მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.4
-0.0026
flag
AZN 1.5254
0
flag
CNY 38.893
-0.0001
flag
EUR 2.8447
-0.0048
flag
GBP 3.4159
-0.0035
flag
KZT 58.29
-0.0007
flag
TRY 0.0514
0
flag
USD 2.5927
-0.0001
news banner

აღსანიშნავია, რომ იმ ოპოზიციურმა პარტიებმა, რომლებმაც მიიღეს მონაწილეობა ადგილობრივ არჩევნებში, მოიპოვეს მანდატები საკრებულოებში და ქართველი ხალხის ნების შესაბამისად, წარმატებით ეწევიან საქმიანობას -ზურაბ აბაშიძე

news image
mbc image

მაშინ, როდესაც ოპოზიციური პარტიების ნაწილმა ბოიკოტი გამოუცხადა 4 ოქტომბრის არჩევნებს, ჩვენთვის მიუღებელია კრიტიკა იმის თაობაზე, თუ რატომ არ იკავებენ ოპოზიციური პარტიების წარმომადგენლები პოლიტიკურ თანამდებობებს“, - ეს განცხადება თბილისის საკრებულოს თავმჯდომარემ და ევროპის საბჭოს კონგრესში საქართველოს დელეგაციის თავმჯდომარის მოადგილემ, ზურაბ აბაშიძემ, ადგილობრივ და რეგიონულ ხელისუფლებათა კონგრესის მონიტორინგის კომიტეტის შეხვედრაზე სიტყვით გამოსვლისას გააკეთა. მისი თქმით, იმ ოპოზიციურმა პარტიებმა, რომლებმაც მიიღეს მონაწილეობა არჩევნებში, მოიპოვეს მანდატები საკრებულოებში და ქართველი ხალხის ნების შესაბამისად, წარმატებით ეწევიან საქმიანობას.

ზურაბ აბაშიძის თქმით, არჩევნების ბოიკოტირების გადაწყვეტილებამდე ოპოზიციური პარტიები არწმუნებდნენ თავიანთ დამკვირვებლებს, რომ ახალი ელექტრონული საარჩევნო ტექნოლოგიების გამოყენება პრაქტიკულად გამორიცხავდა არჩევნების შედეგების გაყალბებას. აქედან გამომდინარე, ზურაბ აბაშიძის განცხადებით, მისთვის გაუგებარია არჩევნებისადმი უნდობლობის არგუმენტები.

ევროპის საბჭოს კონგრესში საქართველოს დელეგაციის თავმჯდომარის მოადგილემ თავის გამოსვლაში გასულ წელს ჩატარებული არჩევნები შეაფასა და კონგრესის წევრებს დეტალური ინფორმაცია მიაწოდა არჩევნების მიმდინარეობისა და სადამკვირვებლო მისიების შესახებ. მისი თქმით, არჩევნების შედეგად საქართველოს მოქალაქეებმა 64 მუნიციპალიტეტში საკრებულოს წევრები და 64 მერი აირჩიეს. მისივე განცხადებით, არჩევნებში მონაწილეობა ამომრჩეველთა 40.93%-მა მიიღო და იმის გათვალისწინებით, რომ რამდენიმე პოლიტიკურმა პარტიამ არჩევნებს ბოიკოტი გამოუცხადა, ამომრჩეველთა გამოცხადება მაღალ აქტივობადაც შეიძლება ჩაითვალოს. როგორც ზურაბ აბაშიძემ განაცხადა, არჩევნების დაკვირვების მიზნით 27 ადგილობრივი და 28 საერთაშორისო ორგანიზაცია დარეგისტრირდა. ასევე, აკრედიტებული იყო პრესისა და მასობრივი ინფორმაციის 73 საშუალება. მისივე თქმით, არჩევნებში დამკვირვებლები 20 სხვადასხვა ქვეყნიდან მონაწილეობდნენ.

რაც შეეხება საერთაშორისო ორგანიზაციებს, ზურაბ აბაშიძის განცხადებით, არჩევნებში მონაწილეობდა 2 საერთაშორისო ორგანიზაცია - Association ALTERFACT-ი და „ფუნდამენტური უფლებების ცენტრი“ (Center for Fundamental Rights).

