ჩვენი მიზანია, გავაკეთოთ ანალიზი, თუ რა გამოწვევებია სექტორში, რა იწვევს ასეთ მაღალ ფასნამატს და შემდეგ დავგეგმავთ, თუ რა მექანიზმები უნდა ავამოქმედოთ იმისათვის, რომ მივიღოთ მნიშვნელოვანი კორექცია კლების მიმართულებით - შოთა ბერეკაშვილი
ეკონომიკური პოლიტიკის საპარლამენტო კომიტეტის თავმჯდომარემ, სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი პარლამენტის დროებითი კომისიის თავმჯდომარემ შოთა ბერეკაშვილმა კომისიის მიზნებზე ისაუბრა.
„ჩვენი მიზანია, გავაკეთოთ შესაბამისი ანალიზი, თუ რა გამოწვევებია სექტორში, რა იწვევს ასეთ მაღალ ფასნამატს და ამის შემდეგ დავგეგმავთ, თუ რა მექანიზმები უნდა ავამოქმედოთ იმისათვის, რომ სექტორში მივიღოთ მნიშვნელოვანი კორექცია კლების მიმართულებით, სექტორი გავხადოთ უფრო კონკურენტუნარიანი”, - განაცხადა ბერეკაშვილმა.
კომისიის წევრები დღეს კვების პროდუქტების ადგილობრივი მწარმოებელი კომპანიების მონაწილეობით ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესებს განიხილავენ.
დროებითმა საპარლამენტო კომისიამ გასულ კვირას პროდუქტების მწარმოებელი კომპანიების წარმომადგენლებს მოუსმინა. მათ იმ მთავარ პრობლემებზე ისაუბრეს, რაც მაღალ ფასებს იწვევს. ერთ-ერთ მთავარ პრობლემად დაასახელეს ე. წ ქეშბექი და ქსელურ მარკეტებში პროდუქციის დახლზე მოხვედრის გადასახადი.
დღის ტოპ 10 სიახლე
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
სხვა სიახლეები
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა
24.04.2026.17:57
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა.
შეხვედრაზე საქართველოსა და პოლონეთს შორის ურთიერთობის საკითხები განიხილეს. მთავრობის ადმინისტრაციის უფროსმა აღნიშნა, რომ ქართული მხარე კმაყოფილი არ არის ორმხრივი ურთიერთობების დღეს არსებული დონით და ადასტურებს მზადყოფნას თანამშრომლობის განახლებისა და გადატვირთვისთვის.
საუბარი შეეხო საქართველოს ევროკავშირში ინტეგრაციის პროცესს. ლევან ჟორჟოლიანის განცხადებით, საქართველოს მთავრობა განაგრძობს ევროკავშირთან ასოცირების შეთანხმებით გათვალისწინებული რეფორმების განხორციელების პროცესს და 2028 წლისთვის ყველაზე მომზადებული ქვეყანა იქნება ევროკავშირში ინტეგრაციისთვის.
შეხვედრას ესწრებოდნენ მთავრობის ადმინისტრაციის უფროსის მოადგილე ზვიად ბარქაია და პოლონეთის მისიის ხელმძღვანელის მოადგილე რობერტ ბაკი.
