არც ახლა და არც წინასაარჩევნო პერიოდში არცერთი ოპოზიციონერი კოლეგისგან მათ მიერ შემუშავებული კონკრეტული ინიციატივა „სწორი“ ურბანული პოლიტიკის მიმართულებით არ მოგვისმენია - ნიკოლოზ კახეთელიძე
თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარემ, ნიკოლოზ კახეთელიძემ, დღეს გამართულ საკრებულოს სხდომაზე ოპოზიციონერ კოლეგებს მიმართა, რომლებიც თბილისის მუნიციპალიტეტისა და მერიის ურბანულ პოლიტიკას კრიტიკულად აფასებენ.
როგორც ნიკოლოზ კახეთელიძემ თავის გამოსვლაში აღნიშნა, იგი მზად არის კომისიის ფორმატში ნებისმიერ დროს მოუსმინოს ოპოზიციის წარმომადგენლებს.
„ოპოზიციონერი კოლეგებისგან ხშირად გვესმის შეფასება, რომ ქალაქში „არასწორი ურბანული პოლიტიკა“ ხორციელდება. მზად ვარ, კომისიის ფორმატში დაგითმოთ დრო და მოვისმინო თქვენი ხედვები და არგუმენტები, თუ რას მიიჩნევთ „სწორ“ ურბანულ პოლიტიკად. არც ახლა და არც წინასაარჩევნო პერიოდში არცერთი ოპოზიციონერი კოლეგისგან მის მიერ შემუშავებული კონკრეტული ინიციატივა ამ „სწორი“ ურბანული პოლიტიკის მიმართულებით არ მოგვისმენია, თუ არ ჩავთვლით რამდენიმე არასერიოზულ შეთავაზებას.
ურბანული პოლიტიკა, რომელსაც თბილისის მერია ახორციელებს, ჩამოყალიბებულია ცნობილი ავტორიტეტული კომპანიებისა და საერთაშორისო კვლევების საფუძველზე. შეკითხვების არსებობის შემთხვევაში მზად ვართ კომისიის ფორმატში დაგითმოთ დრო და დამატებითი განმარტებები გაგიზიაროთ“, - განაცხადა ნიკოლოზ კახეთელიძემ.
დღის ტოპ 10 სიახლე
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
სხვა სიახლეები
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა
24.04.2026.17:57
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა.
შეხვედრაზე საქართველოსა და პოლონეთს შორის ურთიერთობის საკითხები განიხილეს. მთავრობის ადმინისტრაციის უფროსმა აღნიშნა, რომ ქართული მხარე კმაყოფილი არ არის ორმხრივი ურთიერთობების დღეს არსებული დონით და ადასტურებს მზადყოფნას თანამშრომლობის განახლებისა და გადატვირთვისთვის.
საუბარი შეეხო საქართველოს ევროკავშირში ინტეგრაციის პროცესს. ლევან ჟორჟოლიანის განცხადებით, საქართველოს მთავრობა განაგრძობს ევროკავშირთან ასოცირების შეთანხმებით გათვალისწინებული რეფორმების განხორციელების პროცესს და 2028 წლისთვის ყველაზე მომზადებული ქვეყანა იქნება ევროკავშირში ინტეგრაციისთვის.
შეხვედრას ესწრებოდნენ მთავრობის ადმინისტრაციის უფროსის მოადგილე ზვიად ბარქაია და პოლონეთის მისიის ხელმძღვანელის მოადგილე რობერტ ბაკი.