„მიუხედავად იმისა, რომ ODIHR-ის მოწვევის საკითხი სპეკულაციის თემა გახდა, საქართველოს მთავრობამ რეალისტური ვადების გათვალისწინებით გაუგზავნა მოწვევა ორგანიზაციას მისიის საქართველოში გამოგზავნასთან დაკავშირებით. სურვილის შემთხვევაში, ვადები შესაძლებლობას აძლევდა ორგანიზაციას გამოეგზავნა სადამკვირვებლო მისია და უზრუნველეყო საჭირო ტექნიკური საკითხები. მონაწილე საერთაშორისო დამკვირვებლებმა კი ხაზი გაუსვეს კენჭისყრის პროცესის ორგანიზების მაღალ დონეს, თანამედროვე ტექნოლოგიების ეფექტიან გამოყენებას, ხმის ფარულობის დაცვასა და პროცედურების გამჭვირვალობას. მათი შეფასებები ადასტურებს, რომ კენჭისყრა მიმდინარეობდა შეუფერხებლად, უარყოფითი ტენდენციების გარეშე და სრულ შესაბამისობაში იყო დემოკრატიულ სტანდარტებთან“, - განაცხადა ზურაბ აბაშიძემ.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

პოლიტიკა
image ნინო წილოსანმა და შოთა ბერეკაშვილმა კონკურენციის და მომხმარებლის დაცვის საერთაშორისო კონფერენციის მონაწილეებს სიტყვით მიმართეს

19.11.2026.15:54

საქართველოში მოქმედი ხუთი მარეგულირებელი უწყების ორგანიზებით, კონკურენციის და მომხმარებლის დაცვის მე-5 საერთაშორისო კონფერენცია გაიმართა.

საერთაშორისო კონფერენციის გახსნისას, მის მონაწილეებს საქართველოს პარლამენტის თავმჯდომარის მოადგილემ, ნინო წილოსანმა და პარლამენტის ეკონომიკური პოლიტიკის კომიტეტის თავმჯდომარემ, შოთა ბერეკაშვილმა სიტყვით მიმართეს.

„საქართველო კონკურენციის და მომხმარებლის დაცვის საერთაშორისო კონფერენციას მეხუთედ მასპინძლობს. აღნიშნული ხაზს უსვამს, თუ რამდენად მნიშვნელოვანია ეს მიმართულება როგორც საკანონმდებლო, ასევე აღსრულების კუთხით. ბოლო ათწლეულის განმავლობაში კონკურენციის და მომხმარებელთა უფლებების დაცვის სფეროში დრამატული ცვლილებები განხორციელდა და ამ პროცესში კონფერენციაზე დამსწრე საზოგადოების უმრავლესობა ვმონაწილეობდით. განცალკევებით, ეკონომიკური ზრდა, რომელიც საქართველოში საკმაოდ შთამბეჭდავია, ვერ იქნება ქვეყნის კეთილდღეობის მაჩვენებელი. ამის მანიშნებელი ნამდვილად შეიძლება იყოს მომხმარებელთა უფლებების დაცვის სტანდარტი, თუ როგორ ზრუნავს სახელმწიფო თითოეულ ადამიანზე, რადგან სწორედ ეს ადამიანები არიან ჩვენი პოლიტიკის, როგორც სახელმწიფო პროდუქტის, ასევე ბიზნესისა და სხვადასხვა სფეროს მომხმარებლები", - განაცხადა ნინო წილოსანმა.

მისი თქმით, საქართველოს პარლამენტისთვის პრიორიტეტად რჩება როგორც მოქმედი კანონმდებლობის ეფექტიანად აღსრულების კონტროლი, ისე თანამედროვე გამოწვევებზე პასუხი და საერთაშორისო პრაქტიკის გათვალისწინება.

როგორც ნინო წილოსანმა აღნიშნა, ამ პროცესში საერთაშორისო თანამშრომლობა და ის გამოცდილება, რომელიც პარტნიორ სახელმწიფოებს აქვთ, ჩვენს ქვეყანას სწორი მიმართულებით წაიყვანს. „ჩვენ უკვე გავიარეთ მნიშვნელოვანი გზა მომხმარებელთა უფლებების სამართლებრივი აღიარებიდან, მათ დაცვამდე. ახლა ჩვენი ამოცანაა, მომხმარებლებისთვის ეს უფლებები კიდევ უფრო ხელშესახები გავხადოთ", - აღნიშნა პარლამენტის თავმჯდომარის მოადგილემ.

