმებულია ხელშეკრულება, ჰქონდა შეფერხება. პირველი პარტია, რომელიც ჯერ კიდევ მაისის თუ ივნისის დასაწყისში მოწოდებული უნდა ყოფილიყო, იმ პარტიას შეექმნა 15 000 - ის ნაცვლად მოგვაწოდა 7000 და ა.შ. იმედი მაქვს რომ ეს ძალიან სწრაფად აღმოფხვრადი სირთულეებია, რომელიც არამხოლოდ იმედი მაქვს, არამედ ინფორმაცია მაქვს. მე გახლდით ოქტომბერში უშუალოდ მქონდა შეხვედრა ძალიან მაღალ დონეზე ამ კომპანიასთან. მათ დადეს პირობა რომ ძალიან სწრაფად ეს პრობლემა აღმოიფხვრება. ველოდებით ამ პროცესს. მაგრამ ამავე პროცესში, ზუსტად იგივე ძალიან მაღალი ხარისხის, კიდევ ერთხელ ვიმეორებ გლობალური ლიდერების წარმოებული პროდუქტი საქართველოში აბსოლუტურად ხელმისაწვდომია. რაც შეეხება საკითხს, რომ ცალკეული უხერხულობები შეიძლება ახლდეს მედიკამენტის ჩანაცვლებას ყველა ამ საკითხზე მათ შორის, ჩვენ გვქონდა კიდეც შეხვედრა მშობლების გარკვეულ ნაწილთან. ვთხოვეთ რომ მოგვაწოდონ ინფორმაცია რომ რაც შეიძლება უმტკივნეულო იყოს თვითონ ამ პერიოდით ჩანაცვლება“, - განაცხადა მიხეილ სარჯველაძემ.