პარლამენტის ეკონომიკური პოლიტიკის კომიტეტის თავმჯდომარის, შოთა ბერეკაშვილის განცხადებით, როდესაც საუბარია კონკურენციის და მომხმარებლის უფლებების დაცვაზე, მნიშვნელოვანია, ბიზნესისთვის კონკურენტული და გამჭვირვალე გარემო შეიქმნას, რომლის პირობებში მომხმარებელი მიიღებს არჩევანის მრავალფეროვნებას და საუკეთესო ფასს სამომხმარებლო ბაზარზე.

„პარლამენტის ეკონომიკური პოლიტიკის კომიტეტისთვის ერთ-ერთი მნიშვნელოვანი პრიორიტეტი ისეთი ბიზნესგარემოს შექმნაა, რომელიც უზრუნველყოფს მეწარმეობის განვითარებას, ბაზარზე შესვლის ბარიერების შემცირებას, სერვისების მრავალფეროვნებას და შედეგობრივად, მომხმარებლის ინტერესების დაცვის უზრუნველყოფას. სწორედ ამიტომ, ჩვენი კომიტეტის საქმიანობის მთავარი პრინციპებია: კონკურენციის გაძლიერება, პროცესების სისწრაფე და გამჭვირვალობა და მომხმარებლის ინფორმირებულობა", - განაცხადა შოთა ბერეკაშვილმა.

ეკონომიკური პოლიტიკის კომიტეტის თავმჯდომარემ აღნიშნა, რომ კონკურენციის გაძლიერების მიზნით, მნიშვნელოვანია ბიუროკრატიული და ადმინისტრაციული ბარიერების შემცირება და ისეთი გარემოს შექმნა, სადაც ახალ კომპანიებს ბაზარზე შესვლისა და განვითარების თანაბარი შესაძლებლობები ექნებათ. მისი თქმით, ღია ბაზრის პრინციპების გაძლიერებით შესაძლებელია ინვესტიციების მოზიდვა, ინოვაციების სწრაფი დანერგვა და კონკურენტული გარემოს გაუმჯობესება.

შოთა ბერეკაშვილის შეფასებით, პროცესების სისწრაფისა და გამჭვირვალობისთვის, ეფექტიანი საბაზრო ეკონომიკის ფუნქციონირებისთვის აუცილებელია მკაფიო, თანმიმდევრული და პროგნოზირებადი გარემო. მისი თქმით, გამჭვირვალობა ამცირებს გაურკვევლობას, ზრდის ნდობას ბაზრის მონაწილეებს შორის და ხელს უწყობს სამართლიანი კონკურენტული პირობების ჩამოყალიბებას. ამ მიმართულებით მნიშვნელოვანია გამჭვირვალობის პრინციპების გაძლიერება როგორც მარეგულირებელ პროცესებში, ისე ეკონომიკის სხვადასხვა სექტორში.

კომიტეტის თავმჯდომარემ მომხმარებელთა ინფორმირებულობის მნიშვნელობაზე ისაუბრა და აღნიშნა, რომ მომხმარებელს პროდუქტებისა და მომსახურების ფასების, ხარისხისა და პირობების შესახებ სრული, ზუსტი და გასაგები ინფორმაცია უნდა ჰქონდეს, რაც მას საშუალებას მისცემს, შეადაროს ბაზარზე არსებული შეთავაზებები და გააკეთოს თავისუფალი და ინფორმირებული არჩევანი.

„ეს მიმართულებები ერთმანეთის შემავსებელია და ჯანსაღი საბაზრო გარემოს საფუძველს ქმნის. ბაზრის ღიაობა აძლიერებს კონკურენციას, პროცესების სისწრაფე უზრუნველყოფს შესაძლებლობების წარმატებით გამოყენებას, გამჭვირვალობა ზრდის ნდობასა და პროგნოზირებადობას, ხოლო ინფორმირებული მომხმარებელი ხელს უწყობს ბაზრის ეფექტიან ფუნქციონირებას", - განაცხადა შოთა ბერეკაშვილმა.

საერთაშორისო კონფერენციას საკანონმდებლო და აღმასრულებელი ხელისუფლების, ასევე საბანკო და საზედამხედველო სექტორებისა და 22 ქვეყნის ბიზნესისა და აკადემიური წრეების წარმომადგენლები დაესწრნენ.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა